Татьяна Власова (1905)

Татьяна Александровна Власова (1905 елның 18 (31) декабре, Буа — 1986 елның 16 июне Мәскәү) — совет психологы һәм дефектологы, психология фәннәре докторы (1972), профессор (1976), ССРБ Педагогика фәннәре академиясе академигы (1982).

Татьяна Власова
Туган телдә исем	рус. Татьяна Александровна Власова
Туган	18 (31) декабрь 1905 яки 31 декабрь 1905(1905-12-31)[1] Буа, Буа өязе, Сембер губернасы, Россия империясе
Үлгән	16 июнь 1986(1986-06-16) (80 яшь) яки 16 февраль 1986(1986-02-16)[1] (80 яшь) Мәскәү, СССР
Күмү урыны	Новодевичье зираты[d]
Ватандашлыгы	Россия империясе  РСФСР[d]  СССР
Әлма-матер	Икенче Мәскәү дәүләт университеты[d]
Һөнәре	психолог, defectologist, университет профессоры
Сәяси фирка	Советлар Берлеге коммунистик фиркасе
Гыйльми дәрәҗә:	психология фәннәре докторы[d] (1972)
Гыйльми исем:	профессор[d]

Википедиядә Власова фамилияле башка кешеләр турында мәкаләләр дә бар.

Тормыш юлы

Татьяна Власова 1905 елның 18 (31) декабрендә Буада (хәзерге Татарстан Республикасы) крестьян гаиләсендә туа^[2].

Хезмәт эшчәнлеген 1922 елда урта мәктәпне тәмамлаганнан соң Буа, ә соңрак Казан мәктәпләрендә һәм балалар йортларында укытучы һәм тәрбияче булып башлый. 1929 елда 2 нче Мәскәү университетының педагогия факультетының дефектология бүлеген тәмамлый һәм илдә дефектология буенча беренче фәнни үзәк — РСФСР Халык хуҗалыгы һәм азык-төлек министрлыгының эксперименталь-дефектология институтының (соңыннан ССРБ ПФА дефектология фәнни-тикшеренү институты була) оештыру комиссиясе составына кертелә. Власованың тормышы шул институт белән бәйле була, анда ул клиник-диагностика бүлеген җитәкли, директор урынбасары һәм директор булып эшли.

СБКФ әгъзасы була^[3]. 1945 елдан 1963 елга кадәр Татьяна Александровна СБКФ ҮК аппаратында җаваплы партия эшендә була, бер үк вакытта фәнни эшне дәвам итә. 1963 елдан Т. А. Власова — яңадан ССРБ ПФАның дефектология фәнни-тикшеренү институтында фәнни эш буенча директор урынбасары, ә 1968 елдан башлап үз үлеменә кадәр — институт директоры.

1986 елның 16 июнендә Мәскәүдә вафат була. Новодевичье зиратында (3 участок, 60 рәт) җирләнгән^[4].

Бүләкләр

• Октябрь Инкыйлабы ордены;
• Кызыл Байрак Хезмәт ордены;
• Халыклар Дуслыгы ордены;
• Хөрмәт Билгесе ордены;
• Крупская медале;
• Макаренко медале;
• Гогебашвили медале;
• Бер төркем союздаш республикаларның халык мәгарифе отличнигы билгесе;
• өч тапкыр ССРБ педагогик фәннәр академиясе премиясе;
• РСФСРның атказанган фән эшлеклесе (1980).