Альберт Сөярголов

Альберт Сөярголов^[3] (рус. Альберт Суяргулов) яки Альберт Зәки улы Сөярголов (рус. Альберт Закиевич Суяргулов) (1.08.1982) ― Татарстан Республикасы прокуроры (2023 елдан), Санкт-Петербург прокуроры урынбасары (2022―2023), III класслы дәүләт юстиция киңәшчесе (2024)^[4][5].

Альберт Сөярголов
Татарстан Республикасы прокуроры
Вазыйфада
Вазыйфага керешкән 2023 елның сентябре
Аңа кадәр	Илдус Нәфыйков
Санкт-Петербург шәһәр прокуроры урынбасары
Вазыйфада 2022–2023
Шәхси мәгълүмат
Туган	1 август 1982(1982-08-01)[1] (43 яшь)
Сәяси фирка	Бердәм Россия
Белем	Санкт-Петербург хәрби-диңгез институты[d][2] һәм Санкт-Петербург дәүләт университеты[2]

Википедиядә Сөярголов фамилияле башка кешеләр турында мәкаләләр дә бар.

Тәрҗемәи хәле

1982 елда туган. Югары техник белемне Санкт-Петербург хәрби-диңгез институтында^[d] (2004) һәм югары юридик белемне Санкт-Петербург дәүләт университетында (2010) алган ^[6].

Хезмәт юлы

2010 елдан 2011 елга кадәр ― Ленинград өлкәсенең Всеволожск шәһәр прокуроры ярдәмчесе.

2011 елда ― Ленинград өлкәсе прокуратурасының федераль законнарның үтәлешен күзәтчелек итү идарәсе гражданнарның хокуклары һәм ирекләре үтәлешен күзәтчелек итү бүлеге прокуроры.

2011 елның декабреннән 2012 елга кадәр ― Санкт-Петербург шәһәре прокуратурасының федераль законнарның үтәлешен күзәтчелек итү идарәсе Икътисад һәм табигатьне саклау өлкәсендә законнарның үтәлешен күзәтчелек итү бүлеге прокуроры.

2012―2014 елларда ― Санкт-Петербургның Выборг районы прокуроры урынбасары.

2014―2016 елларда – Санкт-Петербургның Курорт районы прокуроры урынбасары.

2017 елның августыннан октябрьгә кадәр ― Санкт-Петербург шәһәре прокуратурасының федераль законнарның үтәлешен күзәтчелек итү идарәсе Кеше һәм граждан хокуклары һәм ирекләре үтәлешен күзәтчелек итү бүлеге башлыгы.

2017 елдан 2022 елга кадәр ― Санкт-Петербург шәһәре прокуратурасының федераль законнарның үтәлешен күзәтчелек итү идарәсе башлыгы.

2022 елның декабреннән 2023 елның сентябренә кадәр ― Санкт-Петербург прокуроры урынбасары. Аның бурычларына федераль законнарның үтәлешен күзәтчелек итү идарәсе, шулай ук гражданлык һәм арбитраж процессында прокурорларның катнашуын тәэмин итү кергән.

2023 елның сентябреннән ― Татарстан Республикасы прокуроры^[7]. 2023 елның 1 гыйнварыннан Татарстан прокуроры гомуми шартларда һәм региональ хакимият органнары катнашуыннан башка билгеләнә ^[8].

Бүләкләре, мактаулы исемнәре

• Исемле корал белән бүләкләнгән.
• «Советлар Союзы флоты адмиралы С. Г. Горшков» медале
• Россия Федерациясе Генераль прокуроры грамотасы ^[9]