Рәис Гыйльфанов (1966)

Рәис Гыйльфанов, Рәис Михаил (?) улы Гыйльфанов (Раис Михайлович Гильфанов; 1966 елның 1 сентябре, СССР, РСФСР, Кемерово өлкәсе, Прокопьевск) ― муниципаль хезмәткәр, Кемерово өлкәсе Краснобродский (2019―2022), Полысаево (2022―2023) шәһәр округлары башлыгы^[1].

Рәис Гыйльфанов
Полысаево шәһәр округы башлыгы
Вазыйфада 13 гыйнвар 2023 ел – 31 август 2023 ел
Краснобродский шәһәр округы[d] башлыгы
Вазыйфада 2019–2022
Шәхси мәгълүмат
Туган	1 сентябрь 1966(1966-09-01) (59 яшь) СССР, РСФСР, Кемерово өлкәсе, Прокопьевск
Сәяси фирка	Бердәм Россия
Белем	СибГИУ[d], РФ ЭЭМның Волгоград академиясе[d]

Википедиядә Гыйльфанов фамилияле башка кешеләр турында мәкаләләр дә бар.

Тәрҗемәи хәле

1966 елның 1 сентябрендә Прокопьевскида туган^[1]. Новокузнецкида С. Орджоникидзе исемендәге Себер дәүләт металлургия институтын (1998 елдан СибГИУ^[d]) һәм Россия Эчке эшләр министрлыгының Волгоград юридик институтын^[d] тәмамлаган^[2].

Хезмәт юлы

1987―1990 елларда «Прокопьевскуголь» компаниясенең тимер юл бүлекчәсендә эшләгән.

1990 елдан 2007 елга кадәр эчке эшләр министрлыгы органнарында хезмәт иткән.

2007―2016 елларда ― Прокопьевск районы^[d] башлыгының икътисад һәм финанслар буенча урынбасары, 2016―2018 елларда ― беренче урынбасары.

2019 елдан 2022 елга кадәр Краснобродский районы башлыгы вазыйфасын биләгән.

2022 елның декабрендә, 1993 елдан (29 ел) Полысаево шәһәр башлыгы булган Валерий Зыков вазыйфасыннан киткәннән соң ^[3], халык депутатлары советының бертавыштан кабул ителгән карары белән 2023 елның 13 гыйнварыннан Полысаево шәһәр округы башлыгы итеп сайланган^[4].

2023 елның 31 августында, «сәламәтлеге какшау сәбәпле», үз ихтыяры белән шәһәр округы башлыгы вазыйфасыннан киткән^[1].

Тоткарлану

2023 елның 12 сентябрендә, вазыйфаи зат буларак, җинаятьчел эшчәнлектә (зур суммада ришвәт алуда (РФ Җинаять Кодексының 290 маддәсе 6 өлеше) һәм шулай ук зур күләмдә мошенниклык кылуда (РФ Җинаять кодексының 159 маддәсе 3 өлеше)) гаепләнеп, Россия Федераль куркынычсызлык хезмәтенең Кемерово өлкәсе — Кузбасс буенча УФСБ хезмәткәрләре тарафыннан тоткарланган. Тикшерү версиясе буенча, ул Краснобродский шәһәр округы башлыгы постында эшләгәндә үк җинаятьләр кыла башлаган^[2]. Шәһәрнең элеккеге башлыгына зур күләмдә ришвәтчелектә арадашчылык итү маддәсе буенча гаепләү белдерелгән (Җинаять кодексының 291.1 маддәсе 3нче өлеше "б" пункты)^[2].

Шәхси тормышы

Прокопьевск районы^[d], Верх-Егос^[d] авылы «Сәҗдә» мөселман дини оешмасы (мәхәллә) әгъзасы булган^[2].