Яр

Яр — Удмуртиысь посёлок (1938-тӥ арысен 2010-тӥ арозь — кар типъем посёлок), Яр ёрослэн шорсюлмыз, интыяськемын Удмурт Республикалэн уйпалаз, Ватка шурлэн Чупчи ӧрызлэн паллян ярдураз. Ярысен Ижозь — 225 иськем, станция Киров — Пермь чугун сюрес вылын. Ярысен Глаз карозь ӝутэмын асфальт сюрес. Улӥсез 6,9 сюрс адями. Со пӧлысь 59,6 % -эз удмуртъёс, 37,9%-эз ӟучъёс, 1%-эз бигеръёс но мукет калыкъёс 1,5 %.

Посёлок Яр 58°14′47″ с. ш. 52°06′25″ в. д.HGЯO Шаер Россия Улос Удмуртия Ёрос Яр ёрос Йыр Данилова Любовь Анатольевна Кылдытон дыр 1898 ар Улӥсьёс (2016) 6446 адями Часовой пояс UTC+4 Телефон код 34157 Почта индексъёс 427500 Официальной сайт mo-yarskoe.ru (ӟуч)

Яр

Та кыллэн мукет валатонъёсыз но вань, учке Яр (валатонъёсыз).

Гуртлэн кылдэмез

Яр гурт нырысьсэ пусъемын 1836-тӥ арын — Ватка губерниысь Глазов уездысь Укан волосте пырись гуртъёс пӧлын. 1901-тӥ арын пуктэмын Ватка-Пермь чугун сюрес — со ортчиз Яр гурт пыр. 1938-тӥ арын 11-тӥ сентябре Яр гурт кар типъем посёлоклы пӧрмытэмын. Нимызлэн кытысь потэмез тодмо ӧвӧл: М. Г. Атамановлэн малпамезъя, ненец кылысь, пе, потэ, но со чик шонер ӧвӧл, малы ке шуоно, ненецъёс но, мукет самоди выжыос но Ватка-Кам музъем вылын ноку улӥллямтэ.

Экономика

Ярын ӟеч ужа нюлэс дасян удыс. Отын потто пу, солэсь пӧртэм арбериос дасяло. Ӟеч ужало асфальт вӧлдонъя но етӥн сэстонъя, гурт техникаез тупатонъя, дӥсь вуронъя но кирпич шукконъя огазеяськонъёс. Ярын потто сӥльлэсь, йӧллэсь сиёнъёс, нянь пыжо.

Культура

Ярын — 2 шор ёзо школа, Глазысь педагогикая техникумлэн ёзэз, дышетӥсьёсты дасянъя училище, 4 нылпи сад, спортъя но крезьгуръя школаос, нылпи творчествоя юрт, 2 библиотека. Пӧртэм учыръёслы но адямиослы сӥзьыса, Ярын сизьым монумент пуктэмын.

Чӧлсконъёс

• Официальной сайтэз