19 толшор

19 толшор — арлэн 19-тӥ нуналыз григорианской календарья. Выль арозь 346 нунал кыле (347 нунал високосной аръёсын).

Толшор · Тулыспал · Южтолэзь · Оштолэзь · Куартолэзь · Инвожо · Пӧсьтолэзь · Гудырикошкон · Куарусён · Коньывуон · Шуркынмон · Толсур 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31

Али дыре юлиан календарьлэн 6-тӥ толшорезлы огкадь луэ.

Праздникъёс

•  удмуртъёс — Вожо уллян. Йӧ вылын тылскон. [праздниклэн быдэстон]^[1]
•  удмуртъёс — Куинь ошмесысь «улэп» ву ваён [праздниклэн кутсконэз].^[1]

Луэм учыръёс

• 1127 — кӧчись чжурчжэньёс китай императоръёсыз пленэ басьтӥзы.
• 1764 — радикальной политик Джон Уилкс Великобританилэн парламентысьтыз палгытэмын.
• 1817 — Сан-Мартин генерал ас армизэ Андъёс вамен валтыны кутскиз.
• 1853 — Римын ортчиз Вердилэн «Трубадур» операезлэн премьераез.
• 1917 — Кам вамен Сарапул вӧзын чугун сюрес выж лэсьтэмын.
• 1918 — ВЦИК декрет кутӥз Учредительной ӧтчамез быдтон сярысь.
• 1919 — Граждан ож дыръя Горд армия басьтӥз Полтаваез, Славяносербскез но Дебальцевоез.
• 1920 — Мускоын МГУ юрт вӧзын Герценлы но Огарёвлы сӥзем памятникъёсыз инъян ортчиз.
• 1942 — совето армия Можайск, Верея но Кондрово мозмытӥз.
• 1943 — РСФСР-ын Ульяновск улос кылдытэмын.
• 1945 — совето войскоос мозмытӥзы Лодзьысь геттоез.
• 1966 — Индира Ганди луиз Индиысь премьер-министр.
• 1977 — Майами но Багама шормуӵъёс вылэ лымыяз.
• 1978 — Эмденысь заводлэн конвейерысьтыз васькиз берпумез «Фольксваген-Бокро».
• 1988 — Можгалан егит художникъёслэн творческой огазеяськонзы кылдытэмын.
• 1989 — Удмурт АССР-ысь калыкез берпум лыдъян-чотан йылпумъяськиз.
• 1995 — ӟуч войскоос Грозныйын президент дворецэз киултӥзы.
• 2006 — Канаверал космодром вылысь Атлас-5 ракета-носительлэн юрттэмезъя Америкаысь New Horizons автоматической межпланетной станция Плутон эскерыны лэземын.

Вордскизы

• 1736 — Джеймс Уатт, Шотландиысь изобретатель-механик, паровой машинаез кылдытӥсь.
• 1747 — Иоганн Боде, немец астроном, Берлинысь наукаосъя академилэн ёзчиез.
• 1809 — Эдгар По, Америкаысь писатель, кылбурчи, литературной критик но редактор.
• 1839 — Поль Сезанн, Франциысь художник-постимпрессионист.
• 1863 — Александр Серафимович, ӟуч но совето писатель («Железный поток»).
• 1865 — Валентин Серов, ӟуч живописец но график.
• 1897 — Пааво Талвела, финн ожгар ужась, пехоталэн генералэз, «Лапуа» движенилэн йырыз.
• 1900 — Михаил Исаковский, совето кылбурчи («Катюша»).
• 1912 — Леонид Канторович, совето математик, экономист, Нобель премилэн лауреатэз.
• 1923 — Иван Клевцов, удмурт ожгар лётчик, Быдӟым Атыкай ожлэн ветеранэз, Совето Союзлэн Героез.
• 1925 — Азат Аббасов, бигер оперной кырӟась, СССР-ысь калык артист.
• 1943 — Дженис Джоплин, Америкаысь рок кырӟась.
• 1972 — Сергей Михалок, белорус кырӟась но композитор, «Ляпис Трубецкой» группаез кылдытӥсь.
• 1974 — Влад Сташевский, Россиысь эстрадаысь поп кырӟась.
• 1979 — Светлана Хоркина, Россиысь гимнастка, кык полъем олимпи чемпионка.

Кулӥзы

• 1865 — Пьер Прудон, Франциысь публицист, экономист но социолог, анархизмлэн инъясьёсыз пӧлысь одӥгез.
• 1968 — Владимир Серов, совето живописец но график.
• 1971 — Николай Рубцов, ӟуч совето кылбурчи.
• 2007 — Мурат Насыров, совето но казах кырӟась но композитор.
• 2009
  • Станислав Маркелов, Россиысь адвокат, право возьмась но антифашист.
  • Анастасия Бабурова, Россиысь журналист но антифашист.