Удмуртия (телеканал)

«Удмуртия» — Удмуртилэн уен-нуналэн ужась кун телеканалэз. «Мынам Удмуртие» медиахолдинглэн составаз пыре. Телеканаллэн кузёез луэ «„Удмуртия“ телерадиокомпания» — Удмуртиысь правительстволэн кун унитарной предприятиез.

Та кыллэн мукет валатонъёсыз но вань, учке Удмуртия (валатонъёсыз).

Телеканал ужаны ӧдъяз 2015-тӥ арын инвожо толэзе^[1]. Солэн программаосыз ӟуч, удмурт но бигер кылъёсын потыло, эфирезлэн бадӟымез люкетэз ӟуч кылын мынэ. Выль телеканаллэн аспӧртэмлыкез вань: со сетевой партнёръёстэк ужа но передачаосызлэн радэнызы быдэсак ачиз кивалтэ. Таиныз со вуж телеканаллэсь «Мынам Удмуртиелэсь» пӧртэм луэ. Мукет аспӧртэмлыкез: «Удмуртия» телеканаллэн эфирной вещаниез ӧвӧл, соин ик телесигналэз кабель сетьёсын но Интернет пыр гинэ вӧлдӥське.

Озьы ик учке

• Мынам Удмуртие