پنجاب، پاکستان
پاکستان کا صوبہ From Wikipedia, the free encyclopedia
Remove ads
پنجاب پاکستان کا ایک صوبہ ہے جو آبادی کے لحاظ سے پاکستان کا سب سے بڑا صوبہ ہے۔ پنجاب میں رہنے والے لوگ پنجابی کہلاتے ہیں۔ پنجاب جنوب کی طرف سندھ، مغرب کی طرف خیبرپختونخوا اور بلوچستان، شمال کی طرف کشمیر اور اسلام آباد اور مشرق کی طرف ہندوستانی پنجاب اور راجستھان سے ملتا ہے۔ پنجاب میں بولی جانے والی زبان بھی پنجابی کہلاتی ہے۔ پنجابی کے علاوہ وہاں کردستانی ،بلوچوں اور عربی نژادوں کی کافی تعداد ہے۔ پنجاب کا دار الحکومت لاہور ہے۔ مردم شماری پاکستان 2023ء کے مطابق صوبہ پنجاب کی آبادی بارہ کروڑ چھہتر لاکھ اٹھاسی ہزار نو سو بائیس 127٫688٫922 افراد پر مشتمل ہے۔ پنجاب سب سے بڑا بارہ کروڑ آبادی والا صوبہ ہے۔
.svg)
پنجاب فارسى زبان كے دو لفظوں پنج بمعنی پانچ(5) اور آب بمعنی پانی سے مل کر بنا ہے۔
ان پانچ درياؤں كے نام ہيں:
پنجاب کا صوبائی دار الحکومت لاہور، پاکستان کا ایک ثقافتی، تاریخی اور اقتصادی مرکز ہے جہاں ملک کی سنیما صنعت اور اس کے فیشن کی صنعت ہے۔
Remove ads
تہوار
عید الفطر، عید الاضحی، شبِ برات اور عید میلاد النبی پنجاب کے علاوہ پورے پاکستان میں خاص تہوار ہیں اور پورے جوش و خروش سے منائے جاتے ہیں۔ ان تہواروں کے علاوہ رمضان کا پورا مہینہ بھی خاص اہمیت رکھتا ہے۔ مگر بسنت ایک ایسا تہوار ہے جو پنجاب سے منسلک ہے۔ یہ تہوار بہار کے موسم کو خوش آمدید کہنے کا ایک خاص طریقہ ہے۔ جس میں لوگ پتنگ اڑا کر اور پنجاب کے خاص کھانے بن ا کر اور کھا کراس تہوار کو مناتے ہیں۔ مگر بہت سے لوگ بسنت منانے کے خلاف ہیں کیونکہ اس کی وجہ سے کئی معصوم لوگ اپنی قیمتی جانوں سے ہاتھ دھو بیٹھتے ہیں۔
Remove ads
جغرافیہ
پنجاب رقبے کے لحاظ سے بلوچستان کے بعد پاکستان کا دوسرا بڑا صوبہ ہے جس کا رقبہ 205,346 مربع کلومیٹر (79,284 مربع میل) ہے۔ یہ پاکستان کے کل رقبے کا 25.8 فیصد ہے۔ صوبہ پنجاب کی سرحد جنوب میں سندھ، جنوب مغرب میں صوبہ بلوچستان، مغرب میں صوبہ خیبر پختونخواہ اور شمال میں اسلام آباد دار الحکومت اور آزاد کشمیر سے ملتی ہے۔ پنجاب کی سرحدیں شمال میں جموں و کشمیر اور مشرق میں بھارتی ریاست پنجاب اور راجستھان سے ملتی ہیں۔
دار الحکومت اور سب سے بڑا شہر لاہور ہے جو پنجاب کے وسیع علاقے کا تاریخی دار الحکومت تھا۔ دیگر اہم شہروں میں فیصل آباد، راولپنڈی، گوجرانوالہ، سرگودھا، ملتان، سیالکوٹ، بہاولپور، گجرات، منڈی بہاؤالدین، شیخوپورہ، جہلم اور ساہیوال شامل ہیں۔ پنجاب کی جغرافیہ میں سب سے خاص بات یہ ہے کہ پاکستان کے پانچوں بڑے دریاؤں کا گھر ہے۔ وہ پانچ دریا یہ ہیں:
اس کے علاوہ اس خطے میں ریگستان بھی موجود ہیں جو پاک بھارت سرحد کے قریب ہیں خاص طور پر بھارتی صوبے راجستھان کے پاس۔ دیگر ریگستانوں میں صحرائے تھل اور صحرائے چولستان شامل ہیں۔
موسم
فروری سے پہلے پنجاب میں بہت سردی ہوتی ہے اور پھر اس مہینے سے موسم میں تبدیلی آنا شروع ہو جاتی ہے اور موسم خوشگوار ہونے لگتا ہے۔ مارچ اور اپریل میں بہار کا موسم رہتا ہے اور پھر گرمیاں شروع ہونے لگتی ہیں۔
گرمیوں کا موسم مئی سے شروع ہوتا ہے تو ستمبر کے وسط تک رہتا ہے۔ جون اور جولائی سب سے زیادہ گرم مہینے ہیں۔ سرکاری معلومات کے مطابق پنجاب میں C°46 تک درجہ حرارت ہوتا ہے مگر اخبارات کی معلومات کے مطابق پنجاب میں C°51 تک درجہ حرارت پہنچ جاتا ہے۔ سب سے زیادہ گرمی کا ریکارڈ ملتان میں جون کے مہینے میں قلمبند کیا گیا جب عطارد کا درجہ حرارت C°54 سے بھی آگے بڑھ گیا تھا۔ برسات یا مونسون کا موسم بھی جون سے شروع ہو کر ستمبر تک رہتا ہے۔ ستمبر کے اواخر میں گرمی کا زور ٹوٹ جاتا ہے اور پھر اکتوبر کے بعد پنجاب میں سردی کا موسم شروع ہو جاتا ہے۔ پنجاب کے میدانی علاقوں میں دسمبر اور جنوری میں شدید دھند پڑتی ہے، جس کے باعث ملکی و غیر ملکی آمد و رفت متاثر ہوتی ہے۔
Remove ads
آبادیات
آبادی
یہ صوبہ پاکستان کی نصف سے زیادہ آبادی کا گھر ہے اور یہ دنیا کا پانچواں سب سے زیادہ آبادی والا ذیلی قومی ادارہ ہے اور چین اور بھارت کے بعد سب سے زیادہ آبادی والا صوبہ ہے۔ پاکستان میں پنجاب میں غربت کی شرح سب سے کم ہے، حالانکہ صوبے کے شمالی اور جنوبی حصوں کے درمیان تقسیم موجود ہے۔ صوبے کے خوش حال شمالی حصے میں واقع ضلع سیالکوٹ میں غربت کی شرح 5.63% ہے، جب کہ غریب ترین جنوبی میں واقع ضلع راجن پور میں غربت کی شرح 60.05% ہے۔
زبانیں
پنجاب میں بولی جانے والی بڑی مادری زبان پنجابی ہے، جو ملک میں بولی جانے والی سب سے بڑی زبان کی نمائندگی کرتی ہے۔ پنجابی کو پنجاب کی صوبائی زبان کے طور پر تسلیم کیا جاتا ہے لیکن قومی سطح پر پاکستان کے آئین میں اسے کوئی سرکاری سطح پر تسلیم نہیں کیا جاتا۔ پنجابی سے گہرا تعلق رکھنے والی کئی زبانیں اس خطے میں بولی جاتی ہیں۔ پنجاب کے جنوبی حصے میں اکثریتی زبان سرائیکی ہے جبکہ شمال میں ہندکو اور پوٹھواری لہجہ بولنے والے ہیں۔ پشتو بھی پنجاب کے کچھ حصوں میں بولی جاتی ہے، خاص طور پر اٹک، میانوالی اور راولپنڈی کے اضلاع میں۔
مذاہب
پنجاب (پاکستان) کی آبادی کا تخمینہ 110,012,942 ہے، جس میں 2017ء کی مردم شماری کے مطابق، 107,558,164 یعنی (92%) مسلمان ہیں۔ سب سے بڑی غیر مسلم اقلیت عیسائی ہیں اور ان کی آبادی 2,068,233 یعنی (2.5%) ہے۔ ہندو تقریباً 220,024 افراد ہیں یعنی آبادی کا (0.8%)۔ دیگر اقلیتوں میں سکھ، پارسی اور بہائی شامل ہیں۔
Remove ads
صوبائی حکومت
حکومت پنجاب، پاکستان کے وفاقی ڈھانچے میں ایک صوبائی حکومت ہے، جو صوبہ پنجاب کے دار الحکومت لاہور میں واقع ہے۔ وزیر اعلیٰ (سی ایم) کو پنجاب کی صوبائی اسمبلی میں صوبائی حکومت کے سربراہ کے طور پر کام کرنے کے لیے منتخب کرتی ہے۔ موجودہ وزیر اعلیٰ چوہدری پرویز الٰہی ہیں جو 26 جولائی 2022ء کو قومی اسمبلی سے منتخب ہوئے۔ پنجاب کی صوبائی اسمبلی صوبہ پنجاب کے منتخب نمائندوں کی یک ایوانی مقننہ ہے جو پاکستان میں لاہور میں واقع ہے۔ یہ اسمبلی آئین پاکستان کے آرٹیکل 106 کے تحت قائم کی گئی تھی جس کی کل 371 نشستیں تھیں، جن میں سے 66 خواتین کے لیے اور آٹھ غیر مسلموں کے لیے مخصوص تھیں۔
اضلاع
تفصیلی مضمون کے لیے پنجاب کے اضلاع ملاحظہ کریں۔Remove ads
صوبائی حکومت
ایوان عکس
ساہیوال کا جنگل
فیصل آباد کا گھنٹہ گھر
شالیمار باغ لاہور
جہلم کینٹ میں ایک مسجد
گورنمنٹ کالج یونیورسٹی لاہور کا گھنٹہ گھر
میجر اکرم میموریل، جہلم
گندم کے کھیت
صحت افزا مقام اور سیاحتی مقام مری کا ایک منظر
مٹی کے بنائے ہوئے ظروف، گجرات
شمالی پنجاب کے کھیتوں کا منظر
مزید دیکھیے
- فہرست پنجاب کے شہر
- پنجاب پولیس (پاکستان)
- صمصام علی شاہ بخاری
- پبجاب پبلک سروس کمیشن
بیرونی روابط
| پنجاب، پاکستان کے بارے میں مزید جاننے کے لیے ویکیپیڈیا کے ساتھی منصوبے: | |
 | لغت و مخزن ویکی لغت سے |
 | انبارِ مشترکہ ذرائع ویکی ذخائر سے |
| آزاد تعلیمی مواد و مصروفیات ویکی جامعہ سے | |
 | آزاد متن خبریں ویکی اخبار سے |
 | مجموعۂ اقتباساتِ متنوع ویکی اقتباسات سے |
 | آزاد دارالکتب ویکی ماخذ سے |
 | آزاد نصابی و دستی کتب ویکی کتب سے |
 |
ویکی ذخائر پر Punjab (پاکستان) سے متعلق سمعی و بصری مواد ملاحظہ کریں۔ |
- حکومت پنجابآرکائیو شدہ (غیرموجود تاریخ) بذریعہ punjab.gov.pk (نقص:نامعلوم آرکائیو یو آر ایل)
- پاکستان کے نقشے
- کرلی (ڈی موز پر مبنی) پر پنجاب، پاکستان
- معلومات پنجابآرکائیو شدہ (غیرموجود تاریخ) بذریعہ dmoz.pk (نقص:نامعلوم آرکائیو یو آر ایل)
پنجاب سفری راہنما منجانب ویکی سفر
Remove ads
حوالہ جات
Wikiwand - on
Seamless Wikipedia browsing. On steroids.
Remove ads