Abdusalom Azizov

Azizov Abdusalom Abdumavlonovich (oʻzbekcha: Азизов Абдусалом Абдумавлонович; 20.01.1960, Toshkent) — oʻzbek davlat arbobi, general-leytenant. 2019-yildan 2024-yilgacha Oʻzbekiston Respublikasi Davlat xavfsizlik xizmati raisi^[2][3].

Azizov Abdusalom Abdumavlonovich
oʻzbekcha: Азизов Абдусалом Абдумавлонович
Oʻzbekiston futbol assotsiatsiyasi Prezidenti
Mansab davri 2019-yil 15-iyuldan – 2025-yil 21-yanvargacha
Prezident	Shavkat Mirziyoyev
Oʻtmishdoshi	Ochilboy Ramatov
Vorisi	Bahodir Qurbonov
Oʻzbekiston Respublikasi Davlat xavfsizlik xizmati raisi
Mansab davri 2019-yil 11-fevraldan – 2024-yil 23-noyabrgacha
Prezident	Shavkat Mirziyoyev
Oʻtmishdoshi	Ixtiyor Abdullayev
Vorisi	Bahodir Qurbonov
Oʻzbekiston Respublikasi Mudofaa vaziri
Mansab davri 2017-yil 4-sentyabrdan – 2019-yil 11-fevralgacha
Prezident	Shavkat Mirziyoyev
Oʻtmishdoshi	Qobul Berdiyev
Vorisi	Bahodir Qurbonov[1]
Oʻzbekiston Respublikasi Ichki ishlar vaziri
Mansab davri 2017-yil 4-yanvardan – 2017-yil 4-sentyabrgacha
Prezident	Shavkat Mirziyoyev
Oʻtmishdoshi	Adham Ahmadboyev
Vorisi	Poʻlat Bobojonov
„Oʻzbekneftgaz“ kompaniyasi boshqaruv raisi
Mansab davri 2002-yil 10-yanvardan – 2006-yil 5-sentyabrgacha
Prezident	Islom Karimov
Oʻtmishdoshi	Shavkat Majitov
Vorisi	Nurmuhammad Ahmedov
Shaxsiy maʼlumotlari
Tavalludi	20-yanvar 1960-yil (1960-01-20) (65 yosh) Toshkent
Mukofotlari
Xizmat yillari	1982-yildan
Unvoni	General-leytenant

2019-yil 15-iyuldan 2025-yil 21-yanvargacha Oʻzbekiston futbol assotsiatsiyasi raisi^[4][5].

Biografiyasi

1981—1982 — Toshkent shahar ichki ishlar bosh boshqarmasida navbatchilik qismi xodimi.

1982—1986 — Toshkent militsiya maktabi tinglovchisi.

1986—1989 — Toshkent shahar ichki ishlar bosh boshqarmasi tergov boʻlimi tergovchisi, katta tergovchisi.

1989—1997 — Oʻzbekiston ichki ishlar vazirligi tergov boshqarmasi katta tergovchisi, uslubiy-nazariy boʻlimi boshligʻi oʻrinbosari, tergov boshqarmasi boshligʻining oʻrinbosari^[6].

1997—1998 — Toshkent shahar ichki ishlar bosh boshqarmasi boshligʻining oʻrinbosari.

1998—2001 — Toshkent shahar Mirobod tumani ichki ishlar boshqarmasi boshligʻi.

2001—2002 — Toshkent shahar ichki ishlar bosh boshqarmasi boshligʻi^[7].

2002—2006 — „Oʻzbekneftgaz“ milliy xolding kompaniyasi raisi.

2006—2008 — „Oʻzneftmahsulot“ aksiyadorlik jamiyati raisi.

2008—2008 — Oʻzbekiston Respublikasi Ichki ishlar vazirining oʻrinbosari — jamoat xavfsizligi xizmati boshligʻi.

2008—2009 — Oʻzbekiston Respublikasi Ichki ishlar vazirining birinchi oʻrinbosari — tezkor qidiruv xizmati boshligʻi.

2008—2009 — O'zbekiston Futbol Federatsiyasi vitse-prezidenti va „Mashʼal“ futbol klubi prezidenti^[8].

2009—2017 — Jizzax viloyati ichki ishlar boshqarmasi boshligʻi.

2017—2017 — Oʻzbekiston Respublikasi Ichki ishlar vaziri^[9]. 2017-yil 14-yanvarda general-mayor unvoni berilgan.

2017—2019 — Oʻzbekiston Respublikasi Mudofaa vaziri^[10]. 2019-yil 14-yanvarda general-leytenant unvoni berilgan.

2019—2024 — Oʻzbekiston Respublikasi Davlat xavfsizlik xizmati raisi^[11].

2024-yil 23-noyabr kuni Oʻzbekiston Respublikasi Prezidenti huzuridagi xavfsizlik kengashi kotibiyati ixtiyoriga oʻtkazilgan^[12]. 4-dekabr kuni O‘zbekiston prezidentining ijtimoiy-siyosiy, diniy-ma’rifiy va yoshlar masalalari bo‘yicha maslahatchisining yoshlar masalalari bo‘yicha o‘rinbosari lavozimiga tayinlandi^[13]

2019-yil 15-iyuldan 2025-yil 21-yanvargacha Oʻzbekiston futbol assotsiatsiyasi raisi.