Azizbek Haydarov

Azizbek Saidrahimovich Haydarov (1985-yilning 8-iyulida tugʻilgan) – Oʻzbekiston milliy futbol terma jamoasi va Bunyodkor jamoasining sobiq yarim himoyachisi.

Vikipediyada ismi Aziz va familiyasi Haydarov boʻlgan boshqa kishilar haqida ham maqolalar mavjud.

Azizbek Haydarov

Shaxsiy maʼlumot
Toʻliq ismi	Azizbek Saidrahimovich Haydarov
Tavallud sanasi	8-iyul 1985-yil (1985-07-08) (40 yosh)
Tavallud joyi	Toshkent, O『zbekiston SSR, SSSR
Boʻyi	1.82 m (6 ft 0 in)
Ampluasi	Yarim himoyachi
Klub maʼlumoti
Joriy klub	Faoliyatini yakunlagan
Professional faoliyati*
Yillar	Jamoa	Isht.	(Gol.)
2004—2007	Lokomotiv Toshkent	19	(2)
2008—2011	Bunyodkor	143	(8)
2011—2017	Al Shabab	123	(13)
2017—2018	Ajman	19	(0)
2018	Bunyodkor	12	(3)
2019	Lokomotiv Toshkent	7	(0)
Total		323	(26)
Milliy terma jamoa
2007—2018	Oʻzbekiston	86	(1)
*Professional klublardagi gollari (ichki chempionat)

Futbolchilik faoliyati

Futbol faoliyatida birinchi klub jamoasi Lokomotiv Toshkent. Ushbu jamoada Azizbek Haydarov 2005-2007 yillarda oʻynab kelgan.

Klub

Professional faoliyatini 2004-yilda Toshkentning „Lokomotiv「 klubida boshlagan. 2007—2011-yillar va 2018-yilda Toshkentning „Bunyodkor「 jamoasida oʻynagan^[1]. 2011-yilning 26-iyulida u BAAning Al-Shabab klubi bilan shartnoma imzoladi va 2017-yilgi mavsumgacha BAA jamoasida oʻynagan^[2]. 2017—2018-yillarda BAAning boshqa bir jamoasi „Ajman「 klubida toʻp surgan^[3].

2019-yilgi mavsumda Toshkentning „Lokomotiv「 jamoasi bilan shartnoma imzoladi va yarim mavsumdan soʻng futbolchilik faoliyatini yakunlagan^[4].

Xalqaro faoliyati

U Oʻzbekiston olimpiya terma jamoasida oʻynagan va uning sardori boʻlgan.

U 2007-yilda Oʻzbekiston terma jamoasida debyut qilgan. U Osiyo Kubogining uchta final turnirida qatnashgan – 2007-yilda (uchta oʻyinda ishtirok etgan), 2011-yilda (oʻz jamoasining barcha oltita oʻyinida maydonga tushib, yarim finalchiga aylangan) va 2015-yilda (toʻrtta oʻyinda ham ishtirok etgan).

Haydarov 2007-yildan buyon futbol boʻyicha Oʻzbekiston milliy terma jamoasi safida 67 ta oʻyinda maydonga tushdi (2015-yil 31-mart holatiga koʻra), shu jumladan, 2010-yyilgi futbol boʻyicha Jahon chempionati saralash bosqichidagi 6 ta oʻyinda.^[5][6]

U 2007-yilda Oʻzbekiston olimpiya terma jamoasi sardori boʻlgan. Haydarov Oʻzbekiston terma jamoasi safida 2011-yilgi Osiyo kubogi guruh bosqichida Quvaytga qarshi oʻyinda gol urgan. Gol baʼzan Maksim Shatskix hisobiga yoziladi, uning jarima zarbasini Haydarov 2:1 hisobida gʻalaba qozonish uchun Quvayt darvozasiga yoʻlladi.

Futboldan keyingi faoliyati

2019-yildan 2021-yilgacha OʻFA terma jamoalar markazi boshligʻi sifatida faoliyat olib bordi^[7][8]. 2022-yilgi mavsumda „Bunyodkor「 klubi akademiyasi bosh direktori sifatida tayinlandi^[9][10].

Terma jamoa uchun gollar

Xalqaro gollar

Olingan ballar va natijalar birinchi navbatda Oʻzbekistonning gollari roʻyxatini koʻrsatadi.

№	Sana	Stadion	Raqib	Hisob	Natija	Musoboqa
1	17-noyabr 2015	Grand Hamad Stadium, Doha, Qatar	Yaman	1-0	3-1	2018 FIFA World Cup qualification

Yutuqlar

• Oʻzbekiston chempioni (3): 2008, 2009, 2010
• Oʻzbekiston chempionati kumush medali sovrindori: 2007
• Oʻzbekiston kubogi sohibi : 2008, 2010
• Oʻzbekiston kubogi finalchisi: 2007, 2009