Heartless

„Heartless「 – kanadalik qoʻshiqchi The Weekndning qoʻshigʻi. U 2019-yil 27-noyabrda XO va Republic Records orqali ijodkorning toʻrtinchi studiyaviy albomi, After Hours (2020) ning bosh singli sifatida chiqarildi^[3][4][5]. The Weeknd qoʻshiqni Metro Boomin, Illangelo va Dre Moon bilan birgalikda yozgan va ishlab chiqargan^[6][7]. Trek electroclash elementlari bilan boyitilgan R&B va trap qoʻshiq hisoblanadi.

„Heartless「
The Weeknd singli
After Hours albomidan
Chiqarilgan sanasi	2019-yil 27-noyabr(2019-11-27)
Studiya	XO Studios (Hidden Hills, California) Noble Street (Toronto, Ontario)
Janr	R&B trap[1]
Davomiyligi	3:18[2]
Leybl	XO Republic
Qoʻshiq muallif(lar)i	Abel Tesfaye Leland Wayne Carlo Montagnese Andre Proctor
Prodyuser(lar)	Metro Boomin The Weeknd Illangelo Dre Moon
The Weeknd singllari xronologiyasi
"Power Is Power" (2019) "Heartless" (2019) "Blinding Lights" (2019)
Klipi
"Heartless" YouTubeda

„Heartless「 tanqidchilarning olqishlariga sazovor boʻldi, ular qoʻshiqni ishlab chiqarilishi, jozibador musiqasi va The Weekndning ovozini alohida maqtashdi. U Canadian Hot 100 roʻyxatida uchinchi oʻrinni egalladi. Qoʻshiq AQShning Billboard Hot 100 reytingida birinchi oʻrinni egallab, The Weekndning chartdagi toʻrtinchi yetakchi qoʻshigʻiga aylandi, shuningdek, 28 ta boshqa mamlakatlardagi chartlarda ham eng yuqori pogʻonadan joy oldi. Amerikalik reper Lil Uzi Vert ishtirokidagi qoʻshiqning vaporwave remiksi 2020-yil 23-martda albomning deluxe nashri bilan birga chiqarildi^[8]. 2020-yil 3-aprelda taqdim etilgan remikslar mini-albomining tarkibida Lil Uzi Vert remiksining kengaytirilgan va oddiy versiyasi bor edi^[9].

Tarixi va chiqarilishi

The Weeknd birinchi marta 2018-yilning noyabr oyida oʻz chiqishi paytida tomoshabinlarga „Chapter VI was coming soon「 („Tez orada VI bob chiqadi「) deb yangi albom ustida ishlayotganiga shama qilgan edi^[10]. 2019-yil davomida chiqarilgan uchta hamkorlikdagi singldan soʻng, u 6-avgust kuni muxlislarini oʻzining toʻrtinchi studiyaviy albomi ustida ishlayotganiga ishontirdi^[11]. Keyin, bir muddat sukutdan soʻng, 24-noyabr kuni Mercedes-Benz reklamasida „Blinding Lights「 qoʻshigʻi namoyish etildi^[12], bir kun oʻtib „Heartless「 haqidagi xabarlar^[13] va uning muqovasi paydo boʻldi^[14]. Qoʻshiq premyerasi 2019-yil 27-noyabrda The Weekndning Beats 1 radiosidagi Memento Mori radioshousining yettinchi qismida boʻlib oʻtdi^[15]. CR Men nashriga bergan intervyusida The Weeknd „Heartless「 qoʻshigʻi 2018-yilgi My Dear Melancholy mini-albomi chiqqandan keyin „After Hours「 uchun yozilgan birinchi qoʻshiq ekanligini aytib oʻtdi^[16].

Matni

"Heartless" qoʻshigʻi matniga koʻra, The Weeknd avvalgi munosabatlaridan hafsalasi pir boʻlganidan soʻng oʻzining maishat va kayf-u safoga berilgan turmush tarziga qaytadi. Butun qoʻshiq davomida u oʻzini buzuqlikka berilib, giyohvandlik va spirtli ichimliklarga haddan tashqari koʻp isteʼmol qiladigan „yuraksiz「 odam sifatida tasvirlaydi^[17][18]. Qoʻshiq naqarotida The Weekndning amerikalik reper Future bilan hamkorlikdagi „Low Life「 qoʻshigʻiga ishora qiladigan soʻzlar mavjud: „Low life for life 'cause I'm heartless「^[19].

Tanqidiy qabul

Qoʻshiq tanqidchilarning olqishiga sazovor boʻldi. Koʻpchilik uning ishlab chiqarilishi, jozibadorligi va The Weekndning ovozini maqtashdi. Complex trekni 2019-yilning eng yaxshi 39-qoʻshigʻi deb topdi. Singlning roʻyxatdagi oʻrni eʼlon qilingan bayonotda Jessica McKinney qoʻshiqning ishlab chiqarilishi va oʻziga xos muhitini yuqori baholadi^[20]. 2020-yil 6-mart kuni Entertainment Weekly „Heartless「ni The Weekndning 11-eng yaxshi singli deb topdi va „qoʻshiqning har bir qismi ajoyib「 ekanligini taʼkidladi^[21].

Mukofotlar

Yil	Mukofot	Nominatsiya	Natija	Manba
2020	American Music Awards	Favorite Song – Soul/R&B Song	Gʻolib	[22]
2021	ASCAP Pop Music Awards	Award Winning Songs	Gʻolib	[23]

Tijoriy koʻrsatkichlar

"Heartless" 2019-yil 7-dekabrdagi Billboard Hot 100 roʻyxatida 32-oʻrindan joy oldi va haftaning eng yuqori oʻrin bilan kirib kelgan singliga aylandi^[24]. Keyingi haftada u 31 pogʻonaga koʻtarilib, chartda birinchi oʻrinni egalladi va The Weekndning Qoʻshma Shtatlarda ushbu chartda toʻrtinchi marta birinchi oʻrinni egallashiga sababchi boʻldi^[25]. Rojdestvo qoʻshiqlari 2019-yil 21-dekabrdagi sonida chartning yuqori pogʻonalariga koʻtarilgani sababli „Heartless「 16 pogʻona pastlab 17-oʻringa tushib ketdi. Bu 61 yillik chart tarixidagi birinchi oʻrindan eng koʻp oʻrin yoʻqotish boʻldi^[a]. Keyinchalik qoʻshiq 2020-yil 4-apreldagi chartda After Hours chiqqandan soʻng birinchi oʻntalikka (toʻrtinchi oʻrinda) qaytdi^[28]. 2022-yil 5-aprelda „Heartless「 AQShda ikki million nusxada sotilganligi uchun RIAA tomonidan uch karra platina sertifikatiga ega boʻldi^[29].

Rolling Stone Top 100 Songs chartida qoʻshiq 14-oʻrinda debyut qildi va ikki kun davomida 11,1 million strimga ega boʻldi^[30]. Ikkinchi haftada qoʻshiq birinchi oʻringa koʻtarilib, The Weekndning chartdagi ilk yetakchi qoʻshigʻiga aylandi^[31].

Oʻzining vatani Kanadada „Heartless「 Canadian Hot 100 chartida uchinchi oʻrinni egalladi. Buyuk Britaniyada qoʻshiq oʻninchi oʻrinni egalladi va The Weekndning mamlakatdagi yettinchi top-10 likka kirgan hitiga aylandi.

Musiqiy videolar

Qoʻshiq uchun rasmiy vertikal lirik video 2019-yil 2-dekabrda chiqdi. Video Nevada shtati Las Vegas shahridagi Plaza Hotel & Casinoʻda^[32][33], Nevada shtati Paradise shahridagi Caesars Palace va Flamingo Las-Vegasda suratga olingan. „Heartless「 qoʻshigʻining rasmiy klipi 2019-yil 3-dekabrda chiqdi. Klip ham Las Vegasda suratga olingan va unda The Weeknd va Metro Boomin suratga tushgan^[34]. Videoda ikkalasi mast holatda har xil kazino va bazmlarga borishadi, keyinroq The Weeknd bir qurbaqani yalaydi va unda gallyutsinatsiya boshlanadi^[35]. Video The Weekndning Fremont koʻchasi boʻylab yugurishi va qayt qilishi bilan yakunlanadi^[36]. Video Anton Tammi tomonidan suratga olingan boʻlib, u Fear and Loathing in Las Vegas nomli filmdan ilhomlangan^[37]. Qoʻshiqning Lil Uzi Vert remiksi uchun rasmiy musiqiy video 2020-yil 14-aprelda chiqarilgan^[38].

Jonli ijrodagi chiqishlar

„Heartless「ning ilk jonli ijrosi 2019-yil 5-dekabrda The Late Show with Stephen Colbertda boʻlib oʻtdi. Chiqish vaqtida The Weeknd Ed Sullivan teatrining sahna koridorlariga tushib kuylaydi, atrofidagi bino devorlari bukilib, uning atrofida harakatlanadi^[39]. Ertasi kuni shu shouda „Blinding Lights「 ham jonli ijroda kuylanadi^[40].

Remikslar

Qoʻshiqning birinchi rasmiy remiksi reper Lil Uzi Vert bilan yozilgan va „Heartless (Vapor Wave Remix)「 deb nomlangan^[41]. Complex'dan Jessica McKinney hamkorlik haqida shunday deydi: „Yilning ikkita eng yirik albomi chiqarilganidan soʻng, The Weeknd va Lil Uzi Vert gʻalabali yoʻlda ekanligi aniq boʻldi「^[41]. Ikkinchi vaporwave boʻlmagan va kengaytirilgan remiks versiyasi 2020-yil 3-aprelda After Hours (Remixes) remikslar mini-albomi tarkibida chiqarildi^[42].

Xodimlar

Maʼlumotlar The Weekndning rasmiy vebsayti va Tidal'dan olingan^[6][7].

• The Weeknd – solist, muallif, ishlab chiqarish, dasturlash, klavishlar
• Metro Boomin – muallif, ishlab chiqarish, dasturlash, klavishlar
• Illangelo – muallif, production, ishlab chiqarish, klavishlar, muhandis, miksing
• Dre Moon – muallif, ishlab chiqarish
• Shin Kamiyama – muhandis
• Dave Kutch – mastering
• Kevin Peterson – mastering

Chartlar

Haftalik chartlar Chart (2019–2021) Eng yuqori oʻrin Avstraliya (ARIA)[43] 10 Avstraliya Urban (ARIA)[44] 4 Avstriya (Ö3 Austria Top 40)[45] 44 Belgiya (Ultratop 50 Flanders)[46] 49 Belgiya (Ultratip Wallonia)[47] 7 Kanada (Canadian Hot 100)[48] 3 Kanada (CHR/Top 40)[49] 6 Kanada (Hot AC)[50] 32 Chexiya (Rádio Top 100)[51] 53 Chexiya (Singles Digitál Top 100)[52] 9 Finlandiya (Suomen virallinen lista)[53] 9 Fransiya (SNEP)[54] 69 Olmoniya (Official German Charts)[55] 36 Global 200 (Billboard)[56] 185 Gretsiya (IFPI)[57] 1 Vengriya (Single Top 40)[58] 28 Vengriya (Stream Top 40)[59] 12 Islandiya (Tónlistinn)[60] 35 Irlandiya (IRMA)[61] 13 Italiya (FIMI)[62] 56 Latviya (LAIPA)[63] 5 Livan (Lebanese Top 20)[64] 16 Litva (AGATA)[65] 5 Malayziya (RIM)[66] 17 Niderlandiya (Single Top 100)[67] 30 Yangi Zelandiya (Recorded Music NZ)[68] 13 Norvegiya (VG-lista)[69] 17 Portugaliya (AFP)[70] 16 Ruminiya (Airplay 100)[71] 46 Shotlandiya (Scottish Singles and Albums Charts)[72] 57 Singapur (RIAS)[73] 13 Ispaniya (PROMUSICAE)[74] 99 Shvetsiya (Sverigetopplistan)[75] 27 Shveysariya (Schweizer Hitparade)[76] 16 Birlashgan Qirollik (UK Singles Chart)[77] 10 Birlashgan Qirollik (UK R&B)[78] 3 AQSh (Billboard Hot 100)[79] 1 AQSh (Adult Top 40)[80] 29 AQSh (Dance/Mix Show Airplay)[81] 3 AQSh (Hot R&B/Hip-Hop Songs)[82] 1 AQSh (Mainstream Top 40)[83] 5 AQSh (R&B/Hip-Hop Airplay)[84] 18 AQSh (Rhythmic)[85] 1 AQSh Rolling Stone Top 100[86] 1

Yillik chartlar Chart (2020) Oʻrin Kanada (Canadian Hot 100)[87] 41 AQSh Billboard Hot 100[88] 28 AQSh Dance/Mix Show Airplay (Billboard)[89] 46 AQSh Hot R&B/Hip-Hop Songs (Billboard)[90] 11 AQSh Mainstream Top 40 (Billboard)[91] 23 AQSh Rhythmic (Billboard)[92] 14

Sertifikatsiya

„Heartless「ning sertifikatsiyasi

Hudud	Sertifikatsiya	Sertifikatlangan birliklar/sotuvlar
Avstraliya (ARIA)	3× Platina	210,000
Birlashgan Qirollik (BPI)	Oltin	600,000
Braziliya (Pro-Música Brasil)	3× Platina	120,000
Daniya (IFPI Danmark)	Oltin	45,000
Fransiya (SNEP)	Oltin	100,000
Kanada (Music Canada)	3× Platina	240,000
Ispaniya (PROMUSICAE)	Oltin	30,000
Italiya (FIMI)	Oltin	50,000
Polsha (ZPAV)	Platina	50,000
Portugaliya (AFP)	Platina	10,000
Qoʻshma Shtatlar (RIAA)	3× Platina	3,000,000
Striming
Gretsiya (IFPI Greece)	Platina	2,000,000
Shvetsiya (GLF)	Platina	8,000,000

Chiqarilish tarixi

Hudud	Sana	Format(lar)	Leybl(lar)	Manba
Har xil	2019-yil 27-noyabr	raqamli yuklab olish striming	XO Republic	[93]
Kanada		Contemporary hit radio	Republic	[94]
Italiya	2019-yil 29-noyabr	Radio	Universal	[95]
AQSh	2019-yil 3-dekabr	Contemporary hit radio rhythmic contemporary	XO Republic	[96][97]

Izohlar

1. 6ix9ine va Nicki Minajning "Trollz" qoʻshigʻi 2020-yil yozida 34 ta oʻrin yoʻqotib yangi rekordni oʻrnatdi^[26][27]