Hulkar Abdullayeva

Hulkar Abdullayeva (1983-yil 1-yun, Urganch, Xorazm viloyati, OʻzSSR, SSSR) – taniqli oʻzbek ashulachisi. Xorazm qoʻshiqlarining kuychisi. „Nihol“ mukofoti sovrindori (2006).

Vikipediyada ismi Hulkar va familiyasi Abdullayeva boʻlgan boshqa kishilar haqida ham maqolalar mavjud.

Hulkar Abdullayeva
Tavalludi	1-iyun 1983-yil (1983-06-01) (42 yosh) Urganch, Xorazm viloyati, OʻzSSR, SSSR
Janrlar	pop
Kasbi	ashulachi raqqosa
Faoliyat yillari	2000–hozirgacha
Fuqaroligi	Oʻzbekiston
Mukofotlari

Hayoti

Hulkar Abdullayeva 1983-yil 1-yunda Xorazmning Urganch shahrida tugʻilgan^[1][2]. 1990–1998-yillarda Urganchning Mirzo Ulugʻbek nomidagi 19-sonli maktabida oʻqigan. Onasi uni kelajakda raqqosa boʻlishini istab, 1993-yili 10 yoshida Oʻzbekiston xalq artisti Gavhar Matyoqubova boshchiligidagi „Meros“ ansambliga bergan. U ansambl qizlari bilan qator konsertlarda Xorazm raqslarini ijro etagan. 1998–2001-yillarda bank kollejida oʻqishini davom ettirgan. Bu davrda u ansambldagi mashgʻulotlarini ham toʻxtatib qoʻymagan. 2000-yilda kollej oʻquvchilari oʻrtasida boʻlib oʻtgan koʻrik–tanlovda raqs yoʻnalishi boʻyicha ishtirok etib, laureat boʻlgan. Bundan tashqari u Oʻzbekistonda oʻtkazilgan koʻplab koʻrik-tanlovlarda oʻzining qoʻshiqlari va raqslari bilan ishtirok etgan^[3].

Xonanda 2006-yilda Oʻzbekiston davlat konservatoriyasiga oʻqishga kirgan^[3] va shu yili „Nihol“ mukofoti sovrindoriga aylangan. Uning sanʼatdagi faoliyatida Oʻzbekistonda xizmat koʻrsatgan artist Rahmatjon Qurbonov, Oʻzbekiston xalq artistlari Kommuna Ismoilova, Gavhar Matyoqubova va Zamira Suyunovalar ustozlik qilishgan.

2016-yilda isroillik Shani Avraham ismli qoʻshiqchi uning „Lazgi“ deb nomlangan qoʻshigʻini aytgan va shu qoʻshiqning klipidagidek Hulkar Abdullayevaga oʻxshab raqsga tushgan^[4][5].

Shaxsiy hayoti

Hulkar Abdullayevaning 2 qizi va 1 ta oʻgʻli bor^[6].

Qoʻshiqlari

Yil	Nomi	Shoir	Bastakor	Izoh
	Lazgi
2010	Moʻylovli yigit			[7]
2014	Muhabbat bogʻi			[8]
2015	Gumon qamchi			[9]
	Paqa-paq			[10][11]
2018	Qora parang			[12][13]
	Olma			[14]
	Yuragim			[15]
	Dard			[16][17]
	Qaqir-qo			[18]
	Lazgi afsonasi			[19]
	Jonim mani			[20]
	Eyasim galdi		Farruh Sohib	[21][22]
	Xiva			[23]
	Bum baka			[24]
	Voh vohay			[25]
2019	Boyni bolasi			[26]
	Çok özledim			[27]
2020	Chilim chekma			[28]
	Severim			[29]
	Bolimma			[30]
	Rajabboy			[31]
	Jarqi kavish			[32]
2021	Na deydi?			[33][34][35]
	Chamanchi			[36]
	Oʻzim bilib galdim			[37]
	Aldama			[38][39]