Isis

Isis (misrcha: js.t, qadimgi yunoncha: Ἶσις, lotincha: Isis) Misr mifologiyasida uchraydigan maʼbudadir. U oy maʼbudasi oʻlaroq tanilgandir. Hayot va sehr maʼbudasi sifatida, u ayollar va bolalarni muhofaza qiladi, kasallarga esa shifo bagʻishlaydi. Shuningdek, u Qadimgi Misrning eng buyuk maʼbudalaridan biri hisoblanadi.

Isis
Nomi iyerogliflarda	misrcha: ꜣst[1] meroitik skriptda: Wos[a] yoki Wusa[2][3]
Asosiy ibodat	Behbeit el-Hagar, Philae
Ramz(lar)i	Tyet
Shaxsiy maʼlumotlar
Ota-onasi	Geb va Nut
Aka-uka/opa-singillari	Osiris, Set, Nefis, Horus
Consort	Osiris, Min, Serapis, Horus
Avlodi	Horus, Min, Horusning toʻrt oʻgʻli

Uning ramzlari — anx, qanotlari hamda bosh kiyimi. U hayot, oʻlim va hosildorlik xudosi sanalmish Osirisning singlisi va rafiqasi boʻlgan. Ularning Horus ismli farzandi ham boʻlgan.

Misrda

Ayol haykali, ehtimol Isis motam holatida (mil. avv. 14–15-asr)

Roli

Osirisning vafoti va tirilishi haqidagi mif sikli ilk marotaba Piramida yozmalarida uchraydi hamda butun Misr miflarining eng mufassal va taʼsirlisiga aylandi.^[4] Isis ushbu mifda boshqa bosh qahramonlarga qaraganda ancha faol rol oʻynaydi, shu sababdan u Yangi Qirollikdan (miloddan avvalgi 1550–1070-yillar) to Ellinistik davrgacha (miloddan avvalgi 305–30-yillar) adabiyotlarda rivojlanib, barcha Misr maʼbudalari orasida eng murakkab adabiy qahramonga aylandi.^[5] Shu bilan bir qatorda, u boshqa maʼbudalarning oʻziga xos xususiyatlarini oʻzlashtirdi, bu uning taʼsirini Osiris mifi tashqarisida ham kengayishiga xizmat qildi.^[5]