Joel Kojo

Joel Kojo (inglizcha: Joel Kojo, 1998-yil 21-avgustda tugʻilgan) – Ganalik professional futbolchi. Hozirda Qirgʻiziston fuqarosi Eronning „Istiqlol「 klubi va Qirgʻiziston terma jamoasida hujumchi ampulasida oʻynaydi.

Joel Kojo

Shaxsiy maʼlumot
Toʻliq ismi	Joel Kojo
Tavallud sanasi	21-avgust 1998-yil (1998-08-21) (27 yosh)
Tavallud joyi	Akkra, Gana
Boʻyi	1.74 m (5 ft 8 1⁄2 in)[1]
Ampluasi	Hujumchi
Klub maʼlumoti
Joriy klub	Neftchi (Istiqlol jamoasidan ijara)
Raqami	9
Yoshligida aʼzo boʻlgan klublar
	KK Adonteng Stars
Professional faoliyati*
Yillar	Jamoa	Isht.	(Gol.)
2017—2021	Alay	59	(52)
2021—2023	Dordoy Bishkek	35	(14)
2023—2024	Dinamo Samarqand	50	(26)
2025—	Istiqlol	11	(2)
2025—	→  Neftchi	0	(0)
Milliy terma jamoa
2023—	Qirgʻiziston	23	(10)
*Professional klublardagi gollari (ichki chempionat) (2025-yil 29-iyul uchun)

Futbolchilik faoliyati

Kojo oʻz vatani, Ganada „KK Adonteng「 jamoasida oʻynagan^[2]. 2017-yilgi mavsumda Qirgʻizistonning „Alay「 (Oʻsh) klubiga oʻtgan va 2018-yilgi mavsum yakunida 26 gol^[3] bilan Qirgʻiziston chempionatining eng yaxshi toʻpurari boʻlgan. Kojo shuningdek, Alay jamoasi bilan vitse-chempion boʻlgan va Qirgʻiziston kubogi finaliga qadar yetib borgan. Alay jamoasi bilan OFK kubogi oʻinlaridan ishtirok etgan.

2021-yilning yanvarida Qirgʻizistonning boshqa bir jamoasi, Bishkekning „Dordoy「 klubiga oʻtgan^[4]. Kojo 2022 yilgi mavsumni klubning eng yaxshi toʻpurari sifatida yakunladi, ligada 10 ta va Qirgʻiziston Superkubogida bir marta gol urdi . Dordoy jamoasi safida 2 mavsum davomida oʻynagan va 39 oʻyinda 15 ta gol muallifi boʻlgan. 2023-yilning yanvarida klubni tark etgan^[5][6].

2023-yilgi mavsumda Oʻzbekiston Pro ligasi ishtirok etgan Samarqandning „Dinamo「 klubi bilan shartnoma imzolgan^[7][8]. 2023-yil 29-mart kuni Kojo Samarqandning „Dinamo「 jamoasi safida Namanganning „Navbahor-2「 klubiga qarshi oʻyinda (3:0) xet-trik qayd etgan^[9]. Mavsum davomida Samarqand jamoasi safida 23 ta oʻyinda ishtirok etgan va 14 ta gol muallifi boʻlgan^[10].

Oʻzbekiston Superligasining 2024-yilgi mavsumida ham „Dinamo「 jamoasining asosiy futbolchilaridan boʻlgan. 2024-yil aprel oyida oyning eng yaxshi futbolchi boʻlishi uchun davogarlar roʻyxatiga kirgan^[11]. Superliga 2024-yiligi mavsumining oʻrtasida Kojo „Dinamo「 klubi bilan 2025-yil yakuniga qadar shartnoma imzolagan^[12]. 2024-yilgi yozgi transferlar oynasida Eronning „Istiqlol「 klubidan transferini sotib olish taklif boʻladi, ammo „Dinamo「 klubining bosh direktori Dilshod Sharofutdinov forslarning bu taklifiga rad javobini beradi^[13].

Joel Kojo 2024-yil yakunlari boʻyicha Qirgʻiz Respublikasining eng yaxshi futbolchisi deb topiladi^[14]. Oʻzbekiston Superligasining 2024-yiligi mavsumi yakunlangach Joel Kojo „Dinamo「 bilan xayrlashadi. Eronning „Istiqlol「 klubi bilan 3,5 yillik shartnoma imzolaydi^[15]. Kojo „Dinamo「 safida barcha turnirlarda jami 50 ta uchrashuvda maydonga tushib 26 ta gol va 7 ta golli uzatma beradi^[16].

Terma jamoadagi faoliyati

2023-yil 18-may kuni Kojo 2023-yilgi CAFA Millatlar kubogi tarkibida ilk bor Qirgʻiziston terma jamoasiga chaqirilgan^[17]. 2023-yil 16-iyunda Kojo Qirgʻiziston terma jamoasi safida debyut qilgan va Eron terma jamoasiga 5:1 hisobida magʻlub boʻlgan oʻyinda Atay Jumashevning oʻrniga 58-daqiqada maydonga tushgan^[18][19].

2024-yil 25-yanvarda Kojo Qirgʻiziston terma jamoasining 2023-yilgi Osiyo Kubogidagi yagona golini Ummonga qarshi oʻyinda (1:1) kiritgan^[20].

2024-yil 26-mart kuni Kojo 2026-yilgi Jahon chempionati saralash bosqichi doirasida Xitoy Taypeyiga qarshi oʻz uyida 5:1 hisobida gʻalaba qozongan oʻyinda, oʻzining ilk terma jamoasi tarkibidagi xet-trikiga erishgan.

Shaxsiy hayot

Kojo Ganada tugʻilgan va musulmon diniga eʼtiqod qiladi. Joel 2017-yildan Qirgʻizistonda istiqomat qilmoqda va Qirgʻiziston futbol ligalarida ishtirok etgan. 2023-yil Qirgʻiziston fuqaroligiga qabul qilganidan soʻng Qirgʻiziston terma jamoasiga jalb etilgan^[21].

Faoliyat statistikasi

Klub

Statistika 2024-yil 7-noyabrga oid^[22][19]

Klub, mavsum va musobaqalar boʻyicha ishtiroki va gollari

Klub	Mavsum	Liga			Milliy kubok[a]		Liga kubogi		Xalqaro		Boshqa		Jami
		Division	Oʻyinlar	Gollar	Oʻyinlar	Gollar	Oʻyinlar	Gollar	Oʻyinlar	Gollar	Oʻyinlar	Gollar	Oʻyinlar	Gollar
Alay	2018	Qirgʻiziston Premyer-ligasi	21	26			—		6[izoh 1]	1	—		27	16
	2019		24	19			—		2[izoh 1]	0	—		26	19
	2020		14	7			—		—		—		14	7
	Total		59	41			—		8	1	—		67	52
Dordoy Bishkek	2021	Qirgʻiziston Premyer-ligasi	13	4			—		2[izoh 1]	1	—		15	5
	2022		22	10			—		2[izoh 1]	0	—		24	10
	Total		35	14			—		4	1	—		39	15
Dinamo Samarqand	2023	Oʻzbekiston Pro ligasi	17	11	6	4	—		—		—		23	15
	2024	Oʻzbekiston Superligasi	22	7	3	3	—		—		—		25	10
	Jami		39	18	9	7	—		—		—		48	25
Career total			133	73	9	7	—		12	2	—		154	82

1. Qirgʻiziston Kubogi, Oʻzbekiston Kubogi oʻz ichiga oladi

1. OFK kubogidagi ishtiroki va gollari

Xalqaro

2024-yil 19-noyabrda oʻtkazilgan oʻyindagi aniq statistika^[19]

Qirgʻiziston terma jamoasi
Yil	Oʻyinlar	Gollar
2023	9	2
2024	14	8
Total	23	10

Terma jamoa safidagi gollari

Hisob va natijalar birinchi boʻlib Qirgʻizistonning gollar sonini sanab oʻtadi^[19].

№	Sana	Joy	Raqib	Hisob	Natija	Musobaqa
1.	2023-yil 11-sentyabr	The Sevens stadioni, Dubay, Birlashgan Arab Amirliklari	Kuvayt	2–1	3–1	Oʻrtoqlik uchrashuvi
2.				3–1
3.	2024-yil 9-yanvar	Al Egla Training Facility, Doha, Qatar	Vyetnam	1–0	2–1	Oʻrtoqlik uchrashuvi
4.	2024-yil 25-yanvar	Abdulloh bin Xalifa stadioni, Doha, Qatar	Ummon	1–1	1–1	AFC Osiyo Kubogi 2023
5.	2024-yil 26-mart	Dolen Omurzakov stadioni, Bishkek, Qirgʻiziston	Xitoy Taypeyi	1–0	5–1	2026-yilgi FIFA Jahon chempionati saralashining 2-bosqichi
6.				2–0
7.				3–0
8.	2024-yil 10-sentyabr	Dolen Omurzakov stadioni, Bishkek, Qirgʻiziston	Oʻzbekiston	1–0	2–3	2026-yilgi FIFA Jahon chempionati saralashining 2-bosqichi
9.	2024-yil 19-noyabr	Dolen Omurzakov stadioni, Bishkek, Qirgʻiziston	Eron	1–2	2–3	2026-yilgi FIFA Jahon chempionati saralashining 2-bosqichi
10.				2–2

Yutuqlar

Alay

• Qirgʻiziston Superkubogi gʻolibi: 2018
• Qirgʻiziston kubogi gʻolibi: 2020

Dordoy

• Premyer-liga gʻolibi: 2021^[23]
• Qirgʻiziston Superkubogi gʻolibi: 2021, 2022

Individual

• Qirgʻiziston Premer-ligasining eng yaxshi toʻpurari: 2018^[24]