Conrad Bain
From Wikipedia, the free encyclopedia
Remove ads
Conrad Bain (4 de febraro 1923 - 14 de zenaro 2013) el ze un ator canadeze naturałizà 'merican.
El gà risiedùo inte i Stati Unii da'l 1946 fìn a cuando che'l ze moresto. In Itałia el ze conosùo soratuto par aver partesipà a'l tełefilm Il mio amico Arnold indove el interpreta el ròło de Philip Drummond, el pare che adota do fiòłi de cołor intarpretài da Gary Coleman e Todd Bridges.
Remove ads
Biografia
Bain el ze nasesto a Lethbridge, inte'l stato de l'Alberta, da Jean Agnes e Stafford Harrison Bain, vendidór a l'ingròso[1]. Durando ła segonda guera mondiałe el ga inprestà servisio co l'armàda canadeze [2]. Drìoman el se ga trasferìo a New York, iscrivendose dònca a l'Academia Americana de Arti Dramatiche, indove tra i só conpanji el gaveva Charles Durning e Don Rickles.
Inte'l 1946, prima de otenjir la łaurea inte'l 1948, el ze deventà sitadìn 'merican [3].
Bain el ze stà pare de tre fiòłi e na fìa avùi da Monica Sloan, co cui el ze stà spozà fìnché ła ze morìa inte'l 2009. So fradèło zemèło, Bonar Bain, el ze stà anca eło ator[4].
El ze moristo par cauze naturałe el 14 zenaro 2013, poche setimane prima de conpir novant'ani [5].
Remove ads
Carièra
Daspò che'l se ga ben mostrà durando el Stratford Shakespeare Festival, Bain el ga avùo un suceso ultarior inte'l 1956 cofà atór teatral a Broadway inte ła raprezentasion de ła "pièce" The Iceman Cometh (Ariva l'omo de'l giaso), de Eugene O'Neil, ciapando na bona recension da'l prestijozo New York Timesref>Brooks Atkinson, "O'Neill Tragedy Revived," Archivià il 27 de majo 2011 in Internet Archive.
The New York Times, May 9, 1956.</ref>. Drioman, el ga resità in numarozi spetacołi de Broadway, tra cui Zio Vania, Un nemico del popolo, Candido. Durando na raprezentasion teatrałe a New York, el ga catà łaoro in t'una soap-opera tełeviziva, Dark Shadows, inedita in Itałia, indove el ga resità par do stazón.
Inte i primi ani setanta el gà tacà resitar in una serie de film de suceso da'l titoło Il dittatore dello stato libero di Bananas (1971. 'Ste aparision ghe ga fato in modo che'l se metese in evidensa patòca faséndoghe cusì otenjir el ròło de'l dotor Arthur Harmon inte ła serie Maude (in Itałia conosùa anca co el titoło Una signora in gamba), na sitcom de ła CBS nasùa inte'l 1972 come spin-off de ła serie Arcibaldo e trasmetesta co bon suceso par sìe stazon, fìn a'l 1978.
Co ła fìn de ła serie A ze rivà na popołarità oncora oncora mazor grasie al ròło de Philip Drummond inte ła serie Different Strokes (conosùa in Itałia cofà Il mio amico Arnold), de cui Bain el ga intarpretà danjora 8 stazon e 189 epizodi fìn a'l 1986.
Inte'l 1987 Bain el ga partesipà a na serie de menor suceso, Caro presidente (Mr. President), durà do stajon.
Inte'l 1996 Bain el ga reciapà el só parsonajo de Philip Drummond par un epizodio de l'ùltema stajon de ła serie Willy, principe di Bel Air.
Inte'l 2011 el ze conparesto in un epizodio de ła serie tełeviziva Unforgettable.
Remove ads
Filmografia parsiàłe
- Madigan (Scuadra omicidi, sparate a vista!), rezìa de Don Siegel (1968)
- A Lovely Way To Die (Jim l'irresistìbiłe detective), rezìa de David Lowell Rich (1968)
- Star! (Un dì... di prima mattina), rezìa de Robert Wise (1968) (non acredità)
- Coogan's Bluff (L'uomo dalla cravatta di cuoio), rezìa de Don Siegel (1968)
- Last Summer (I brevi dì selvaggi), rezìa de Frank Perry (1969) (non acredità)
- ''Lovers and Other Strangers ('Amanti ed altri estranei'), rezìa de Cy Howard (1970)
- Bananas (Il dittatore dello stato libero di Bananas), rezìa de Woody Allen (1971)
- The Anderson Tapes (Rapina record a New York), rezìa de Sidney Lumet (1971)
- Up the Sandbox (Voglio la libertà), rezìa de Irvin Kershner (1972)
- Postcards from the Edge (Cartoline dall'inferno), rezìa de Mike Nichols (1990)
Note
Altri progeti
Linganbi foresti
Wikiwand - on
Seamless Wikipedia browsing. On steroids.
Remove ads