Cucurbita maxima

Cucurbita maxima Duchesne, 1786 ła ze na pianta erbàsea anuałe de ła fameja de łe Cucurbitaceae,^[1] del zènaro Cucurbita, che insieme a łe altre piante a eła inparentae (Cucurbita pepo e Cucurbita moschata) łe forma el grupo de ła sucara, che in baze a co łe njien tolte su (madure o njoncora madure) łe verze a grandi spesałità cułinàrie, cofà suche, sucati, sucatełi e altri. Sta pianta ła fa el fruto dito comunemente suca, suca zała o suca dolse.

Cucurbita maxima

Dati
Fonte de	candy roaster (en)
Tasonomia
Regno	Plantae
Órdene	Cucurbitales
Fameja	Cucurbitaceae
Tribù	Cucurbiteae
Zènare	Cucurbita
Spece	Cucurbita maxima Duchesne

Istòria

La suca ła ze orizenària de l'America latina, andove za inte el 1200 v.C. ła zera tanto conosesta e grandamente coltivada. Ła jera stada introduzesta in Amèrica setentrionałe dai eoropei, e in ste zone ła se ga difarensià sia par forma che par dòparasion. In Eoropa ła ze stada portada solché inte i ùltemi sècołi, durante el XVI secolo.^[2]

Descrision

Ła ga łe seventi caratarìsteghe botàneghe: fusto ranpegante; foje coriforme e lobae; fiori sesuai grandi de cołor zało co 5 pètałi; fruti tondi de grande dimension, a superfise lisa o rugada de cołore verdo grizo, zało o naranson, polpa de cołore zało o naranson.

Varietà

Le varietà pì difondeste in vèneto:

• Mammouth, de polpa zała
• Marina, de Cioza, co la polpa naranson;
• Grigia, de Bołogna, doparada par ła preparasion de marmełae;
• Zucca Turbante turco
• Quintale, la suca italiana de majori dimension.

Tasonomia

Cucurbita maxima Duchesne ex Lam, Ess. Hist. Nat. Courges 7 1786.

In altre łéngue

Boarisch: Riasenkyrbis
Deutsch: Riesen-Kürbis
English: Winter Squash, Winter Pumpkin, Buttercup Squash
español: Calabaza, Auyama, Ahuyama, Zapallo
suomi: Jättikurpitsa, talvisquash
français: Potiron, Potimarron, Giraumon
magyar: Óriástök
Nederlands: Reuzenpompoen
polski: dynia olbrzymia
português: abóbora-menina, abóbora-gigante, abóbora-grande, cuieira
svenska: Jättepumpa
தமிழ்: பூசணி
lea faka-Tonga: hina
Türkçe: Helvacı Kabağı
vèneto: Suca