Emmanuel Macron
From Wikipedia, the free encyclopedia
Remove ads
Emmanuel Jean-Michel Frédéric Macron (Amiens, 21 de disenbre del 1977) el ze un pułìtego franseze, vintisincuèzemo presidente de ła Repùblega Franseze e coprìnsipe de Andora dal 2017.[1]
Remove ads
Ex funsionàrio pùblego e spesiałista inte łe investimenti bancari, el ze stà inpiegà e sòzio de ła banca franseze Rothschild & Cie e el ga servìo dopo cofà asesor econòmego del presidente de ła Repùblega François Hollande (2012). Inte el 2014, el ze stà nomenà ministro de ła Economia, Recuperasion Produtiva e Afari Dizitałi[2]. Inte aprile del 2016 el ga lanzà el movimento pułìtego sentrista In Màrcia![3]. Inte agosto dopo, el ga dà łe dimision cofà ministro de l’Economia par dedicarse al partio In Màrcia![4], sensa descartare de diventare candidà inte łe elesion presidenziałi de Fransa del 2017, inte el cazo che Hollande el ghese renuncià. El ga lasà el incàrego cofà ministro mejo vałutà del goerno e cofà el pułìtego de sanca preferìo dai fransezi. Macron el ghea confermà anca, in agosto, ła so lontanansa dal Partito Sociałista franseze par liderar un projeto pułìtego de sentro[5][6], anca se inte el 2015 el gavea za spiegà che el jera stà miłitante del partio ma che no ghene fea pì parte[7].
A ła fine del 2016 el ga anuncià ła so candidatura par łe ełesion presidensiałe de Apriłe del 2017, andove el ga vinsesto el primo turno co on 24% de łe preferense. El 14 de majo del 2017 el ze stà vinsitor del secondo turno contro ła candidada de drita estrema Marine Le Pen, lìder del Fronte Nasionałe. Macron el se ghea inponesto col 66,1% dei voti contro ła Le Pen, che ła gavea ciapà solché el 33,9% dei voti[8]. A trentanove ani el se ga convertìo inte el presidente pì zóvane de ła stòria franseza, cofà el cao de Stato franseze pì zóvane dopo Napołeon Bonaparte e cofà el menbro pì zóvane del G-20[9][10][11]. Macron el ze stà reełeto inte łe ełesion presidensiałe del 2022, sconfizendo da novo ła Le Pen inte el secondo turno.
Dopo che el ghea asumesto łe so funsion inte el 2017, el mandato de Macron el ze stà segnà da momenti de tension sociałi, come ła reforma del Còdaze del łavoro, ła Leje de reforma de le ferovie fransezi, el caso Benalla, el movimento dei gilet zali, che l’è stà uno dei momenti pì significadivi dei sìncue ani del presidente Macron. Dal novenbre del 2018, el presidente el ze stà inte el mezo de łe proteste scumisiae dopo de l’anunso del goerno su un aumento de tase sul preso del conbustìbiłe par el 1° de zenaro del 2019[12]. Come resposta, Macron el renunsa a l’aumento de tase e el anunsa un incremento del sałàrio mìnemo (SMIC) de 100 euro par meze inte el 2019.[13]
Par ła stesa via, el presidente Macron el ze stà el reprezentante de łe propoeste prinsipałi destinae a ła refondasion de l’Union Eoropea[14]. Cusita el 18 de majo del 2020, inte na confarensa stanpa in comun co ła cancełiera todesca Angela Merkel, i do mandatari i ga prezentà on pian par l’UE inte el cuadro de ła crize de ła pandemia. Łe mezure anunciae, łe ga dato speranse inte un momento istòrego difìsiłe che l’organizasion eoropea ła gavea da infrontarse[15]. Macron el defende na «refondasion istòrega» de l'Eoropa. El ga dito cusita inte el so discorso de insediamento cofà presidente de ła Fransa[16]. El ga dato un mesajo conpagno anca inte ła so prima visita a Berlin par catarse co Angela Merke[17]l. El dirizente el ga anca publegà on letarin intitołà “Par un renasimento eoropeo” che el ze sta publegà inte el marso del 2019 adentro de 28 zornałi de l’UE[18].
Par de pì, Macron el consìdera che ła Fransa ła gavaria da mantegnere łe trupe inte el Sael e che l’operasion miłitar ła gavaria da restar là, ma el ga domandà sostegno a ła Zermània e a altri paezi eoropei. El secondo viajo èstero dopo de èsar stà nomenà presidente, dopo de ła Zermania, l’è stà par vizitar łe trupe fransezi Mali[19].
Remove ads
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads