Guatemała
From Wikipedia, the free encyclopedia
Remove ads
Guatemała[15] (dal náhuatl: Cuauhtēmallān, "posto de tante àlbare"[16]), ufisalmente Repùblega de Guatemała, el ze un stato sovran, lìbaro e indipendente situà inte l'estremo nordosidentałe de l'Amèrica Sentrałe. Pułitegamente, el ze na repùblega democràtega e reprezentativa organizada par ła so aministrasion in 22 departementi. La so cultura latinoamericana ła ze variada; ła so ànplia cultura autòctona ła ze prodoto del smisioto intrà łe culture maya e spagnoła durante ła época cołoniałe.
El ze el paeze pì popolà del Sentroamèrica, co 16 301 286 de abitanti drio cheło che dize el censo fazesto inte l'ano 2018[17]. Inte l'isteso tenpo, l' Àrea metropułitana de Guatemała ła conta de na popołasion de 5 301 286 abitanti e na estension teritoriałe de 2253 km², fazéndoła convertir inte l'Àrea metropułitana pì estendesta e co pì alto nùmaro de abitanti de l'Amèrica Sentrałe. La so capitałe e sità pì popołada ła ze ła Sità de Guatemała, che a so volta el ze el prinsipałe sentro econòmego e finansiàrio del paeze. La economia del Guatemała ła ze ła pì granda del Sentroamèrica.[18]
No-ostante ła so picenina estension teritoriałe, el Guatemała el ga na granda varietà climàtega, prodoto dei so rełievi montagnozi che i va partindo dal liveło del mar finmente ai 4220 metri sora de sto liveło[19]. Sto contesto el favorise che inte el paeze i ghe sìpia ecosistemi tanto variai che i va partindo da łe mangrove de łe zone ùmide del Pasìfego finmente ai boschi inuvołii de alta montagna . El teritorio sentro-meridionałe el ze montagnozo, spanpanà de volcani ativi cofà el Tajamulco e l'Atitlán e reconosesto a forte ris-cio sìsmego; el setentrion el ze confato da un basopian cuerto da foreste. Ła costa sudosidentałe ła ze basa e sabioza, sta cuà e ła costa nordorientałe łe ze łe zone pì fèrtiłi del paeze.
El Guatemała el confina a l'ovest e al nord col Mèsego, verso est col Bełize, al sudòvest co Honduras e El Salvador, e al sud col osèano Pasìfego[20]. El paeze el ga na superfisie de 108 889 km²[21]. La so capitałe ła ze Guatemała e ła ze ciamada ufisalmente co l'isteso nome del paeze.
El ze un paeze multiculturałe e pluriłéngue, ła łéngua ufisałe ła ze ła łéngua spagnoła, anca se ghe ze ventidó łéngue maya, e ła łéngua xinca e garìfuna parlà regołarmente inte el departemento caribegno de Izabal, e łe vien considarae in perìcuło de estinsion[22].
El teritòrio andove atualmente ghe ze el Guatemała, el forma parte de ła Mezoamèrica e in sto cuà ła ghea tacà desviłuparse ła cultura maya e par sta motivasion cuà el ze conosesto cofà el 'core del mondo maya', estendéndose ai paezi limìtrofi. Dopo de ła concuista de l'Amèrica, el Guatemała el zera pasà a formar parte del Vireinà de Nova Spagna in cuałità de Capitania Zenerałe. Dopo de ła so indipendensa da ła Spagna inte el 1821, ano inte el cuało el zera sta reformà cofà Regno de Guatemała, cueło che uncò el ze el Guatemała el zera pasà formar parte del Primo Inpero Mesegan e dopo de ła Repùblega Federałe de Sentroamèrica; no devegnendo, finmente l'ano 1847, ła atuałe repùblega, tacando vèrzarse ai paezi arenti e stabiłendo rełasion diplomàteghe co racuante potense del mondo. Dopo del trionfo de ła reforma liberałe inte el 1871 i se ghea stabiłio na sèrie de rezimi ditatoriałi e poco democràteghi finmente al 1944, ano inte el cuało se ghea vesto ła Revołusion del Guatemała del 1944. Sta revołusion ła ghea perdurà finmente l'ano 1954, ano inte el che un colpo de Stato el ghea ciapà poder e el zera cascà inte na guera siviłe, anca ciamada “el conflito armà interno del Guatemała”, che el ghea tacà inte el 1960 e finio inte el 1996.
Za inte el XXI sècoło, el Guatemała el ghea convivesto co na pułìtega econòmega rełativamente stàbiłe che ło ga pozisionà atualmente cofà ła nona economia in Latinoamèrica[23]. Sensa dubi, i livełi de poaresa e dizeguajansa de rèdito i va vanti esendo alti[24]. Par sta motivasion, l'ONU insieme col goerno i va vanti lavorando unidamente par rivar a un desviłupo sostegnìbiłe[25].
Remove ads
Organizasion teritoriałe
El Guatemala el ze organizà in oto rejon, vintidó departementi e trezento-cuaranta munisipi
Departementi
I departementi del Guatemala i ze:
.png){kind=small}
.png){kind=small}
.png){kind=small}
.png){kind=small}
Rejon
Franza Transversałe del Nord (FTN)
La Franza Transversałe del Nord (FTN) ła ze na rejon del Guatemała limitada a nord da na lìnea imazenària intrà el Vèrtaze de Santiago in Huehuetenango e Santo Tomás de Castilla in Izabal e, al sud, da La Mesilla in Huehuetenango e el Lago de Izabal. El ga drento, da ovest a est, parte dei departementi de Huehuetenango, Quiché, Alta Verapaz e Izabal. Ła ga na superfise aprosimada a 15 750 km cuadri.[28] Inte ła rejon ghe ze vari projeti par disfrutar ła richesa de ła tera de ła zona e ła creasion de na granda rete stradałe par fasiłitar el disfrutamento petrojero e mineràrio. Inte ła Guera siviłe del Guatemała, ła ze stada el senàrio de ła majorparte dei masacri e conbatiminti che i se ga vesti inte el conflito.
Sità pì popołae
Sità pì inportanti
.jpg)
Remove ads
Gałeria de someje
volcan Tajumulco
fiume Motagua
Sità del Guatemała
sito UNESCO de Tikal
.jpg)
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads