Mèsego

El Mèsego (łéngua spagnoła: México^[18]; łéngua nahuatl: Mexko), ufisalmente i Stati Unii Mesegani (łéngua spagnoła: Estados Unidos Mexicanos; łéngua nahuatl: Mexika Sentik Wexteyowalko), el ze na demokrasia raprezentativa konponesta da trenta-do entità federative (31 stati e Sità del Mèsego). Drio de ła Kostitusion mesegana ła sede dei poderi de ła federasion e kapitałe del Stato ła ze Sità del Mèsego.

Mèsego

México (es) Mexico (en) Mexko (nah)
Bandiera Stema
Ino	Himno Nacional Mexicano (it)
Bomò	«Derecho ajeno es la paz»
Pozision
23°N 102°W23°N, 102°W
Continente	Amèrica del Nord
Capitałe	Sità del Mèsego
Popołasion
Totałe	124 777 324 (2017)
Densità	63,26 hab./km²
Zènaro	63 898 082 (%51,2)   (%49) 61 187 228
Demònemo	mesegana, mesegane, mesegani, mesegan
Idioma	spagnoło nàhuatl yucateco
Speransa de vita	75 (2022) 5 (2021)
Taso de suicìdio	5,3 (2019)
Putełi no scołarizai	4 330 276 (2012) −142 726 (2011)
Zeografia
Parte de	amèrica latina, nordamèrica, ispanoamèrica, MIKTA e amèrica sentrałe
Àrea	1 972 550 km²
Bagnà da	Osèano Pasìfego e Osèano Atlàntego
Ponto pì alto	Pico de Orizaba (5 610 m)
Ponto pì baso	Laguna Salada (en) (−10 m)
Rente a	Guatemaƚa   Belize   Stati Unii de l'Amèrica
Dati istòreghi
Avegnimento ciave	guerra d'indipendenza del Messico (it) (27 de setenbre del 1821) revołusion mesegana Cinco de Mayo guera dei pastezini
Prima mesion documentada	Repùblega del Yucatán, Inpero azteco, Vicereame della Nuova Spagna (it) , Primo Inpero Mesegan e Repùblega Restaurada
Organizasion pułìtega
Forma de goerno	repùblega federałe
Òrgano ezecutivo	Gobierno Federal de Mèsego
Òrgano lejislativo	Congreso de ła Union
Presidente del Mèsego	Claudia Sheinbaum (30 de setenbre del 2024)
Ìndaze de Democrasia	6.07/10
Menbro de	Organizasion de łe Nasion Unìe, Organizasion par ła Cooperasion e Desviłupo Econòmego, Organizasion mondiałe del comerso, G20, Cooparasion Econòmega de l'Àzia-Pasìfego, Àrea de Lìbaro Comèrcio d'Amèrica del Nord, Asociasion Internasionałe del Desviłupo, Asociasion Latinoamericana de l'Integrasion, Banca Interamericana del Desviłupo, Banca Internasionałe par ła Recostrusion e Desviłupo, Confarensa del Dezarmamento, Corporasion Finansiària Internasionałe, Croze Rosa e Mezałuna Rosa, Confarensa de łe Nasion Unie sul Comèrcio e Desviłupo, Comità Ołìnpego Internasionałe, Corte penałe internasionałe, Confederasion Sindacałe Internasionałe, Organizasion de łe Nasion Unie de l'Agricultura e Ałimentasion, Fondo Internasionałe de Desviłupo Agrìcuło, Grupo dei 15, Grupo Rio, Interpol[1], Mercosur, Movimento dei paezi no lineai, Organizaison Internaionałe de Aviasion Siviłe, Organizasion dei Stati Americani, Convension Americana dei Deriti Umani, Comision Econòmega de l'Amèrica Latina e Caràibi, Comunità de Stati Latinoamericani e Caribegni, Organizasion Idrogràfega Internasionałe[2], Ajensia internasionałe par l'enerzia atòmega, Organizasion Internasionałe de łe Migrasion, Organizasion Internasionałe del Cafè, Banca de Pagamenti Internasionałi, Organismo Multilaterałe de Garansia dei Investimenti, OPANAL, Grupo Austràlia, Banca de Desviłupo dei Caràibi, Banca Sentramericana de Integrasion Econòmega, Grupo de Fornidori Nucleari[3], Organizasion par ła Proibision de łe Arme Chìmeghe[4], UNESCO[5], Grupo de Oservasion de ła Tera, Union Postałe Universałe[6], Union Internasionałe de Tełecomunicasion[7], Organizasion Meteorołòzega Mondiałe[8], Organizasion mondiałe de ła sanità[9], NASA, Organizasion Mondiałe de łe Dogane[10] e Tratà de No-Prołifarasion Nucleare[11]
Economia
PIL nomenałe	1 272 838 810 896 $ (2021)
Persentuałe IVA	16 %
Ìndaze de desviłupamento oman	0,758[12]  (2021[12] )
Moneda	peso mesegan
Banca sentrałe	Banca del Mèsego
Taso de dezocupasion	5 %[13]
Coefisente de Gini	45.4/100
Còdazi de identifegasion
ISO 3166-1	MX[14] MEX[15] 484[16]
Còdaze de matricołasion	MEX
Fuzo oràrio	Ora Stàndar Sentrałe (a Jalisco, Veracruz, Oaxaca (stato), Puebla, Tlaxcala (stato), Michoacán, Guerrero, Nuevo León, Querétaro, Coahuila, Guanajuato, Aguascalientes (stato), Tamaulipas, Hidalgo (stato), Yucatán, Campeche, San Luis Potosí (stato), Colima, Durango (stato), Tabasco (stato)) Oràrio de ła Montagna (a Nayarit, Sinaloa, Chihuahua (stato), Basa Całifòrnia Sud) Oràrio del Pasìfego (a Basa Całifòrnia) EST (a Quintana Roo)
Domìnio de primo liveło	.mx
Prefiso tełefònego	+52
Tełèfono d'emerzensa	911
Preza ełètrega	tipo A[17] e tipo B[17]
Premi (2009)  Lagun Onari (it)
Istòrego
← Repùblega del Yucatán Inpero azteco Vicereame della Nuova Spagna (it) Primo Inpero Mesegan Repùblega Restaurada
Sito web	gob.mx

El stato el ciapa ła parte meridionałe de l'Amèrika setentrionałe, e ła parte setentrionałe de l'Amèrika Latina. El Mesego el ze delimità a nord dal konfin ko i Stati Unii d'Amèrika, a est dal golfo del Mèsego e dal Mar dei Karàibi, a sud-est dal Belize e dal Guatemała e a òvest da l'Osèano Pasìfego. Ko na superfise de 1.972.550 km² el Mèsego el ze el 14º stato pì estendesto del mondo e ko pì de 129.976.000 persone^[19], oltre ke èsar el 10º stato pì popołà del mondo, e anka el stato ispanòfono pì popołà e el sekondo stato katòłego dopo del Braziłe. El spagnolo el ze parlà in Mèsego ko tante łéngue indìzene, ufisalmente rekonoseste.

L'insediamento uman in sto teritòrio el deriva da sirka undazemiłe ani fa e da kel momento i se ga susevio svariai pòpułi, sia agrikultori de ła Mezoamerika sia nòmadi. Dopo de ła konkuista spagnoła el Mesego el ga takà ła so lota par l'indipendensa pulìtega inte el 1810. Dopo par kuazi un sèkolo el stato el ze sta koinvolto inte na sèrie de guere interne e d'invazion foreste ke łe ga gavesto na forte influensa in tuti i ànbiti de ła vita mesegana. Par ła major del parte del XX sekolo (prinsipalmente par ła prima metà) se ga asistio a un perìodo de forte krésita ekonòmega inte el kontesto de na politega dominada da un ùgnoło partio pułìtego.

Par vołume de prodoto interno lordo (PIL) nomenałe el Mèsego el ze konsiderà ła kuatordèzema ekonomia mondiałe.^[20] Tutavia ła destribusion de ła rikesa ła ze estrimamente dezomozènea, tanto ke i ìndazi de desvilupo uman i połe variar grandamente intrà zone e zone del stato.^[21][22] Per na bona parte del XX sèkolo ła principale fonte de rikesa del paeze el ze sta el petrojo, anka se el procedimento de industrializasion del stato el ga permetesto ła difarensiasion de l'ekonomia. Ła emigrasion de lavoratori mesegani verso altri paezi łe ze kreseste ano par ano e łe raprezenta el 3% del PIL kostituindo na inportante fonte de vałuta èstera par el paeze, de fianko ai proventi de łe esportasion de petrojo e del turismo.^[23][24] Dopo ke el ze sta ciapà Pablo Eskobar ła lota par el kontroło de łe vie de ła droga par i Stati Unii d'Amèrika traverso el Mesego łe ga produzesto na vera e pròpia guera sivile intrà i vari kartełi de ła droga, ke ła ga portà inte i ani a pì de 100.000 morti.

El Mèsego el ze na potensa rejonale^[25][26] e uno dei kuatro paezi de l'Amèrika Latina insieme col Cile, ła Kolónbia e ła Kosta Rika a èsar menbro de l'Organizasion par ła kooperasion e el sviłupo ekonòmego (OCSE).

Società

Demografia

Ko na popolasion de kuazi 130 milioni de abitanti, el Mèsego el ze ła dèzema nasion pì popolada del mondo e ła ze, suito dopo el Brazile, el Paeze pì popolà de l'Amèrica Latina. El 60% de ła popolasion ła ze kostituia da metisi, de disendensa smisiada eoropea (prevalentemente spagnola) e indìzena. I amerindi, apartegnenti a vàrie nasion indìzene (kofà i maya), i raprezenta el 20% dei mesegani.

El 16% dei abitanti el ze invese de orìzane eoropea, soratuto spagnołi, anca se ghe ze prezenti vèneti, italiani, fransezi, todeski, połaki, rusi e inglezi.

I Vèneti inte ła seconda metà de l'Otozento i ghea kreà rakuante kołònie onkora ezistenti, cofà Cipilo, arente de Puebla). El restante 4% de ła popolasion ła ze fata da afrikani, ebrei, arabi, turki, cinezi e japonezi.

El Mesego el ze el Stato ke el òspita el major nùmaro de statunitensi ke i vive al de fora dei USA. Sto partegołare el ze gavesto dai lighi ekonòmeghi dopo dei acordi de libaro komerso firmai coi USA e Kanada (NAFTA, operativo dal zenaro del 1994).

Rełijon

Relijon in Mèsego¹
Relijon	Kredenti
Katòlega	74 612 373
Protestanti e Evanzèleghi Stòreghe Pentekostałismo La Luze del Mondo Altre	4 408 159 599 875 1 373 383 69 254 2 365 647
Bibleghe no Evanzèleghe Aventisti Mormoni	1 751 910 488 945 205 229
Ebraismo	45 260
No relijozi	2 982 929
No spesifegà	732 630
¹Se kàlkoła solké ła popołasion major de 5 ani, inte l'an 2000 la rivava a 84 794 454
Fonte: INEGI (2000)

La rełijon predomenante ła ze keła katòłega (83,9%), sekondi i protestanti (7,6%), altre relijion (2,5%) e àtei (4,6%). El mormonismo el ze drio difóndarse tanto inte łe prinsipałi sità arente del konfin nord-orientałe. L'ebraismo el ghe ze in Mèsego e onkora unkó ghe ze sirca 100.000 ebrei inte el stato.

Intrà łe rekorense rełijoze pì sentie se rekordemo keła del 12 de disenbre, el Día de la Virgen de Guadalupe, ke el sèłebra konmemorando ła ùltema aparision in Mèsego de Nostra Siora de Guadalupe, inte el 1531.

Łéngue

In Mèsego, de liveło kostitusionałe de iure no ghe ze na łéngua ufisale.^[27] Tutavia, ła Ley General de los Derechos Lingüísticos ła ghe rekonose el status de łéngua nasionałe al spagnoło e a łe łéngue indìzane nadive del teritòrio, kusita kome a kełe de altri pòpułi indios ke i se ga stabiłizà inte ła nasion.

Sirka el 7% de ła popolasion ła parla na łéngua amerìndia. El Goerno el rekonose 62 łéngue amerìndie, intrà łe kuale łe pì parlae łe ze el nahuatl e el maya (tute e do ko 1,5 milioni de parlanti). Altre, kofà el lakandòn, łe ze doparae da manco de 100 persone. El goerno el ga promovesto programasion edukative biłéngue (in spagnolo e inte na łéngua lokałe) inte łe komunità indizene rurałi.

L'inglezo el ze tanto konosesto inte łe grande sità, arente del konfin statunitense e inte łe lokalità balneari. El ze drio devegner popołare soratuto intrà i zóvani.

Da segnalar ke inte ła komunità de Cipilo inte el Stato de Puebla, dokumentada da vari lenguisti (intrà i kuałi Carolyn McKay). La sità, de fati, ła ze vegnesta fondada inte el 1882 da imigrai vegnenti dal Vèneto. Mentre tuti kełi altri eoropei de orìzane no spagnoła i ze finii par pèrdar ła so łéngua de orìzane, i vèneti de Cipilo (e de rakuante zone arenti) i konserva straordenariamente inalterada ła łéngua veneta parlada dai so noni e avi, raprezentando na menoransa linguistega no rekonosesta ufisalmente.

Ordenamento del Stato

Sudivizion aministrative

El Mesego el ze dividesto in 31 Stati (Estados) e ła Kapitałe (Capital). Ogni Stato el ga na kostitusion pròpia e un goernatore ełezesto diretamente.

Divizion pułìtega del Mèsego

Stato	Popolasion (2010)	Superfise (km²)	Capitałe	Sità pì grande
Stati Unii Mesegani	103088000	1959248	Sità del Mèsego	Sità del Mèsego
1. Aguascalientes	1184996	5625	Aguascalientes	Aguascalientes
2. Basa California	3155070	71546	Mexicali	Tijuana
3. Basa California del Sud	637026	73943	La Paz	La Paz
4. Canpeche	822441	57727	San Francisco de Canpeche	San Francisco de Canpeche
5. Chiapas	4796580	73681	Tuxtla Gutiérrez	Tuxtla Gutiérrez
6. Chihuahua	3406465	247487	Chihuahua	Ciudad Juárez
7. Coahuila	3055395	151571	Saltillo	Saltillo
8. Colima	650555	5627	Colima	Mansanillo
9. Durango	1632934	123367	Victoria de Durango	Victoria de Durango
10. Guanajuato	5486372	30621	Guanajuato	León
11. Guerrero	3388768	63794	Chilpancingo de los Bravo	Acapulco
12. Hidalgo	2665018	20856	Pachuca de Soto	Pachesta de Soto
13. Jalisco	7350682	78630	Guadalajara	Guadalajara
14. Mèsego	15175862	22333	Toluca de Lerdo	Ecatepec de Morelos
15. Michoacán	4351037	58667	Morelia	Morelia
16. Morelos	1777227	4892	Cuernavaca	Cuernavaca
17. Nayarit	1084979	27862	Tepic	Tepic
18. Nuevo León	4653458	64203	Monterrey	Monterrey
19. Oaxaca	3801962	93343	Oaxaca de Juárez	Oaxaca de Juárez
20. Puebla	5779829	34251	Puebla de Zaragoza	Puebla de Zaragoza
21. Querétaro	1827937	11658	Santiago de Querétaro	Santiago de Querétaro
22. Quintana Roo	1325578	42535	Chetumal	Cancún
23. San Luis Potosí	2585518	61165	San Luis Potosí	San Luis Potosí
24. Sinaloa	2767761	57331	Culiacán Rosales	Culiacán Rosales
25. Sonora	2662480	184946	Hermosillo	Hermosillo
26. Tabasco	2238603	24747	Villahermosa	Villahermosa
27. Tamaulipas	3268554	80148	Ciudad Victoria	Reynosa
28. Tlaxcala	1169936	3997	Tlaxcala de Xicohténcatl	San Pablo del Monte
29. Veracruz	7643194	71856	Xalapa de Enríquez	Veracruz
30. Yucatán	1955577	39671	Mérida	Mérida
31. Zacatecas	1490668	75416	Zacatecas	Zacatecas
32. Sità del Mèsego	8851080	1479	–	–

Sità prinsipałi

Sità prinsipałi del Mèsego^[28]

#	Nome	Stato	Nùmaro abitanti
1ª	Sità del Mèsego	CMX, MEX, HID	20137152
2ª	Guadalajara	JAL	4434252
3ª	Monterrey	NLE	4080329
4ª	Puebla	PUE, TLA	2668347
5ª	Toluca	MEX	1846602
6ª	Tijuana	BCN	1751302
7ª	León	GUA	1609717
8ª	Juárez	CHH	1328017
9ª	Torreón	COA, DUR	1215993
10ª	Querétaro	QUE	1097028
11ª	San Luis Potosí	SLP	1040822
12ª	Mérida	YUC	970495
13ª	Mexicali	BCN	936145
14ª	Aguascalientes	AGU	932298
15ª	Cuernavaca	MOR	875598
16ª	Acapulco	GRO	863438
17ª	Tanpico	TAM, VER	858620
18ª	Chihuahua	CHH	851971
19ª	Saltillo	COA	823098
20ª	Morelia	MIC	806822
21ª	Veracruz	VER	801122
22ª	Centro	TAB	755416
23ª	Reynosa	TAM	725793
24ª	Tuxtla Gutiérrez	CHP	684156

Pulìtega

Kostitusion

Drio de ła Kostitusion del Mèsego, promulgada el 5 de febraro del 1917, el Paeze el ze una Repùblega presidensiale, raprezentativa e federale kostituia da 31 stati lìbari e sovrani e ła kapitałe,Sità del Mèsego, sede dei poderi de ła federasion.

Poderi del Stato

Presidente de ła Repùblega

El Presidente el fa i kònpiti de kao de Stato e de goerno inte el steso tenpo e el ga ła facoltà de nomenar i titołari de łe segretarie de Stato, e ke donka le fa parte del gabineto presidensiałe.

El so mandà el dura sie ani e no ghe ze ła pusibiłità de riełesion gnanka kofà vicepresidente.

Inte el kazo andove un presidente de ła Repùblega el se katase in kondision de no poder finir el mandà, ła presidensa ła rekadaria inte łe man de na persona ełezesta dal Kongreso.

El presidente ełezesto inte el 2018 el ze Andrés Manuel López Obrador.

Partii pułìteghi mesegani

Prinsipałi partii del Mèsego:

• Partio Asion Nasionale (PAN), fondà inte el 1939. Se parla de un Partio pułìtego de sentro-drita ke el fa parte de l'Internasionałe Demokràtega Sentrista.
• Partio Rivolusionàrio Istitusionałe (PRI), fondà inte el 1929, anka se el nome atuałe porta ła data del 1946. Menbro de l'Internasionałe Sociałista el ze un Partio de sentro-sanka zeneralmente atestà in pozision de sentro moderà.
• Partio de ła Revołusion Demokràtega (PRD), fondà inte el 1989. el ze el prinsipale Partio de ła sanka mesegana, kofà el PRI el ze menbro de l'Internasionałe Sociałista.
• Partio del Lavoro (Mèsego) (PT), fondà inte el 1990.
• Partio Verdo Ekołozista del Mèsego (PVEM), fondà inte el 1986.
• Movimento Sitadin, fondà inte el 1997 kofà "Convergencia por ła Democracia" dopo canbiando el nome in "Convergencia".

El Mesego fa parte de l'OEA e de l'APEC.

Ordenamento skolàstego

Università

El 21 de setenbre del 1551, in Mèsego, ła ze stada fondada, ko decreto reałe de Fiłipo II de Spagna ła Reałe e pontefisa università del Mèsego, probàbiłmente ła pì antiga università del kontinente amerikan.

Ekonomia

El Mesego el ga na ekonomia de lìbaro merkà, e fa parte dei paezi ko un redito mèdio-alto. el ze a l'11º posto intrà łe pì grande ekonomie del pianeta in tèrmani de prodoto interno lordo mezurà a parità de podere de kronpa.^[20]

Drio i dati del Fondo Monedàrio Internasionałe, el Mesego inte el 2012 el ghea el sekondo rèdito pro kàpite pì ełevà intrà i paezi de l'Amèrica Latina in tèrmani nomenali a 10 059 $, e el pì alto in tèrmani de parità de podere de kronpa, a 15 363 $.^[20]

Dopo ła krize ekonomega del 1994, el Mesego el ga gavesto na notévoła faze de rekùparo, modernizando e diversifegando ła so ekonomia. Łe ùlteme aministrasion łe ga permetesto un mejoramento de łe infrastruture e ła vertura a ła konkorensa in setori kofà keło portuałe, feroviàrio, de łe telekomunikasion, de l'enerzia ełètrega, de ła distribusion de gas naturale e dei aeroporti. La pì grande fonte de rèdito mesegan el ze el petrojo.^[29] Drio de ła Goldman Sachs, inte el 2050 łe sinkue pì grande ekonomie del pianeta łe sarà keła de Cina, Stati Unii, India, Braziłe e Mèsego.^[30]

El Mesego el ze el segondo produtore de autoveture del Nord Amèrika, dopo i Stati Unii.^[31]

Par el diretore par el Mèsego a ła Banka Mondiale, ła popolasion in kondision de povertà ła se ga smenuio dal 24,2% al 17,6% intrà el 2000 e el 2004, pasando dal 42% al 27,9% inte łe zone rurali inte el steso perìodo.^[32] Tutavia ła desparità de rèdito ła resta un problema, e grandi divari i resta miga solké intrà riki e poareti, ma anca intrà el nord e el sud del paeze, e intrà zone urbane e rurał

La krésita mèdia/ano del PIL par el perìodo 1995-2002 el ze stada del 5,1%. L'inflasion ła ze rivada al livelo pì baso atestàndose al 3,3% inte el 2005, e i tasi de intarese basi i ga pendesto el krèdito al konsumo inte ła klase mèdia. El Mesego el ga sperimantà inte el scumìsio del XXI sekolo un perìodo de stàbiłità monetària: el deficit de bałanso el ze sta ulteriormente reduzesto e el dèbito èstero el se ze atestà a manko del 20% del PIL.

I sparagni dei sitadini mesegani ke i laora inte i Stati Unii i ze rivà ai 20 miliardi de dòłari inte el 2004 e i ze ła sètima major fonte de rèdito estero, dopo petrojo, esportasion industriali, manofati, ełetrònega, indùstria automobilìstega e ałimentare.^[33] Nel 2008 i ze stai inviai in Mèsego 67,5 miliardi de dòlari dai emigrai inte i Stati Unii.^[34]

Agrikultura

L'agrikoltura ła kostituise onkora l'okupasion de parte preminente de ła popolasion, ke in grande rejon ła vien fata onkora secondo modałità primitive, kofà inte ła vałe de Tehuacán, par i arkiòłoghi ła pàtria del mais, kultivà in sentenari de ekotipi primitivi da canpesinos ke i ara i kanpi ko un ùgnoło instrumento de ła teknolozia osidentałe, el versoro de legno portà dai ómani de Kortéz^[35] In rejon difarenti, verso i Stati Unii, l'agrikultura ła ze rakuanto evolvesta, łe varietà inpiegae łe ze de kełe moderne, se dòpara fertilizanti e antiparasitari, ma ła spietada konkorensa inponesta dal sistema del lìbaro scànbio volesto dai Stati Unii no el ghe konsente altro ai cei propietari, ko fameje de grando nùmaro, de far su un kapitałe ekonòmego bon par ła kronpa de nove instrumentasion.

Risorse minerarie

La rikesa minerària tradisionale del Mèsego el ze l'arzento. Atualmente, łe pì grande miniere łe ze ła Pachuca (Hidalgo) e a Paral (Chihuahua), mentre el pionbo, frekuentemente asocià, ła ga kofà loghi de mejo produsion minerària i Stati de Chihuahua, ko ła konosesta miniera de Naica, e del Novo Leon.

Turismo

El turismo el ze una de łe risorse principali del Mèsego. El Goerno sentrale e i singoli Stati i se fida senpre de pì a łe risorse ekònomeghe zenerae dal turismo nasionale e internasionale, anka perké i jasimenti de petròlio i ze drio finir e ze rakuanto kostozo forar łe tere par serkar jasimenti pì fondi.Stati zóvani kofà Quintana Roo i vive kuazi totalmente del turismo. La popolasion ła ze kostituia da imigrani vegnenti da tuto el Paeze e da un mùcio de foresti. Altri stati kofà ła Baja California, Nayarit, Oaxaca, Yucatán, e Canpeche i stùdia el modeło Quintana Roo e i se verze al turismo.^[36]

• 
  Acapulco, Guerrero
• 
  Cabo San Lucas, Bassa California del Sud
• 
  El Tajín, Veracruz
• 
  Mazatlán, Sinaloa
• 
  Monte Albán, Oaxaca
• 
  Morelia, Michoacán
• 
  Puerto Vallarta, Jalisco
• 
  Riviera Maya, Quintana Roo
• 
  San Miguel de Allende, Guanajuato
• 
  Uxmal, Yucatán

Anbiente

Biodiversità

El Mèsego el ze uno dei 17 paezi pì biodiversi del mondo. Ko pì de 200 000 spece difarenti. El Mèsego el ze el posto del 10/12% de ła biodiversità mondiałe^[37] Primo par rètiłi al mondo ko 733 spece konoseste, sekondo al mondo par mamífari ko 448 spece, kuarto in anfibi ko 290 spece, e kuarto in flora, ko 26 000 difarenti spece.^[38] El México el ze anka konsidarà el segondo paeze inte el mondo ko par ecosistema e kuarto in totałe par spece.^[39] Aprosimadamente 2500 spece łe ze protezeste ko ła lejislasion mexicana.^[39]

Inte el Mèsego, 170 000 kiłòmetri kuadri i ze konsiderai "Àree Naturałi Protezeste". Inkludendo 34 biosfere riservae (ekosistemi inalteradi), 64 parki nasionali, 4 monumenti naturali, 26 àree par protèzar la flora e la fauna, 4 àreas par la protesion naturałe e 17 santuari (zone ko rika diversità de spece).^[37]

Gałeria de someje

• 
  Citlaltépetl^[40] a sudest
• 
  łago de Capàła, a el sentro-ovest
• 
  panorama de Monterei
• 
  ìzołe Reviłahìhedo a sudovest, patrimonio ONUESC