Guinea Ecuatoriałe
From Wikipedia, the free encyclopedia
Remove ads
La Guinea Ecuatoriałe o Guinea Equatorial[14] xe na repùblega de l’Africa sentral a caval de l’equator. El paexe ze composto de una region continental (Rio Muni) e da le ìzołe de Bioko [15], e Annobon, inte el Golfo del Biafra pì a ovest.
Rio Muni el confina col Camerun a nord, el Gabon a sudest, e el xe bagnà da l’Oseano Atlantico a ovest. I stati pì visini a Bioko li xe el Camerun a nordest, la Nizeria a nordovest e São Tomé e Príncipe a sudovest. A nordest de Annobon se cata São Tomé e Príncipe.
Remove ads
Zeografia
Storia
Antighità
I primi abitanti de la region xera i pigmei. Quando i bantu ghe vegnù zo dal nord, i pigmei ie scapà ne le foreste del Gabon. Ancò se cata pochi pigmei inte el Rio Muni.
I bantu i ga ocupà el Rio Muni; el grupo fang ie arivà su la costa. Da queste ie nati i bubi che ga colonizà l’ìzoła de Bioko.
I portoghezi xe rivà su l’ìzoła de Bioko inte el 1472 quando l’esplorator Fernando do Pó ga descoverto l’ìzoła mentre chel sercava la rota par le Indie. El Portogalo ga colonizà anca Annobon e la zona costiera.
Inte el 1474, el Portogalo ga cedù ste terre a la Spagna in cambio de territori ne le Meriche.
La Spagna no ga mai fato granchè fin al 1926, quando i vari teritori xe stà mesi insieme come la colonia de la Guinea Spagnola.
Indipendensa
El 2 de otobre 1968 la Guinea Equatorial xe diventà indipendente.
El primo presidente fu Francisco Macias Nguema. Dopo n’ano al poder, el presidente ga fato arrestar tuti i membri de l’oposision. Piasse de 160 000 citadini ie scapà via, e el regno del terrore scominsiò in la Guinea.
El neodo del presidente, Teodoro Obiang Mba Nzago, ga fato un colpo de Stato inte el 1979 e ga fato copar so zie par "crimini de guera".
Dopo essarse preparà na nova costitusion, el presidente Obiang sa tolto tuti i poteri esecutivi del governo. El presidente ancò pol far quel chel vol, proclama le legi chel vol lu, fa e disfa el governo, roba la majoria dei schei de lo Stato, senza che nissun posa dir niente.
Remove ads
Zeografia politega
La cavedal, Malabo [16] xe su la ìzoła de Bioko.
La Guinea xe divisa in sete provincie:
- Annobon
- Bioko del nord
- Bioko del Sud
- Centro-Sud
- Kié-Ntem
- Costa
- Wele-Nzas
Popolasion
Etnie
La tribù piasè granda xe i fang, un grupo bantu che ga conquistà quasi tuto el teritorio. Anco i fang xe l’ 80% de la popolasion. I fang ie divisi in 67 clan.
I bioko xe el 15%, el resto xe formà da grupi picinini (ndowe, bujeba, balengue, kombi, and benga).
Su l’ìzoła de Annobon se cata popolasion de l’Angola, portà da i portoghezi inte el XIX secolo.
Religion
Catolici 92%, religioni tradizionali 7%, musulmani 1%.
Remove ads
Economia
La Gunea la produse cacao, legname e pexe. Inte el 1997, i ga catà de i giacimenti petroliferi e el governo ga venduo i diriti de sfrutamento a de le compagnie mericane. I schei del petrolio i a fato salir le entrate de lo Stato. Ancò, el citadin mèdio de la Guinea guadagna 25,000 euro a l’ano. La popolasion, parò, no ga visto cambiamenti e do terzi de la xente vive soto el livel de la povertà (manco de un euro al di).
Remove ads
Curiosità
Uno dei magiori opositori del ditator Obiang xe el studioso svizero Max Linizer-Goumaz. Linizer-Goumaz ga publicà tanti libri e articoli par dir la verità su la situasion in Guinea. El ga anca publicà la Bibliografia de la Guinea Equatorial, na lista de tuti i libri, articoli e altro amterial aparso su la Guinea in tuto el mondo. La Guinea Equatorial, paexe povero e con pochi ghe ga studià a l’università, l’è l’unico paexe africano a verghe na bibliografia de sto tipo.
Remove ads
Gałeria Fotografega
Pico Basiłé a Bioco
fiume Mbini, a est
someja aerea de Sant'Antonio de Pałé, so ła ìzoła de Anobon
inpianto de produsion de GPL
_River_Sendje_Equatorial_Guinea_4_2015_BNB-UM.jpg)
Nòte
Altri projeti
Łinganbi foresti
Wikiwand - on
Seamless Wikipedia browsing. On steroids.
Remove ads