Irak
paese axiàtego From Wikipedia, the free encyclopedia
Remove ads
L'Irak o Iraq[14] el xe un Stato del Medio Oriente, situà inte el sud-ovest asiatico.
El confina co l'Arabia Saudia e el Kuwait a sud, la Giordania a ovest, la Siria a nordovest, la Turchia a nord, e l'Iran verso est. El xe bagnà dal Golfo Persego a sudest.
_City_in_Winter_-_Snow_2015.JPG)
Remove ads
Remove ads
Zeografia
El so teritorio el corisponde a quelo de la vecia Mesopotamia, la "tera dei do fiumi" (Bilād al-Rafidayn in arabo), mentre el nome de desso el vien dal persian eraq, che vol dir "tere basse" (rispeto a l'altopian iraniano).
Storia
Antighità
In Mesopotamia xe nato alcune de le pi vece siviltà del mondo: i Sumeri, i Babilonesi, i Assiri.
La ga fato parte de l'inpero persian fin quando xe rivà i Arabi in tel 656 d.C.. I Arabi i ga portà l'Islam e Baghdad la xe deventà una de le sità pi inportanti del mondo islamico.
I Mongoli i ga invaso do volte l'odierno Iraq, inte el 1251 e dopo inte el 1401 con Tamerlan.
In tel 1638 el xe passà soto l'inpero otoman.
Indipendensa
A la fin de la prima guera mondial i lo ga ciapà i britaneghi, che i lo ga proclamà indipendente el 1° otobre 1919, soto forma de monarchia. I britaneghi parò i ga continuà a governarlo co un mandato de la Società de le Nassion e inte el 1941 i ga stofegà inte el sangue un colpo de stato sostegnùo da la Germania nazista.
Finìa la seconda guera mondial i britaneghi i xe ndà via, ma in tel 1958 l'esercito iracheno el ga fato n'altro colpo de Stato proclamando la republica.
Storia resente
Dopo varie lote par el potere, inte el 1979 Saddam Hussein el xe deventà presidente de l'Iraq, metendo su na ditatura.
In tel 1980 l'Iraq, col sostegno econòmego dei mericani, el ga atacà l'Iran dove da poco i gavea parà via el scià e messo su na republica islamica. La guera la xe finìa solo inte el 1988 sensa canbiamenti teritoriali e con piassè de un milion de morti.
In tel 1990 l'Iraq el ga invaso el Kuwait. In risposta le Nasion Unìe le ga autorixà l'invio de na forsa multinassional guidà dai mericani, che inte el zenaro-febraro 1991 la ga liberà el Kuwait.
El 19 marso 2003 l'Iraq el xe stà invaso da na coalision guidà dai mericani, che ga conquistà in pressia tuto el paese, metendo in piè un governo novo, de tipo democratico. In tel dicenbre 2003 i mericani i ga ciapà Saddam Hussein. Le nove autorità irachene le lo ga processà e condanà a morte pa i so crimini. El 30 dicenbre 2006 i lo ga picà.
El novo governo el ga vuo finora tanti problemi, sora-de-tuto par via dei atachi teroristici scadenà dai islamici fondamentalisti contro i soldai ocupanti, che de conseguensa no i ga gnancora podesto ndar via par paura che el governo iracheno nol sia bon de controlar da solo el paese. In più drento del governo a olte i barufa tra le etnie prinsipali. Parò pararìa che un fià a la olta sti problemi i se staga risolvendo. I mericani i pensa de poderse ritirar da l'Iraq inte el 2011.
Remove ads
Zeografia politega
La cavedal la xe Baghdad.
Demografia
El popolo iracheno se divide in tri etnie prinsipali: curdi sunniti, arabi sunniti e arabi sciiti.
Economia
L'Iraq el xe el quindicesimo paese al mondo par produsion de petrolio, ma el quarto contando inveze le riserve.
Gałeria de someje
Cheekha Dar inte i munti Zagros
fiume Eufrate
panorama de Mosul, so el fiume Tigri
sito istorego de Ur
Notasion
Altri projeti
Colegamenti par fora
Wikiwand - on
Seamless Wikipedia browsing. On steroids.
Remove ads