Joe Biden
From Wikipedia, the free encyclopedia
Remove ads
Joseph Robinette Biden Jr., mejo conosesto cofà Joe Biden (pronunsa americana: [ˈd͡ʒəʊzəf ˌɹɒbᵻˈnɛt ˈbaɪdən ˈdʒunjɚ](EN) , [dʒoʊ ˈbaɪdən](EN) ; Scranton, 20 de novenbre del 1942), el ze un pułìtego statunitense, 46º presidente dei Stati Unii d'Amèrica dal 20 de zenaro del 2021.
Esponente de l'àrea moderada del Partio Democràtego, prima de scumisiar l'atività pułìtega el ga conseguio el titoło de Juris Doctor e el ga ezersità ła profesion de l'avocato, oparando cofà defeza d'ufiso. Inte el 1972, a 29 ani, el ze sta ełezesto par ła prima volta senato federałe in raprezentansa del Delaware, devegnendo cusita el sesto conponente pì zóvane de ła càmara alta inte ła stòria dei Stati Unii[1][2]. de sevente el ze sta reconfermà par pòsteri sie mandai drioman, inte el corso dei cuałi el se ga ocupà prinsipalmente de pułìtega estera e de zustìsia: Biden el gaveva cuerzesto consecusionalmente l'incargo finmente al 2009, ano inte el cuało el se ghea demisionà par sùmarse łe funsion de vicepresidente soto l'aministrasion de Barack Obama. Inte el 2017 el ze vegnesto insignio de ła medaja presidensiałe de ła libartà co lode, màsima onorifisensa siviłe del Paeze.
Inte łe ełesion prezidensiałi del 2020 el ghea recevesto el pì alto nùmaro de voti de ła stòria, pì de 81 miłioni, prevałendo sul cao de Stato usente Donald Trump. Entrà inte l'incargo inte l'età de 78 ani, Joe Biden el ze el pì ansian presidente dei Stati Unii mai ełezesto, e el secondo de fede catòłega[3] (dopo John Fitzgerald Kennedy) e el primo del Delaware. Inte el disenbre del 2020 el setemanałe Time el lo ga nomenà «persona de l'ano» co ła vicepresidente Kamala Harris, prima dona a vestir sto incargo[4].
Remove ads
Biografia
Ani zovaniłi e fameja
Laureà in zurisprudensa inte el 1965 a Newark, el ze rivà a ła speciałizasion in leje inte el 1968 a Syracuse, New York, par dopo vegner ametesto inte l'albo dei avocai inte el 1969, atività ezersitada par un curto perìodo e co poco èzito.
De rełijon catòłega, inte el 1966 el se ghea spozà co Neilia Hunter co ła cuała el ga avesto tre fiołi: Beau Biden che el ga seguio ła strada paterna devegnendo anca eło pułìtego, Robert, e Naomi Cristina, so fioła pì cea. Inte el 1972 ła so fameja ła ghea avesto un terìbiłe insidente stradałe andove oncora no i ze ciari i avegniminti: ła mojere Neilia e so fioła Naomi de solché trèdaze mezi i ghe zera restai morti e Beau e Robert i ghe zera stai seriamente ferii[5].
Inte el 30 de majo 2015 inte el ndar de del secondo mandà da Vicepresidente el ze sta colpito da na seconda trazèdia de fameja, de fato el fiołio Beau, za sta procuratore zenerałe del Delaware e futuro candidà a l'incargo de goernatore, el zera morto a 46 ani par un tumore al serveło[6][7]. A ła sełebrasion funarària el zera intervegnesto l'isteso Presidente Obama gavendo un so discorso memorativo[8].
Senatore del Delaware
Pròpio inte el 1972 Joe Biden el vegnea ełezesto senatore par el Partio Democràtego in raprezentansa del Stato del Delaware (eło de fato el ga ła so rezidensa a Wilmington). Inte el 1977, dopo èsar sta spenzesto dai so ùgnołi do fiołi refarse na vita de afesion[9], el se spoza co Jill Tracy Jacobs inte el 17 de zugno[10] fazendo nose arente de ła Cortina de fero inte ła Repùblega Popołare Ungareze[11][12], na rełasion nasesta inte el 1975 da un "apuntamento al orbo"[13] e da ła cuała el ghea avesto na fioła de nome Ashley inte el 8 de zugno del 1981[14].
Biden el ga conservà el so incargo de senatore dal 1973 a ła rivada a ła viceprezidensa de l'Union inte el 2009, divegnendo el Senator pì lonzevo de ła istòria[15], ciapàndose regołarmente el 60% dei voti anca inte łe ełesion 1978, 1984, 1990, 1996, 2002, e 2008[16].
Durante del mandà de Senatore el ga cuerzesto numarévułi inportanti incarghi: dal 1987 al 1995 el ze sta Presidente de ła Comision su ła zurisdision del Senato federałe, inte el 2001 el se tołe el prestijozo incargo de Presidente de ła Comision Esteri del Senato dei Stati Unii d'Amèrica cuerzendo l'isteso incargo belché tre volte (zenaro 2001, zugno 2001- zenaro 2003, zenaro 2007-zenaro 2009) e dal 2007, contenporaneamente a l'incargo de Presidente de ła Comision Esteri del Senato, el ze Presidente del Comità i controło sul narcotrafego internasionałe del Congreso dei Stati Unii d'Amèrica, incargo mantegnesto finmente al 2009 co che el ze sta nomenà Vicepresidente de Barack Obama finmente el 20 de zenaro del 2017.
Canpagne presidensiałi
Inte el 1988 el se ghea candidà a łe primàrie democràteghe, declarando de ispirarse al modeło laburista de Neil Kinnock, ma inte łe consultasion el zera sconfizesto da Michael Dukakis. Inte el 2004 el se ghea sentio in tentasion de candidarse de novo a łe primàrie, ma inte ła fin el ghea renunsà a l'intento declarando de no èsare dospunìbiłe gnanca par far el vice de John Kerry, de fati par sto roło Biden el gaveva consejà el cołega del Massachusetts el senatore John McCain, che siben-ché el fuse republegan, el lo pensava èsar justo par l'incargo.
Inte el 7 de zenaro del 2007 el ga declarà in un'intervista tełeviziva de vołerse prezentar a łe primàrie del 2008 e inte el 30 de zenaro de l'isteso ano el ze sta ufisalmente iscrivesto inte ła lista dei candidai.
Inte el 4 de zenaro del 2008, sol finir del caucus de l'Iowa (primo test ełetorałe de łe primàrie) el ga anuncià de vołerse retrar da ła conpetision par via del deludente rezultà otegnesto, o sia el 0,93%[17], ma inte el 22 de agosto de l'isteso ano Barack Obama, el candidà a łe ełesion presidensiałi del 2008 par el Partio Democràtego, el ghea anuncià inte el ndar de un comìsio ełetorałe a Springfield inte el so stato nadałe l'Illinois, che Joe Biden el saria devegnesto el so conpagno de candidaura inte ła corsa par ła presidensa[18]. La candidaura ła ze sta convałidada formalmente mediante de un voto par aclamasion inte el ndar de ła Convention Democràtega de Denver fazesta dal 25 al 28 de agosto del 2008[19].
Inte el 4 de novenbre 2008 ła còpia Obama-Biden ła ghea vinsesto łe ełesion presidensiałi, sorpasando el ticket republegan conponesto dal senatore John McCain e da ła goernatora de l'Alaska Sarah Palin[20][21][22].
Vice inte ła Presidensa Obama
Inte el 20 de zenaro 2009 Joe el zura ufisalmente divegnendo el 47° vicepresidente dei Stati Unii, primo catòlego a cuèrzar l'incargo. Tanto ativo inte l'aministrasion Obama, el ga supervizionà ła speza par łe infrastruture in costrusion par contrastar ła granda recesion e ła pułìtega dei Stati Unii verso l'Iraq finmente che no ghe ze stada ła retirada de łe trupe americane inte el 2011[23]. Inte l'isteso ano el se ghea oponesto opoze a ła pusibiłità de continuar ła mision miłitare che ła gaveva portà al sasìnio de Osama Bin Laden[23]. In virtù de ła so granda esperiensa inte el Congreso madurada in 36 ani de laoro in senato, inte el marso del 2011 el presidente Obama el ghea dazesto el cònpito de condùzar i negosiai intrà el Càmara dei Raprezentanti de majoransa republegana e ła Caza Bianca, par sołusionar i problemi derivanti dai livełi de speza federałe evitando cusita el "shutdown" del goerno[24]. Inte el 2012 col Presidente Obama el ze sta re-ełezesto par un secondo mandà[25][25] sorpasando i aversari republegani Mitt Romney e Paul Ryan[26], zurando ufisalmente inte el 20 de zenaro del 2013 inte łe man del zùdeze Sonia Sotomayor[27].
Durante del so secondo mandà el se ga metesto in dòpara in vàrie ocazion contro ła viołensa de zènere contribuindo fazendo aprovar inte el 2013 ła leje contro ła viołensa su łe done. Sta leje ła ghea vedesto intrà i so desviłupi ła creasion de ła Comision par łe done a ła Caza Bianca co-presiedesta da l'isteso Biden co ła Consejera Valerie Jarrett[28][29].
Inte el meze de otobre del 2015, dopo mezi de specułasion el ga anuncià, inte el corso de na conferensa stanpa inte el Jardin de łe Roze de ła Caza Bianca, anca dopo de ła morte bonoriva de so fiołio Beau, ła so decizion de no córar par ła presidensa dei Stati Unii inte el 2016[30][31][32], sostegnendo de fato ła candidatura de Hillary Clinton inte łe primàrie del partio democràtego[33].
Inte el 28 de febraro 2016 Biden el ze intervegnesto a l'88° edision dei premi Oscar fazendo un curto descurimento so temàteghe arente ai crìmeni co viołensa sesuałe e introduzendo ła ezibision de ła cantante Lady Gaga[34].
Inte el 12 de zenaro 2017 el Presidente Obama el ghea decidesto intrà i ùltemi ati de ła so aministrasion de insignir el so vice de ła Medaja presidensiałe de ła Libartà, ła màsima onorifisensa del paeze, definindo Biden cofà "un leon de ła stòria americana e un ezénpio par łe zenerasion pròsime"[35]. La medaja ła ze stada insignia co destinguesta, un onor fin cuà concedesto solché a altre tre personałità: el Presidente Ronald Reagan, al Segretàrio de Stato Collin Powell e al pontèfego Joani Poło II.
Raporto co Barack Obama
La stanpa ła ga oservà come che el raporto intrà el Presidente e el so vice el ze sta uno intrà i pì sòłidi che se ga notà inte ła stòria de ła presidensa Statunitense. Durante na intervista, Biden el ghea contà che co che ghe ze sta diagnostegà ła małatia a so fioło Beau el ghea decidesto de véndar ła so caza inte el Delaware par pagar el conto tanto ełevà derivanti da łe cure. Co Obama el zera vegnesto saverlo el ghea dimandà a Biden de catarse co eło e el se ghea oferto de pagar intieramente łe cure evitando ła véndita de ła caza de ła so fameja[36]. Durante de ła serimònia de consegna de ła Medaja presidensiałe de ła Libartà el presidente el ghea afermà voltàndose verso de Biden “ti ze sta ła prima decizion che go fazesto da candidà, e ła mejo”[37].
Presidensa Biden
Remove ads
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads