Tabasco (stato)
From Wikipedia, the free encyclopedia
Remove ads
Tabasco el ze un Stato del Mèsego situà inte ła parte meridionałe del paeze e che el varda inte ła baja de Campeche del Golfo del Mèsego a sud. El confina verso òvest col Stato mesegan de Veracruz, verso sud col Chiapas, verso nord est col Stato de Campeche.
La so capitałe el ze Villahermosa. Granda parte del teritòrio el ze situà inte un basopian su l'estuàrio del fiume Grijalva. L'atività ecònomega prevałente ła ze l'estrasion de petrojo.
La locałità de La Venta inte ła parte osidentałe del Stato ła zera (1200-600 v.C.) uno dei sentri pì inportanti de ła cultura olmeca. Inte ła parte orientałe del Stato ghe ze anca racuanti ruvinasi Maya. Hernán Cortés el zera desbarcà su łe coste de sto Stato inte el marso del 1519. I cai locałi i ghe ghea ofrio 20 zóvani intrà i cuałi ła ghe zera la Malinche denomenada de sevente dona Marina, che ła ze sta co Cortés l'artefatora de ła concuista de l'inpero azteco.
Dal nome de sta rejon ła deriva sia ła varietà tabasco de peperonsin, Capsicum frutescens, sia el nome de l'omònema salsa.
Remove ads
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads