Maroco
stato del nordafrica From Wikipedia, the free encyclopedia
Remove ads
El Maroco, ufisialmente Regno del Maroco (en arabo المغرب, Al-Mamlaka al-Maghribiyya) el xe on Stato del Nordafrica[19].
El confina co i Stati de l'Algeria a sudest e de ła Mauritania a sud [20]; el confina a nord anca co łe sità autonome de Ceuta e Melilla[21] e ła plaza de soberanía del Peñón de Vélez de la Gomera [22][23] tute soto sovranità spagnola[24]. El xe bagná da l'Oceano Atlantico a nordovest e dal Mar Mediteraneo a nord.
Remove ads
Zeografia
El ga a nord do grandi cadene de monti, el Rif e l’Atlante, co vete che pasa i 4.000 m.
Inte el sud se cata el dexerto del Sahara.
Łe cadene de monti łe protege el resto del paéxe, che el xe semidexertico al interno e mediteraneo łongo ła costa.
Storia
Antighità
I Fenici i gavéa vari insediamenti su ła costa del Maroco. Ła region ła xera abitá da grupi berberi [25] che i gavéa fondá on regno, che ciapaa rentro tuta ła costa fin zo a ła Mauritania de ancò, za inte el IV secolo a.C..
A ła morte del re Tolomeo (40 d.C.) i Romani i ga anéso el regno come provincia de ła Mauretania Trigitana.
Entel 429 d.C, da ła penisola iberica riva i Vandałi, seguii un secoło dopo dai Vixigoti.
Entel 683 d.C. i ze rivá i Arabi che i era drio conquistar tuto el Maghreb.
Inte el 788, ła prima dinastia locałe de re musulmani ła sale al poder. Se trata dei Idisidi, dal nome del primo re Idris I.
I xe seguì dai Almoravidi, na dinastia berbera che controlaa anca ła Spagna.
Dal 1269 al 1421 xe stá el tenpo de ła dinastia berbera dei Merinidi.
Inte el 1554 el poder el pasa a i Shaditi.
I Alawiti, oncora al poder ancò, i xe sałii al poder inte el 1660.
Inte el 1912, el re el ga dovù sotométarse al protetorato francexe e spagnoło. De sti ani xe ła ribełion de Abd el-Krim co ła fondasion de ła Repùblica del Rif ne łe montagne de l’interno che ła ga durà fin ai primi ani trenta.
Indipendensa
El Maroco l’è torná indipendente inte el 1956.
Entel 1979, el Maroco el ga ocupá el teritorio del Sahara Ocidentałe [26] e'l ga combatuo contro i gueriłieri del Fronte Polisario che i lota par l’indipendensa.
Anca se el Maroco el ga proméso on referendum par l’autodeterminasion de ła zona, el continua a trovar scuxa par rimandar el voto. Al stéso tempo, cołoni marochini vien mandá continuamente inte el Sahara Ocidentałe par crear na popołasion fedełe al re de Casablanca.
Zeografia połitega
El re atuale el xe Mohammad IV.
Sudivixion aministrativa
El Maroco el xe divixo in 37 province e in 2 wilaya (distréti sitadini):
Tre altre province (Ad Dakhla (Oued Eddahab), Boujdour) e Es Smara), a cui a se zónta parti de Tan-Tan e de Laayoune, łe se cata inte ła parte reclamà dal Maroco del Sahara Osidentałe.
Cavedal e altre sità
La cavedal ła xe Rabat.
Altre sità inportanti łe xe, in ordene alfabetego: Aaiún, Agadir, Casablanca, Dakhla, Er Rachidia, Essaouira, Fes, Ketama, Larache, Marrakech, Meknes, Ouarzazate, Tangeri.
Popołasion
Etnie
I Marochini i xe el resultá del misiamento de tanti pòpołi.
El 60% de ła popołasion l'è de orìxine berbere bastansa pure.
Rełigion
Musulmani i xe el 99%. Cristiani e seventi łe rełigion tradisionałi el 1%.
Łéngue
Se parla àrabo e bèrbero.
Economia
El Maroco el ga n’economia agricoła. La dependensa da ła produsion de gran [27] ła fa si che le zone rurali łe ghabia na crésita insuficente.
La produsion industrial ła xe in aumento, ma no l’è mìa suficente a darghe laoro a la zente.
Gałeria de someje
monte Toubkal
fiume Draa
panorama de Casablanca
sito ONUESC de łe medina de Marrakesh
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads