Microsoft Edge

Microsoft Edge el ze un navegador web de còdaze verto sviłupà da Microsoft, bazà su Chromium de Google. El jera sta lansà par la prima volta par Windows 10 e Xbox One inte el lujo del 2015, po' par Android e iOS in otobre de 2017,^[1][2] par macOS inte el majo del 2019, in Windows 7, 8 e 8.1 in zenaro del 2020 e par GNU/Linux inte el otobre del 2020.^[3]

Microsoft Edge

Version de scumìsio	6 de marso del 2007
Criptònemo	Anaheim e Spartan
Version stàbiłe	Microsoft Windows, macOS, Linux: 134.0.3124.93 (26 de marso del 2025) iOS, iPadOS, visionOS, Android: 134.0.3124.77 (24 de marso del 2025)
Licensa	non-free
Tipo	navegador web
Disponìbiłe in	multiłéngua
Parte de	Windows 11, Xbox OS e Windows 10
Caratarìsteghe tècneghe
Sistema operativo	Windows 10, Windows 8.1, Windows 7, Windows 11, Android, software Xbox One e Xbox OS
Piataforma	Android
Motore	Chromium, EdgeHTML, Blink, V8 e Chakra
Scrivesto in	C++
Cuałifegasion
ESRB PEGI
Scuadra
Desviłupator	Microsoft Corporation
Destribuidore	Microsoft Store, App Store, Google Play, AppGallery, Galaxy Store e Xiaomi GetApps
Font de còdaze  Google Play com.microsoft.emmx iTunes Store 1288723196

In orìzane costruìo co i propi motori EdgeHTML e Chakra de Microsoft, inte el 2 de otobre de 2018 Edge el ga canbià el motor de renderizasion propietàrio EdgeHTML par el motor de renderizasion de Google, Chromium,^[4][5] doparando i motori Blink e V8.

Come parte de sto canbiamento (nome in còdaze Anaheim), Microsoft el ga fato sì che ste version preliminari de Edge bazà su Chromium łe sìpie dispunìbiłi anca in Windows 7, Windows 8, Windows 8.1, Windows 10 e macOS, oltre che inte el novo Windows 11.^[6]

Microsoft el ga lansà la prima version stàbiłe de Edge bazà su Chromium inte el 15 de zenaro del 2020.^[7] Edge el gà includesto in orìzane l'integrasion co l'asistente virtuałe Cortana. El ga suporto par estension dispubìbiłi inte el pròpio Microsoft Store; e inte el isteso tenpo el ga suporto par łe estension del Chrome Web Store visto che Edge el ze stà recostruìo in Chromium.

Difarentemente dal so predecesor Internet Explorer, Edge no el ze conpatìbiłe co łe tecnołozie ereditae de ActiveX e BHO.