Windows 11

Windows 11 el ze el nome de l’ùltema version del sistema operativo Windows^[1] desviłupà da Microsoft, oltre che èsar el sucesor de la version precedente del sistema operativo, Windows 10,^[2][3] lansà inte el 2015.^[4] El ze stà lansà ufisalmente el 5 de otobre del 2021 cofà un atuałizasion gràtis traerso de Windows Update de Windows 10, e el ze disponìbiłe par i computer che i responde a determenae spesìfeghe tècnieghe conpatìbiłi del novo sistema operativo.^[5]

Windows 11

Version de scumìsio	5 de otobre del 2021
Fameja S.O.	Windows NT
Criptònemo	Sun Valley
Version stàbiłe	10.0.26100.4061 (13 de majo del 2025)
Bazà so	Windows 10
Licensa	EULA
Disponìbiłe in	afrikaans, albanezo, aramàego, armen, asamezo, azero, bangała, basco, bełoruso, bokmål, bosnìago, bùlgaro, canbozan, catałan, ceco, cherokee, cinezo senplifegà, cinezo tradisionałe, corean, croato, danezo, ebrèo, finlandezo, fiłipin, franseze, gaèłego scosezo, gałezo, gałisian, grego, gujarati, hindi, indonezian, inglezo, irlandezo, islandezo, italian, japoneze, kannada, kazako, konkani, lituan, lusenburgheze, lètono, malayalam, maleze, maltezo, marathi, masèdone, multiłéngua, māori, neo-norvejezo, nepałezo, oriya, panjabi, persian, portoghezo braziłegno, portoghezo eoropeo, połaco, quechua, rumen, ruso, serbo, slovaco, sloven, spagnoło, svedezo, tailandeze, telugu, todesco, turco, tàmil, tàtaro, ucrain, uigur, ungarezo, urdu, uzbego, vałencian, vietnameze, zeorzan, àrabo e èstono
Caratarìsteghe tècneghe
Piataforma	x86_64 ARM
Forma	download dizitałe
Forma file de scritura	formato de file ezeguìbiłe portàtiłe de Windows a 64 bit e formato de file ezeguìbiłe portàtiłe de Windows a 32 bit
IGU	Fluent Design
Atuałizasion	Windows Update, Microsoft Store, Windows Server Update Services e imàzene iso
Scuadra
Desviłupator	Microsoft Corporation
Destribuidore	Microsoft Store

Microsoft el ga promovesto che co Windows 11 se ga mejorà el rendimento e ła fasilità de dòpara respeto a Windows 10. El ga difarenti canbi inportanti inte ła interfàcia de Windows influensà dal scancełà Windows 10X, intrà i cuałi ghe ze un menù Start redizegnà, la sositusion de łe so icone dinàmeche (Live Tiles) co un paneło separà ciamà «Widgets» co notìsie e interasi, la pusibiłità de crear dei grupi de fenestre in mozàego che łe se połe minimizar e masimizar da la taskbar, e tecnołogie nove par i zughi ereditada Xbox Series X e Series S, cofà l’Auto HDR e DirectStorage inte i hardware conpatìbiłi. Internet Explorer el ze stà conpletamente ełiminà e sostituio dal navegador Edge. Microsoft el ga anuncià el suporto par łe aplegasion de Android adentro de Windows 11, col suporto par Amazon Appstore e pacheti instalai manualmente.

Windows 11 el ga domandà novi recuizii de seguresa hardware pì rìzidi respeto de Windows 10, co Microsoft che el ghe dà suporto al sistema operativo co atuałizasion solché inte i dispozitivi che i dòpara na CPU Intel Core de otava zenerasion o pì recente (co racuante ecesion), CPU AMD Ryzen bazà inte ła microarchitetura Zen+ o pi recente, o Qualcomm Snapdragon 850 ARM sistema in chip o pì recente. El ga bezogno anca de l'invio seguro UEFI e de ła conpatibiłità col Trusted Platform Module (TPM) 2.0. Par de pì, Windows 11 no el ze pì conpatìbiłe co l’architetura x86 de 32 bit o inte i sistemi che i dòpara firmware del BIOS.

Windows 11 el ze conosesto par el réndar pì difìsile el cànbio del navegador de default par evitar che la zente ła se pase da Edge a un'altro navegadore web.^[6]

Par via de łe pràteghe monopòłeghe de Microsoft, l'Union Eoropea la ga forsà Microsoft a permétar a łe utense de eliminar Microsoft Edge, Microsoft Bing e i anunci par conformarse ai intaresi del pùblego in zenerałe.^[7][8][9]

Desviłupo

Dopo del lanso de Windows 10, Microsoft ła ghea dito che ła sarìa stà l’ùltema version de Windows.^[10] Sta declarasion ła nase dal parché, da deso, el sistema operativo el sarìa considerà cofà un servìsio, co nove build, che no łe ze altro che nove atuałizasion par mejorar l'estètega e łe funsionałità sistema.^[11] Se ghea tacà specułar so na nova version o un redezegno de Windows inte el zugno del 2021, co che Microsoft el ghea publegà na lista de lavori che i se riferiva a un “rienzovanimento vizivo zenerałe de Windows”. Se ghea informà che un atuałizasion viziva par Windows, sviłupà col nome in còdaze “Sun Valley”, ła zera sta pianifegada par redezegnar l’interfàcia utensa del sistema.^[12][13]

El nome de Windows 11 el zera sta publegà par eror inte un documento de suporto ufisałe de Microsoft inte el zugno del 2021. Racuante imàzeni filtrae de na beta de Windows 11 łe zera conparie online inte ła data del 15 de zugno del 2021, seguie da ła filtrasion de ła build pena mensionada inte l'isteso dì. Łe schermae e ła build filtrada ła mostrava na interfàcia che ła se pareva a cueła del descancełà Windows 10X, co na nova esperiensa Out-of-Box (OOBE) e ła marca Windows 11. Microsoft ła ghea confermà poco dopo ła autentisità de ła beta filtrà, co Panos Panay che el ghea afermà che ła zera na "costrusion strana e precoce".