Microsoft Office

Microsoft Office xe ła suite de softuér de prodùtività pèrsonałe de Microsoft. Xe dispònìbiłe par Windows e par Macintosh.

Microsoft Office

Version de scumìsio	19 de novenbre del 1990
Version stàbiłe	Microsoft Windows: 16.0.18429.20132 (31 de zenaro del 2025)
Licensa	EULA
Tipo	Pacheto de aplicasion pal ufiço, programa propietàrio e software di produttività personale (it)
Caratarìsteghe tècneghe
Sistema operativo	Windows, Macintosh
Scrivesto in	C++
Forma file de scritura	Microsoft Office Theme (en) , Office Open XML (it) , OpenDocument (it) , Rich Text Format (it) e plain text
Scuadra
Desviłupator	Microsoft Corporation

Microsoft Office conprènde i programi Word (ełaborator de testi), Excel (fojo de calcòło), Power Point (par crèar presèntàxiòni), Publisher (par crèar vołàntìni, biłièti da visìta e siti Web), Access (database), Outlook (jèstion de ła posta ełetronèga e rubrìca), OneNote (apùnti), Visio (Grafiçi).

Ła suite Microsoft Office no ła xe nata cofà prodòto unègo, ma xe el risultà del'unìon dei singołi softuér che ła conpòngono. Łe prime versiòni de Word e de Excel infati jérano softuér mòlto diferènti anca cofà interfaçia utènte.

Saver dopàrar in manièra coreta el "pachèto Office" xe çertàmènte ono dei requixidi majormènte chièsti in mòlti setòri laoràtivi.
A tàłe propòsito Microsoft gà istitùio de łe çertifìcàxiòni che atèstano el livèło de łe conosènse acuìsie.

El projèto Windows xe nato pròprio par dotar Word ed Excel (i programi de bàxe de ła suite) de n'interfaçia grafèga so piatafòrma DOS.

L'instałaxion de pì versiòni del pachèto Office xe jèstia co ła loxega Last In First Out, pròpria de ła piła enformàtega. Ciò vàłe par tuti i sistemi operativi (Windows o Mac) indove se intèndano instałar pì versiòni de Office. Par exenpio, vołèndo utiłixar Office 2003 e 2007, se dovrà prima instàłar el 2003, mèntre par disinstàłar, ocore rimuovare prima el 2007 o ła versiòn pì resènte.

De resènte, el prinçipałe rivałe de Office xe ła suite open source LibreOffice. Eła ła ofre n'interfaçia tanto simiłe ałe vecìe versiòni de Microsoft Office (łe versiòni 2007 e 2010 de Microsoft i gà n'interfaçia conplètamènte rinovà), funxiòni pì o mèno ecuivàłènti, el supòrto de divèrsi formai, oltre al vantàjo de esàr on softuér pì lejèro e canbiabiłe, e soratuto libèro, gratùito.

L'ultèma edixion

Par Microsoft Windows

L'ultèma edixion par i sistemi operativi Microsoft Windows xe ła Microsoft Office 2019. Łe varìe versiòni de sta edixion son^[1]:

• Microsoft Office Home & Student 2019
• Microsoft Office Home & Business 2019
• Microsoft Office Professional 2019
• Microsoft Office Professional Plus 2019

Edixion	Conprènde	Note
Office Starter 2010	Word, Excel	edixion gratùìta, funxionàłità limitàe
Office Home and Business 2010	Word, Excel, PowerPoint, OneNote ed Outlook
Office Professional 2010	Word, Excel, PowerPoint, OneNote, Outlook, Access e Publisher
Office Professional Plus 2010	Word, Excel, PowerPoint, OneNote, Outlook, Publisher, Access, InfoPath, SharePoint Workspace e Communicator	soło licènse vołùme
Office Stàndar 2010	Word, Excel, PowerPoint, Publisher, OneNote ed Outlook	soło licènse vołùme
Office 2010 Home and Student	Word, Excel, PowerPoint e OneNote	edixion no comèrsałe

Office 2010 no sarà distribùio in edixion "Enterprise"

Par Mac OS X

Microsoft Office par Mac 2011 xe dispònìbiłe in 2 versiòni^[2]

Tute łe versiòni includòno Word, Excel, Power Point e Messenger.

• Office for Mac 2011 Home and Student
• Office for Mac 2011 Home and Business (co anca Outlook)