Malus domestica

El pomaro (Malus domestica Borkh., 1803) ła ze na pianta da fruta partegnente a ła fameja de łe Rosaceae. Ła ze una de łe pì difondeste piante da fruto coltivae.

Malus domestica

Dati
Fonte de	pomaro, apple peel (en) , apple wood (en) , olio di semi di mela (it) e apple seed (en)
Tasonomia
Regno	Plantae
Órdene	Rosales
Fameja	Rosaceae
Zènare	Malus
Spece	Malus domestica Borkh., 1803
Nomenclatura
Stato	nomen conservandum
Basònemo	Pyrus malus var. domestica
Sinònemi	Malus pumila Pyrus malus Malus communis

Orìzane

El sentro de orìzane del pomaro selvàdego malus sieversii prozenitor del pomaro coltivà malus domestica pare che el sìpia el Kazakistan inte ła zona de Almaty suponesto da Nikolaj Vavilov.

Descrision

Fiori de pomaro

On pomaro selvàdego inte ła stajon invernałe

El pomaro el ze na àlbara caduzifoja de 3-10 metri de altura, co na cioma densa e espandesta e łe raize superfisali.

Le foje łe ze alterne e sénpleghe, a lama ovałe, lezermente seghetae, co àpeze acuto e baze rodondada, de 5-12 sentimetri de longhesa e 3–6 cm de larghesa. El pégoło el ze longo 2–5 cm.

I fiuri i ze ermafrodii de color bianco-rozà esteriormente e bianco interiormente, a simetria pentamera. I ze fati da 5 pètałi e i ze larghi 2,5-3,5 cm. I ze uniii in infloresense a corinbo, in nùmaro de 3-7. La fioritura ła ze in primavera, inte el contenpo al ghetamento. Ła inpołinasion ła ze entomófila.