Pomo

El pomo (dal gało-roman poma) el ze ła fruta del pomaro. El pomo el ga orìzane inte l'Azia sentrałe, cheło che uncó el ze el Kazakistan, andove oncora deso se ghe połe catar el so antenato selvàdego Malus sieversii.

Panoràmega esteriora e in sesion de on pomo.

L'evolusion dei pomi botàneghi ła rivaria dal Neolìtego e łe ze stae portae in nordamèrega dai cołoni eoropei. I pomi i ga on signifegar sia rełijozo che mitołòzego inte on mùcio de culture del mondo, anca inte łe mitołozie nòrdeghe e grega e inte ła tradision cristiana de l'Eoropa.

Descrision

El pomo el ze el "fruto" pì destajonà (ło se połe catar tuto el tenpo de l'ano) e sto cuà el dimanda ła prezensa de inpianti che i proveda de conservarle e ła distribusion de ła dispunibiłità in tuto el tenpo de l'ano. Ła maturasion naturałe ła vària da ła fin de agosto e ła metà de otobre

Ła dispunibiłità a ła conservasion naturałe dei fruti ła ze drastegamente difarente inte łe vàrie varietà, visti i grandi contegnui in àsidi orgàneghi, de norma ła conservasion ła va da uno a cuatro mezi.

Inte ła conservasion industriałe ze inportanti łe condision fìzeghe andove sta cuà ła vien fata. Dopo ver catà i pomi, i fruti i ze conservai a tenperature da 1,0 a 3,5 °C co umidità rełativa del 59-68%. Par conservasion pì longhe se core a conservasion in celle co atmosfera controłada (pì rica de azoto).

Produsion

Produsion de pomi par stato – 2018
Stato	(milioni de tonelade)
Cina	39.2
Stati Unii de l'Amèrica	4.7
Połònia	4.0
Turchia	3.6
Iran	2.5
Itàłia	2.4
Ìndia	2.3
Rùsia	1.8
Fransa	1.7
Ciłe	1.7
World	86.1
Fonte: FAOSTAT, de łe Nasion Unie[1]

La produsion mondiałe de pomi inte el 2018 ła ze stada de 86 milioni de tonełade; la Cina eła soła ła ga contribuio par el 46% del totale, seguia a granda distansa da Stati Unii e Połònia^[1].