Subioti de Kerso

Piato deł'ixoła de Cherso, inte el Carnaro.

Par 4 persone ghe vol:

• 400 g de subioti
• 200 g de puìna de piegora (pol ndar ben ła puìna infumegà de ła Val Leogra)
• 2 bałe de ovo
• 1 spigoło de ajo
• 4 foje de salvia
• ojo de oliva veneto
• formajo piegorin gratà
• sałe
• pévaro

Tritare fini fini ajo e salvia e desfrizarli co poco ojo in na farsora. Xontare ła puìna e aqua par stenperarla. Tegner sul fogo baso finkè non vien fora na salsa cremoxa. Cuxinare ła pasta tegnendo da parte un poca de aqua de cotura. Butare in na tarina i ovi e spacarli. Xontare ła salsa de puìna e ła pasta, mis-ciando e versàndoghe sora pevaro e formajo gratà. Se ocore, par smołare un poco, versarghe sora un poco de aqua de cotura tegnùda da parte.