Antananarivu
From Wikipedia, the free encyclopedia
Remove ads
Antananarivu (malagas.: Antananarivo «tuhiden külä», franc.: Tananarive [tananaʁiv], lüh. Tana [tana]) om Madagaskaran pälidn da kaikiš suremb lidn. Se om Antananarivun agjan administrativine keskuz mugažo, otab sen koumed departamentad 19:späi.
Remove ads
Istorii
Eländpunktan aluz om pandud 17. voz'sadan augotišes Andrianzaka-kunigahal. 19. voz'sadaspäi om ühtenzoittud Madagaskar-saren pälidnaks. Vl 1896 Tananarive kändihe francižen Madagaskar-kolonijan pälidnaks. Se oli francine saren ripmatomuden sandhasai vl 1960.
Saren tegimišton, kommertižiden sauvusiden i üläopendusen aluzkundoiden tobj pala om keskitadud Antananarivus. Industrialižed sarakod oma tekstilin da nahkoiden tehmine, muilan pästand, sömtegimišt, tabakan ümbriradmine i oluden tehmine.
Remove ads
Geografijan andmused
Lidn sijadase Ikop-jogen (franc.: Ikopa) kukhikahil randoil, 1240..1470 m korktusil, 1276 m ü.m.t. keskmäižel korktusel, Madagaskar-saren keskuzpalan päivnouzmas. Pen' ratud Anusi-järv (franc. Lac Anosy) om lidnan suvipalas.
Avtoted ühtenzoittas kaikiden agjoiden pälidnoidenke. Raudte 368 km pitte mäneb Tuamasin-merenporthasai pohjoižpäivnouzmas.
Klimat om subtropine mussonine korktoiden mägiden, subekvatorialižen röunal, päivoikaz päiči vihmsezonas. Voden keskmäine lämuz om +19,6 C°, kuidme +15,6..+22,1 C° vodes läbi. Ekstremumad oma +5,0 C° (heinku) i +34,9 C° (kül'mku). Il'man lämuz voib ületada +27 C° miččel taht kul. Paneb sadegid 1171 mm vodes, enamba tal'vkus-uhokus (226..312 mm kus), kuiv sezon oleskeleb semendkus-sügüz'kus (39 mm kaikes pordos). Kun keskmäine relätivine nepsuz vajehtase 69..80 % röunoiš voden aigan.
Remove ads
Tobmuz
Lidnan tobmuden pämez' om mer (malagas.: Ben'ny tanànan'Antananarivo, franc.: Maire d'Antananarivo). Hän valičese radnikusele municipaližen suiman ühtnijoil nelläks vodeks, toižen strokun voimusenke. Edeližed merad oma Naina Andriantsitohaina (viluku 2020 — keväz'ku 2024), Lalao Ravalomanana (reduku 2015 — viluku 2020).
Eläjad
Vl 2005 lidnan eläjiden lugu oli 1 613 375 ristitud, vl 2014 — 2,2 mln ristituid 88 km² pindal. Läz koumed millionad ristituid elihe ezilidnoidenke vl 2013, valdkundan kahesandez. Äjad ristitud oma ezmäižen pol'ven lidnalaižed, heiden jured oma küliš kaikedme saredme.
Üläopendusen znamasine aluzkund om Antananarivun universitet[1] (malagas.: oniversiten'Antananarivo, franc.: Université d'Antananarivo, 22,5 tuh. üläopenikoid), sen aluz om pandud vl 1961, keskiti saren kaiked üläopendust ühteks strukturaks vhesai 1988.
Remove ads
Transport
Minibusad (läz 80 maršrutad) oma kundaližeks transportaks lidnas. Päraudtestancijan nimi om Soarano.
Rahvahidenkeskeine soda- da civiline Ivatu-lendimport[2][3] (malagas.: Seranam-Piaramanidin' Ivato, franc.: Aéroport International d'Ivato, TNR / FMMI, 600 tuh. passažiroid vl 2009) sijadase vižtoštkümnes kilometras lodeheze lidnan keskusespäi. Tehtas reisid Parižha, Reün'jonha i Afrikan lähižihe maihe, Stambulha, mugažo Madagaskaradme.
Remove ads
Galerei
Lidnan ohjandusen pert' vl 2013 vai sen aigemba (om udessaudud vodele 2011)
Grähkatoman sugutandan katoline kafedraline päjumalanpert' (vai Andohalon päjumalanpert', om saudud vll 1873−1890), vn 2019 nägu
Antananarivun universitetan sauvused (2010)
Rahvahidenkeskeižen Ivatu-lendimportan terminalad vl 2007
Soarano-päraudtestancijan sauvuz vl 2019
Sebruzlidnad
Homaičendad
Irdkosketused
Wikiwand - on
Seamless Wikipedia browsing. On steroids.
Remove ads