Linc

From Wikipedia, the free encyclopedia

Linc
Remove ads

Linc (saks.: Linz [ˈlɪnts], čeh.: Linec [ˈlɪnɛt͡s]) om lidn Avstrijan pohjoižes. Se om Üläavstrii-federacijanman administrativine keskuz da kaikiš suremb lidn, valdkundan koumanz' lidn eläjiden lugun mödhe.

Quick facts
Thumb
Lidnan kart (2021)
Remove ads

Istorii

Eländpunktan aluz om pandud rimalaižil kut Lencia-varmitez imperijan pohjoižröunal vl 15 EME. Mainitihe nügüdläiženke nimenke vl 799.

Linc šingotase raudan metallurgijal (VoestAlpine-koncern), kivivoinhimižel (Chemie Linz AG-koncern), tekstiližel i elektrotehnižel tegimištol, sömtegimištol.

Geografijan andmused

Thumb
Lidnan sijaduz federacijanmas i valdkundas vn 2006 kartal

Lidn sijadase federacijanman pohjoižpäivnouzmas, Dunain molembil randoil, 266 m ü.m.t. keskmäižel korktusel.

Matkad Ven-pälidnhasai om 155 km päivnouzmha orhal, 185 km avtotedme vai 181 km raudtedme. Čehanman röun om koumekümne kilometrad pohjoižhe lidnaspäi.

Klimat om ven valdmeren i kontinentaližen röunal. Semendkun-elokun pord om päivoikaz, kül'mku-viluku oma pil'vekahad lujas. Voden keskmäine lämuz om +10,9 C°, kezakun-elokun +19,2..+20,9 C°, tal'vkun-uhokun −0,5..+2,2 C°. Ekstremumad oma −30,0 C° (viluku) i +37,8 C° (heinku, eloku). Paneb sadegid 840 mm vodes, enamba semendkus-elokus (89..105 mm kus), toižil kuil 49..69 mm. Kun keskmäine relätivine nepsuz vajehtase 53..56 % röunoiš sulakus-elokus, 77..81 % kül'mkus-vilukus, 60..68 % toižiš kuiš.

Remove ads

Tobmuz

Thumb
Lincan 16 nimitadud statistišt rajonad (saks.: Statistische Bezirke) vl 2019

Lidnan tobmuden pämez' om burgomistr (saks.: Bürgermeister der Landeshauptstadt Linz). Edeližed lidnan pämehed oma Klaus Lüger (Klaus Luger, kül'mku 2013 — sügüz'ku 2024), Franc Dobus (Franz Dobusch, 1988−2013).

Eläjad

Vl 2011 lidnan eläjiden lugu oli 189 889 ristitud, vl 2021 — 206 537 ristitud. Kaikiš suremb ristitišt om nügüd', mugažo oli vl 1971 (204 889 eläjad) i vl 1991 (203 044 eläjad). Linc om valdkundan kahtenden surtte lidnaglomeracijan keskuseks 805 tuhanke eläjid vl 2020.

Severz'-se kolledžid i nell' universitetad ratas lidnas. Znamasine om Lincan universitet Johannes Kepleran nimed (24 tuh. üläopenikoid kudes fakul'tetas openduzvodel 2023/24).

Remove ads

Irdkosketused


Avstrijan federacijanmad da niiden administrativižed keskused
Alaavstrii (Sankt Pöl'ten) | Burgenland (Aizenštadt) | Forarl'berg (Bregenc) | Karintii (Klagenfurt-am-Vörterze) | Štirii (Grac) | Zal'cburg (Zal'cburg) | Tirol' (Insbruk) | Ven | Üläavstrii (Linc)
Loading related searches...

Wikiwand - on

Seamless Wikipedia browsing. On steroids.

Remove ads