Njuton Isaak

Ser Isaak Njuton (angl.: Isaac Newton [ˌaɪzək ˈnjuːtən]; sünd. 4. viluku 1643 grigorianižen kalendarin mödhe, Vulsthorp läz Kolstervortad, Anglii — kol. 31. keväz'ku 1726, Kensington, Sur' Britanii) oli sur' anglijalaine fizikantedomez', matematikantedomez' da astronom, üks' klassižen fizikan sädajišpäi.

Njuton Isaak
angl.: Isaac Newton[1]
Isaak Njuton vl 1689 (Godfri Kneller-seran voimujukuva)
radmižen toižend:	matematikanmez', filosof
sündundan dat:	25. tal’vku 1642
sündundan sijaduz:	Woolsthorpe Manor[d][2]
valdkund:	Inglismaa kuningriik[d][3][1]  Suurbritannia kuningriik[d][4][1]
kolendan dat:	20 (31) keväz'ku 1727[5][6][7][8] (84 vot)
kolendan sijaduz:	Kensington[d], Middlesex[d], Anglii, Suurbritannia kuningriik[d][9]
tat:	Isaac Newton Sr.[d][10][1][11]
mam:	Hannah Ayscough[d][1][11]
avtograf:
Njuton Isaak VikiAitas
Om sädusid VikiPurtkiš

Njuton om fundamentaližen «Naturaližen filosofijan matematižed augud»-tedotön avtor. Neciš tedotös hän andoi mail'man gravitacijan käskusen i mehanikan koume käskust, kudambad linniba klassižen mehanikan aluseks. I. Njuton sädi differencialižen da integraližen lugemižen, mujun teorijan i toižid matematižid da fizižid teorijoid.

Biografii

Isaak Njuton oli sündnu henon manpidajan kanzha. Hänen tat koli edel aigad, i nimitihe poigad tatan oiktastuseks. Priha oli otnus tedoho i sädi mehanizmoid lapsessai. Vspäi 1661 Njutonan elo oli sidodud Kembridžan universitetha enamba mi 30 vot.

Tedomez' oli Londonan kunigazližen sebran ühtnijan (vspäi 1672 reflektoran ozutandan jäl'ghe) da prezidentan (vspäi 1703 surmhasai).

Nened fizikantedomehed andoiba tedoalust Njutonan sädamižele enamba kaiked: Galilei, Dekart, Kepler. Njuton jätksi heiden töid, ühtenzoiti niid universaližeks sistemaks mirus.