Abruzzo

Abruzzo, ofte d'Abruzz'n ip z'n Vlamsch, es e regio in't midd'n van Itoalië mè en ippervlak van 10.831,84 vierkante kilomèiters en e goe 1,3 miljoen inweuners. In tydde wos Abruzzo tôope mè Molise êene regio, tout da de twêe geschêed wierd'n in 1963. D'n ôofdstad es L'Aquila.

Abruzzo
Liggienge van Abruzzo in Itoalië
Hoofdstad	L'Aquila
Ippervlak	10.831,84 km²
Inweuners Bevolkiengsdichtheid	1.311.985 (2018) 121,12 inw./km²
President	Marco Marsilio (Fratelli d'Italia)
Provinsjes	4
Gemêentn	305
Website	regione.abruzzo.it
{{{foto}}} {{{byschrift}}}

Abruzzo grenst in't nôord'n an de Marche, in't nôordwestn en westn an Lazio en in't zuud'n an Molise. O den ôostkant ligt den Adrioatischn Zêe.

Landschap en nateur

Zicht ip de Gran Sasso

Abruzzo es, ip de kustlynne noa, redelyk euvelachtig en bergachtig en èit teffrente schôone nateuruutzichtn. Der zyn drie nationoale parkn en êen regionoal nateurpark:

• 't Nationoal park van de Gran Sasso e Monti della Laga
• 't Nationoal park van Maiella
• 't Nationoal park van Abruzzo, Lazio e Molise
• 't Regionoal park Velino-Sirente

De twêe ôogste bergtopp'n van d'Oapennyn'n liggn ôok in Abruzzo, zynde de Corno Grande (2912 mèiters ôoge) in't Gran Sasso-massief en de Monte Amaro (2795 mèiters ôoge) in't Maiella-massief. And're nateurlyke beziensweirdigeedn zyn de Calanchi van Atri en't utterste zuud'n van de kustlynne: de Punta Penna en Costa dei trabocchi. In de regio zyn der ôok teffrente meern gelyk 't Meer van Barrea, 't Meer van Campotosto en 't Meer van Bomba.

Administratieve indêelienge

De regio Abruzzo es ingedêeld in vier provinsjes:

Provinsjes van Abruzzo

Provinsje	Ofkortienge	Oofdstad	Belangryke plekk'n
L'Aquila	AQ	L'Aquila	Sulmona, Avezzano
Chieti	CH	Chieti	Lanciano, Vasto, Ortona
Pescara	PE	Pescara	Montesilvano
Teramo	TE	Teramo	Atri, Roseto degli Abruzzi

Ofbeeldiengn die ier by passn ku je vien in de categorie Abruzzo van Wikimedia Commons.

{{{ofb_links}}}	Regio's van Itoalië		{{{ofb_groot}}}
Abruzzo • Apulië • Basilicata • Calabrië • Campanië • Emilia-Romagna • Friuli-Venezia Giulia • Lazio • Ligurië • Lombardeye • Marche • Molise • Piëmonte • Sardinië • Sicilië • Toscane • Trentino-Zuud-Tirol • Umbrië • Valle d'Aosta • Veneto