Boge (bouwkunde)

E boge es e droagende, geboogn overdekkienge van e kleen' openienge.

Boogn zyn in de bouwkunste vele gebruukt gewist omda je zo sterke gebouwn kut zettn. In 't verleen woarn boogn d'enigste maniere vo grote plekkn te dekkn en doarup toun vodder te bouwn.

Der bestoan tientalln sortn van boogn. Hoe platter de boge, hoe grodder de krachtn na de zydskantn.

De latei es 't alternatief vo boogn. Dat es en horizontoale bolke (van hout, steen, betong, stoal...) da geweunlik uut één stik bestoat en 't oopn gat overspant. Sinsn d'upkomste van gewoapend betong es de boge bykans nie mèi gebruukt.

E blende boge es e decoratieve boge tegen ne meur woar dat er gin gat in es.