Luchtboge

E luchtboge es e specioale sorte van steunbeir da in de lucht hangt. 't Gebruuk van luchtboogn wos e serieuze innovoatie in de gotiek.

Thumb — Deursnee van de kathedroale van Amiens (Vrankryk, 13e eeuwe) mèi reks de middnbeuke, in 't middn vanoundern e zybeuke en doaboovn twee luchtboogn.

De middeleeuwsche mienschn wildn veel hoggere kerkn en kathedroaln bouwn, en die gebouwn moestn tezelfdertyd ook kloarder zyn dan vroeger. Die kloarte kwom van groddere boovnluchtn en gloazen triforia. Doadeure kwoamn de zwoare kruusribgewelvn veel hogger 't hangn, en da zorgde vo ne groddern druk up de meurn.

Luchtboogn zyn en elegante maniere vo dienen druk up groot' hogte up te vangn. De luchtboogn oundersteunn d'hoge buutnmeurn van de middnbeuke en briengn den druk - da van de gewelvn van binn komt - over noa de steunbeirn tegen de buutnmeurn van de zybeukn. Luchtboogn rustn teegn steunbeirn, ze zyn 't verlengde van de steunbeirn.

Ofbeeldiengn die ier by passn ku je vien in de categorie luchtboogn van Wikimedia Commons.

Meer informatie Ounderdeeln van kerkarchitectuur ...