Kêltiesche loofbusschn
Ekostreeke ip de Britsche eilandn From Wikipedia, the free encyclopedia
Remove ads
De kêltiesche loofbusschn zyn 'n ekostreeke in Groôt-Brittanje en in Ierland uut d' Europeesche-Siebeeriesche ekoprovinsje van 't Palaearctis vôgns de Weirld Nateur-Stichtienge (WWF) en vôgns d' indêelienge van de zogenoamde DMEER [1]. No bioom ôort d' ekostreeke by de moatig warme loof- en gemienglde busschn (of de wientrkoale loofbusschn). Ze bezet 209 012 vierkante kielomeetrs ip de twêe grôote Britsche eilandn.
Remove ads
Beschryvienge
De kêltiesche loofbusschn bedekkn 't grotste stik van Ierland, en bevienn undre byzoendrlik in 't ôostlik dêel van dat eiland; d' ekostreeke bezet ook 't mêestndêel van Iengeland, êm uutstrekknde in de nôordlikke en sentroale streekn, en in zuudwestlik Iengland woaroendre Cornwall en Devon, en zeifs in 't zuudn en ôostn van Schotland. Plantneirdrykskundig ligt die ekostreeke, lik gehêel Ierland, in de atlantiesch-europeesche provinsje van de Streeke roendom de Boreoal, en beviend êm dus in 't Holarktiesche Ryk.
D'ekostreeke bestoat oofzoaklik uut êekebusschn uut d' eetoage van d' euvls en 't lêeg gebergte. D' ekostreeke êt ook klêene stiksjes van nôordlikke berkebusschn, moerasschn, en zoêt woatr-plantegruuj van d' oovrstroomiengs-, polders- en turfmoerasschn van nôordlik Iengeland en zuudlik Schotland.
't Kliemoat van d' ekostreeke is in 't algemêene zochte, mo dr zyn veele reegndoagn en 't is oltyd nat. 't Kliemoat in die palearktiesche streeke is gemilderd deur 't bestoan van de Golfstrôom die verbykomt te westn van de Britsche eilandn.
Remove ads
Plantnryk
De glykbluuvnde nievoos van nattigheid en warmte van die ekostreeke zorgn vô de best meuglikke groejvôorwoardn vô loofboomn. De zoomrêekn oovrêerschn die busschn, mo de zochte en de groeve berkn doen 't ier ook goed.
Oendre de geweune ulst, de geweune lystrbesse en 't gêeteblad gruujn dr Dryopteris-voarns en Thelypteris. In gebiedn woa dat de groendn nie goed ofwoatrn oentwikkln dr undre vêenmoerassn. Dr is mo winnig temprateure-varjoasje ier deur de mildrndn invloed van de oemriengnde zêen. 't Vriest mor e poar weekn ip 't joar. E zuk kliemoat gift meuglikeedn vo plantngemêenschappn uut zowêl streekn van de Middellandsche Zêe, 't arktiesch gebied en 't gebergte.
Remove ads
Bêestnryk
Dr zyn 257 beschreevn inêemsche gewêrvldn in de kêltiesche loofbusschn. 't Is nie verwoendrlik datr gin endeemiesche gewêrvldn zyn in d' ekostreeke van al de gewêrvldn zyn ofkomstig van 't europeesch vasteland achtr 't ende van de latstn ystyd, oengevêer 10 000 joar geleen.
Eksterne koppliengn
Zied ook noa
Remove ads
Verwyziengn
Wikiwand - on
Seamless Wikipedia browsing. On steroids.
Remove ads