Middelnederlands

Et Middelnederlands es de verzoamelnoame van Nederfrankische dialectn da gespookn wos tusschn ca. 1150 en ca. 1500.

Middelnederlands

Toalgebied +/- de Lege Landn Toalfamilie Indo-Europees Germoans West-Germoans Nederfrankisch
Daterienge
Periode 1150 - 1500 Voorloper Oudnederlands Upvolger(s) Nederlands, Afrikoans
Toalcodes
ISO 639-2 dum ISO 639-3 dum

Gin eenheidstoale

Er bestound in de Middelêeuwn gin uniforme spellienge in de Nederlandn. Wien da schreef, volgde zyn eigen spreektoale. En die varieerde van streke tout streke.

E meugelikke indelienge^[1] van de Middelnederlandsche dialectn es:

• Vlams: de toale van et middeleeuwsche groafschap Vloandern en gedeeltelik ook nog in 't groafschap Artesië
• Broabants: de toale van et middeleeuwsche hertogdom Broabant
• Hollands: de toale van et middeleeuwsche groafschap Holland
• Limburgs: de toale van et middeleeuwsche hertogdom Limburg en deeln van et ounofhankelik Prinsbisdom Luuk
• Gelders: de toale van et middeleeuwsche hertogdom Gelre en groafschap Zutphen

Die middeleeuwsche hertogdommn en groafschappn liggn nu verspreid over verschillige landn en provinsjn. 't Koartje hierneffers toont hunder oude territorioale grenzn.

Sommigste van die streektoaln hèin specifieke ofwykiengn da je historisch kut uutleggn:

• Kustmiddelnederlands: specifieke toaleigenschappn langs de kust van Vloandern en Holland, ook wel Ingveoons of Noordzeegermoans genoemd
• Noordoostelik Middelnederlands: de streektoaln gesprookn boovn Limburg en ten oostn van Utrecht: hertogdom Gelre, groafschap Zutphen, d'Heerlykheid Overysel

De Bourgondische Lege Landn

Verschilln mè 't Oudnederlands

't Meest upvollend verschil mè 't Oudnederlands es dan de vocoaln (de klienkers) in ounbeklemtoonde positie ofgezwakt gerochtn tout de sjwa (stomme e) of helegansn wegvieln. Da proces noemt vocoalreductie.

• Ond. vogala > Mnd. voghele, veughele
• Ond. olla > Mnd. olle, alle
• Ond. diopitha > Mnd. diepte
• Ond. ruopon > Mnd. roepen

Da resulteerde in 't verlies van uutgangn van vervoegiengn van werkwoordn en voornoamwoordn.

De tabelle hierounder toogt de vervoegiengn van 't zwak werkwoord moakn.^[2][3]

Pers. vnw.	Oudned.	o.t.t.	o.v.t.	Middelned.	o.t.t.	o.v.t.
1e ev.	ic	macon	macoda	ic	maeke	makde, makede
2e ev.	thu	macos	macodos	du	maex, makets	?
3e ev.	he/siu/it	macot	macoda	hi/si/het	maect, maket	maecte, makede
1e mv.	wi	macon	macodon	wi	maken	maecten, makeden
2e mv.	gi	macot	macodet	ghi	maket	maectet, makedet
3e mv.	sia	macont	macodon	si	maken	maecten, makeden

Literateure

Zie 't artikel over de Middelnederlandsche literateure.