Rwanda
From Wikipedia, the free encyclopedia
Remove ads
Rwanda (Ingels: Republic of Rwanda, Frans: République du Rwanda, officieel: Republiek Rwanda) is e land in 't zuydoost'n van Afrika. 't Land grenst in 't noord'n an Oeganda, in 't oost'n an Tanzania, in 't zuyd'n an Burundi en in 't west'n an Congo-Kinshasa. Den hoofdstad en grotste stad is Kigali, in 't centrum van 't land. 't Klimoat is tropisch hoogland, met twèe reegnsezoen'n en twèe droge sezoen'n per joar. Rwanda is 't meest dichtbevolkte land ip 't vasteland van Afrika.
Rwanda hèt e lange geschiedenisse. Joager-verzoameloars vestigd'n hunder hier in de Steentyd en Yzertyd, gevolgd deur Bantu-volkern. In de 15e eeuwe wierd 't keuninkryk Rwanda ipgericht, geleid deur Tutsi-keuningn.
De Conferensje van Berlyn in 1884 wees 't gebied toe an 't Duuts Keuninkryk, die 't uutriep as deel van Duuts Oost-Afrika. In 1897 vestigd'n de Duutschers hunder anwezigheid in Rwanda deur e boundgenootschap te vormn met de keunink, en da markeerde 't begun van de kolonioaln tyd. Ze veranderd'n de sociale strukteure van 't land nie vele, moar oefend'n invloed uut deur de keunink en de bestaende hierarchie te steun'n, en de macht deure te geevn an platselike hoofd'n.
In 1916 vieln Belgische troep'n Rwanda en Burundi binn'n, binst den Êeste Weireldoorloge. Vanof 1922 bestierd'n ze de twêe gebied'n as mandoat van de Volk'nunie, ounder de noame Ruanda-Urundi, en begost e periode van meer direkte koloniale heerschappië. Zowel de Duutschers of de Belgen zoagen de twêe grotste bevolkingsgroep'n, de Tutsi's en de Hutu's, as twêe verschillige rassen, en promoot'n de supremoasje van de Tutsi's.
De Hutu's kwoamn in 1959 in ipstand en stichtegn in 1962 'n ounofhankelike republiek. In 1990 begost 't deur Tutsi's geleid Rwandees Patriottisch Frount (RPF) e burgeroorlog. In 1994 gebeurde de Rwandese genocide, die hounderd doagn deurde. De RPF beëndigde de genocide met e militaire overwinninge.
Sedert 1994 wordt Rwanda bestierd deur de RPF as eenpartiëstoat, mè Paul Kagame as president sinds 2000.
Rwanda hèt één culturele toalegroep (Banyarwanda), met drie subgroep'n: Hutu, Tutsi en Twa. De grotste godsdienst is 't christ'ndom. D' hoofdtoale en nationoale toale is Kinyarwanda, met Ingels, Frans en Swahili as bykomm'nde officiële vrèemde toaln.
 |
Ofbeeldiengn die ier by passn ku je vien in de categorie Rwanda van Wikimedia Commons. |
Remove ads
Wikiwand - on
Seamless Wikipedia browsing. On steroids.
Remove ads