Bas Payis otrichyins

Les Bas Payis otrichyins, c' esteut èn estat elaxhî a l' Impire d' Otriche ki respondeut al pårteye nonnrece do Benelusse d' asteure, cwand on-z a rsaetchî evoye li Principåté d' Lidje eyet l' Dutcheye di Bouyon.

Pol discramiaedje des årtikes avou l' mot « Bas Payis », loukîz cial.

teritweres des Bas Payis otrichyins e 1789

mape mostrant bén les teritweres walons nén dins les Bas Payis otrichyins

Li mwaisse veye, c' esteut Brussele (veye).

Manoye

Li manoye oficire, c' esteut li crônental, mins on s' sierveut eto di ds ôtes pîces come li liård et li skelin. Dandjreus ossu do florin, k' aveut ddja stî batou dins les Bas Payis espagnols et k' aveut divnou li manoye nåcionåle des Provinces Uneyes cwand ele si dislaxhît e 1579.^[1]

Mwaissès dnêyes

Les mwaisses les pus cnoxhous fourît l' Imperresse Mareye-Tereze (k' esteut veyowe voltî) eyet l' Impreu Djôzef II (k' esteut veyou evi).

Il a shuvou li redjime des Bas Payis espagnols, e 1714, pask' i gn aveut pupont di dschindant po les Hasbour d' Espagne. Adon, li payis a rivnou al coxhe di famile des Hasbour d' Otriche.

Après l' Revolucion braibançone (1789-80), les Bas Payis otrichyins seront shuvous, e 1795, do Redjime francès.

So les limotches avou l' Principåté d' Lidje, les teres des Bas Payis Otrichyins estént sovint lomêyes «Payis do Rwè».

Djeyografeye des Bas Payis otrichyins

Gn aveut, po dire djusse, ezès Bas Payis otrichyins :

• li Dutcheye do Lussimbork (asteure, on boket el Walonreye + tot l' Grande Dutcheye do Lussimbork + on boket e l' Almagne + on boket el France)
• li Dutcheye do Limbork (asteure bråmint ezès Bas Payis, on ptit boket el Walonreye)
• li Dutcheye del Braibant (pårti asteure inte li Walonreye, li Flande, li Redjon d' Brussele et les Bas-payis)
• li pårteye nonnrece del Dutcheye di Guele (Guele otrichyinne, (asteure ezès Bas Payis)
• li Conteye di Nameur (asteure pår el Walonreye)
• li Conteye di Flande (asteure pår el Flande)
• li Conteye do Hinnot (asteure pår el Walonreye)
• li signorreye di Malene (asteure pår el Flande)
• li signorreye di Tournai eyet l' Payis d' Tournai (asteure pår el Walonreye)