Curé

On curé, c' est on priyesse dins l' rilidjon catolike.

on curé avou l' blanc colé (François Toussaint)

Mwaissès dnêyes

Li curé est l' mineu rlidjeus d' ene pårotche. I pout aveur dizo lu on vicaire. Dins l' schålance rilidjeuse, gn a ådzeu d' lu li doyén pu l' eveke, pu l' cardinå pu l' Påpe.

Les curés ni s' plèt nén maryî. Cwand c' est k' i vlént viker leu veye normåldumint, i dvént "taper l' cote sol håye", dj' ô bén : cwiter leu mestî.

Les curés dmorént dins ene måjhon d' cure, u presbitere. El Beldjike, les curé sont payîs pa l' Estat.

Istwere

Al revolucion francesse, on-z a dmandé ås curés di djurer schoûtance al Republike. End a bråmint ki nel volît nén fé. Ça stî l' grande margaye des curés djureus (el Beldjike eto k' esteut adon dizo l' redjime francès).

Les curés s' moussént avou ene grande noere cote k' on loméve sotane. Après l' concile Vatican II, dins les anêyes 1960, dabôrd, i s' ont polou abiyî avou on gris costume k' on loméve on clerdjimene.

Dispu les anêyes 1980, el Walonreye, gn a todi yeu moens di curés. On curé ava troes u cwate pårotches. A pårti des anêyes 1990, les curés provnént sovint di des ôtes payis, do Congo, mins purade di Pologne.

Curés k' estént des scrijheus e walon u des rcwereus sol walon

• Philippe Aubry
• Joseph Bastin
• Rodolphe Dedoyart
• Charles du Vivier de Streel
• Nicolas-Joseph Grisar
• André Henin
• Georges Meurisse
• Raymond Mouzon
• Jules-Joseph Pirot
• Michel Renard
• François Toussaint
• Bernard Van Vynckt

Alére

• Paskeyes di curés (on live avou des couyonådes arivêyes a des curés)

Hårdêye difoûtrinne

• so Wikisourd: Categoreye:Curés (tecses so les curés)