上海南站（1908—1937年）

上海南火車站，簡稱上海南站，來勒今朝上海市黃浦區南車站路。南臨車站前路（今中山南路），北朝瞿真人路（今瞿溪路），橫跨車站路（今南車站路）。

南車站路丄個上海南火車站

日軍轟炸後個上海南火車站，1937年8月28號

1906年滬杭甬鐵路開工，起點選勒上海老城廂南面商業繁華個地方。1908年3月20號，上海南站正式辦理客運，開行上海南站至松江個客車，1908年11月，滬杭甬鐵路上海至楓涇段竣工。1937年淞滬會戰，8月28號，日軍個飛機轟炸上海南站，運輸中斷。上海畀日軍打下來以後，日本人又拿上海南站到日暉港當中箇段約1.5公里長個畀日本軍隊自家炸斷脫個鐵路拆脫。上海南站個貨運業務遷到日暉港站，旅客運輸由上海北站承擔。