上海浦

上海浦（上海閒話：Zaon He Phu）是吳越上海境內吳淞江流域一條已經弗存在個河浜，明朝前，伊從南向北經過十六鋪、陸家嘴，流進吳淞江。南宋咸淳三年（1267年）設立個上海鎮搭仔元朝至元廿九年（1292年）設立個上海縣名字儕從上海浦來個。^[1]明朝永樂二年（1404年），戶部尚書夏元吉拓寬黃浦江，上海浦一段河道變成功黃浦江個一部分，上海浦陸家嘴一段河道還留拉。晚清個辰光，挺下來個上海浦逐步淤脫。^[2]清同治《上海縣誌》講：「上海浦在俞家浜北，對岸即浦北之下海浦。」^[1]