上海环城绿带

上海環城綠帶，貤叫上海市環城綠帶^[1]，是中國上海市上海外環線兩邊個城市綠地，總長98公里，寬500米（林帶100米，綠帶400米）^[2]，總面積72.41平方公里^[3]。伊北起浦東三岔港，向南經高橋鎮到周浦鎮，經三林鎮過黃浦江到莘莊，再一路向北經虹橋機場到顧村，再向東到吳淞。^[4]閔行體育公園、閔行文化公園、顧村公園、上海濱江森林公園、高東公園、月亭公園、沿北公園咾啥個儕是上海環城綠帶個一部分。^[5]

歷史

1993年6月份，上海市市長黃菊提出要勒上海外環線外頭修一條寬度至少500米個，環繞整個上海市區個綠化帶。^[6]1995年，上海環城綠帶勒普陀區桃浦鄉開工。^[4]

環城綠帶個建設分成三個階段：第一階段是1995年到2000年，修個是虹橋國際機場到浦東國際機場段個環城綠帶；第二階段是2001年到2005年，環城綠帶其他地區儕開始動工哉；第三階段是2006年到2010年以前，整條環城綠帶造好哉。^[4]