上海滨江森林公园

上海濱江森林公園勒拉上海市浦東新區高橋鎮，是黃浦江、長江、東海三夾水個地方，一期前身是三岔港苗圃。一期勒拉2007年3月28號對外開放；二期2021年12月31號開放^[1]，兩期合計佔地約241公頃。2021年7月1號開始，上海濱江森林公園免費對外開放^[2]。

布局

公園一期

公園一期個景觀

一期公園來勒苗圃基礎丄改造，設計原則是移出過密個單一樹種、引入其他地域鄉土樹種，保留部分自然生長形成個植物群落，根據景觀需要調整布局。一期主入口來勒南側，從南向北樹個密度越來越大，景觀由城市向郊野過渡。公園除開原有水體，來勒公園中部增設小個人工湖，西北部設置淺水濕地，種水生植物。公園西南部有特色植物區，集中種杜鵑、薔薇、木蘭三類植物^[3]。公園北部是生態林保護區，保留本來個苗圃，適當微調形成生態景觀；東部是果園區，來勒秋天會得開放畀遊客采橘子^[4]。按照防汛要求，沿江區域個觀景平台最低離水還遠開5米多，當中隔隻消波塊。一期本來設計用太陽能燈具、風力發電裝置咾啥個設施節能，因為資金問題嘸沒做^[5]。

公園二期

公園二期個景觀

「滈園」個大門

二期公園本來並嘸沒啥樹個，設計中外圈是生態防護林，里向主要是稀疏樹林搭仔草坪^[6]。二期公園攏總分成功七隻區域，比方講花海種植區、房車營地區、草坪露營區咾啥個。公園裏向個歷史保護建築「楊氏老宅」整體保留，周邊布置江南庭院景觀，叫「滈園」^[7]。公園中央設有大型個人工湖。^[8]

交通

公園門口只有外高橋1路一條公交線路^[2]。