中国（上海）自由贸易试验区

中國（上海）自由貿易試驗區（China (Shanghai) Pilot Free Trade Zone），是上海個第一個自由貿易區，也是中國大陸個第一個自由貿易區。2013年8月，國務院正式批准設立中國（上海）自由貿易試驗區。搿個試驗區成立個辰光，以上海外高橋保稅區為核心，輔以機場保稅區搭洋山港臨港新城，成為中國經濟新個試驗田，實行政府職能轉變、金融制度、貿易服務、外商投資還有稅收政策等多項改革措施，大力推動上海市轉口、離岸業務個發展。2013年9月29號，上海自由貿易區正式掛牌成立。上海自由貿易最早勒2003年陳良宇做市長個辰光就有過發展意向搭規劃。

方案規劃

上海自貿區試點規劃個28平方公里範圍包括：洋山保稅港區、上海外高橋保稅區、外高橋保稅物流園區還有上海浦東機場綜合保稅區4塊區域。 跟據國務院通過個《中國（上海）自由貿易試驗區總體方案》，上海自貿區試點會有以下規劃搭政策：先行試點人民幣資本項目開放，逐步實現自由兌換等金融措施，採用循序漸進個開放政策，優先開放企業法人個人民幣自由兌換；上海自貿區試點也有望成為中國加入「泛太平洋夥伴關係協議」（TPP）個第一個對外開放窗口，幫中國加入搿個協議發揮重要作用。搿個方案最終有可能落實到金融、貿易、航運等五個領域個開放政策，還有管理、稅收、法規等五個方面的改革措施。 此外，勒金融方面，上海自貿區試點還拿試點利率市場化、匯率自由匯兌、金融業個對外開放、產品創新等，也涉及有種離岸業務；勒貿易方面，上海自貿區試點會實現「國境線放開」、「國內市場分界線安全高效管住」、「區內貨物自由流動」個監管服務新模式，搿是上海自貿區試點搭目前上海綜合保稅區個主要區別。