陈良宇

陈良宇（1946年10月24日— ），祖籍浙江宁波个上海人，中国共产党党员，中華人民共和國原上海市主要领导人之一。1992年提拔为中国共产党上海市委员会副书记。2001年替手调任中国工程院党组书记徐匡迪任上海市长，2002年任中共上海市委书记，同年裏又当选为中共中央政治局委员。

陈良宇
中国共产党中央政治局委员
任期 2002年11月15日－2006年9月24日
中国共产党上海市委员会书记
任期 2002年10月22日－2006年9月24日
上海市人民政府市长
任期 2001年12月7日－2003年2月20日
个人资料
出生	(1946-10-24) 1946年10月24号（78岁）

陈良宇个家主婆叫黄毅玲，阿爸陈更华，阿弟陈良军。

為仔實伊搭以胡錦濤、溫家寶爲首个中共中央政權政弗对景，傷觸仔共青團幫勢力，畀拉社保基金挪用案搭仔秦裕案搭界个牵连，2006年9月24號伊畀中共中央開除脫上海市委书记、常委、委员职务，停脫伊担任个中央政治局委员、中央委员职务，立案調查。

陈良宇是上海帮大好佬之一，上海帮是中国大陆一股政治势力。自从胡锦涛等頭一代领导人上台后，上海帮就变成功新领导層眼裏向眼中釘。陈良宇作为上海帮个重要人物，為仔對温家宝存心禁压上海房地产价钿影響上海市民个收入个樁實體高頭是邪氣弗足心，勒垃2004年以温家宝实行宏观调控弗順景为因由頭，逼温家宝下臺^{[1][要緊確認可靠性]}。蓋咾，有人話箇趟陈良宇畀人扳倒，是上海帮勢力败落个開始。^{[2][要緊確認可靠性]}

陈良宇虽則為仔社保投资案件畀高层革职，必過实則上，陈良宇扩充了上海社保基金，尋著哉中国社保基金个保值增值个策數，還且成儅哉。隨外，陈良宇在許当上海市领导个辰光，喫斤把力道发展上海个经济，改善上海老百姓个生活條件，蓋咾多數裏个上海市民對伊个印象是弗推板个，伊落馬哉交關年数之後，上海老百姓心裏向顶牽記个領導之一。

经历

• 1963年8月－1968年8月解放军后勤工程学院建筑系结构专业学习，获得大学本科学历
• 1968年8月－1970年9月解放军6716部队当兵锻炼
• 1970年9月－1983年3月上海彭浦机器厂工人、设计员、基建科副科长（其间：1979年2月－1980年1月同济大学工程结构系进修；1980年4月加入中国共产党）
• 1983年3月－1984年3月上海彭浦机器厂副厂长、上海冶金矿山机械公司党委副书记（其间：1982年9月－1983年4月市机电一局党校干部轮训班学习）
• 1984年3月－1985年1月上海电器公司党委书记
• 1985年1月－1987年2月上海市委老干部局副局长、局长
• 1987年2月－1992年10月上海市黄浦区委副书记、副区长、区长（其间：1992年1月－1992年9月英国伯明翰大学公共政策学院学习）
• 1992年10月－1992年12月上海市委副秘书长
• 1992年12月－1996年10月上海市委副书记
• 1996年10月－2001年12月上海市委副书记、副市长
• 2001年12月－2002年2月上海市委副书记、代市长
• 2002年2月－2002年10月上海市委副书记、市长
• 2002年10月－2002年11月上海市委书记、市长
• 2002年11月－2003年2月中央政治局委员，上海市委书记、市长
• 2003年2月－2006年9月中央政治局委员，上海市委书记
• 2006年9月－因牵连上海社保资金案，中共中央决定，免脱渠上海市委书记、常委、委员职务，停止渠担任个中央政治局委员、中央委员职务。

分析

有人殼數，在中國官員裏向，交關人全有賽過陳良宇个問題，會弗會得畀高層處罰，一般性來講取決於權力相爭。作為上海幫骨幹，陳良宇个下臺，會得成為胡温体制替手江泽民體制个標誌性事體。還有得分析殼數，箇个弗單單是一趟權利爭鬥，作興得是一趟中共个路線回歸。起頭仔1978年个經濟改革路線近兩年常樁tsy引發爭論，中共高層利用民間弗足心个情緒，整頓失去共產主義理念个政府官僚，外加收攏地方權力來中央集權。