陈良宇

陳良宇（1946年10月24日生），祖籍浙江寧波個上海人，中國共產黨黨員，中華人民共和國原上海市主要領導人之一。1992年提拔為中國共產黨上海市委員會副書記。2001年替手調任中國工程院黨組書記徐匡迪任上海市長，2002年任中共上海市委書記，同年裏又當選為中共中央政治局委員。

陳良宇
中國共產黨中央政治局委員
任期 2002年11月15日－2006年9月24日
中國共產黨上海市委員會書記
任期 2002年10月22日－2006年9月24日
上海市人民政府市長
任期 2001年12月7日－2003年2月20日
個人資料
出生	(1946-10-24) 1946年10月24號（78歲）

陳良宇個家主婆叫黃毅玲，阿爸陳更華，阿弟陳良軍。

為仔實伊搭以胡錦濤、溫家寶爲首個中共中央政權政弗對景，傷觸仔共青團幫勢力，畀拉社保基金挪用案搭仔秦裕案搭界個牽連，2006年9月24號伊畀中共中央開除脫上海市委書記、常委、委員職務，停脫伊擔任個中央政治局委員、中央委員職務，立案調查。

陳良宇是上海幫大好佬之一，上海幫是中國大陸一股政治勢力。自從胡錦濤等頭一代領導人上台後，上海幫就變成功新領導層眼裏向眼中釘。陳良宇作為上海幫個重要人物，為仔對溫家寶存心禁壓上海房地產價鈿影響上海市民個收入個樁實體高頭是邪氣弗足心，勒垃2004年以溫家寶實行宏觀調控弗順景為因由頭，逼溫家寶下臺^{[1][要緊確認可靠性]}。蓋咾，有人話箇趟陳良宇畀人扳倒，是上海幫勢力敗落個開始。^{[2][要緊確認可靠性]}

陳良宇雖則為仔社保投資案件畀高層革職，必過實則上，陳良宇擴充了上海社保基金，尋着哉中國社保基金個保值增值個策數，還且成儅哉。隨外，陳良宇在許當上海市領導個辰光，喫斤把力道發展上海個經濟，改善上海老百姓個生活條件，蓋咾多數裏個上海市民對伊個印象是弗推板個，伊落馬哉交關年數之後，上海老百姓心裏向頂牽記個領導之一。

經歷

• 1963年8月－1968年8月解放軍後勤工程學院建築繫結構專業學習，獲得大學本科學歷
• 1968年8月－1970年9月解放軍6716部隊當兵鍛煉
• 1970年9月－1983年3月上海彭浦機器廠工人、設計員、基建科副科長（其間：1979年2月－1980年1月同濟大學工程結構系進修；1980年4月加入中國共產黨）
• 1983年3月－1984年3月上海彭浦機器廠副廠長、上海冶金礦山機械公司黨委副書記（其間：1982年9月－1983年4月市機電一局黨校幹部輪訓班學習）
• 1984年3月－1985年1月上海電器公司黨委書記
• 1985年1月－1987年2月上海市委老幹部局副局長、局長
• 1987年2月－1992年10月上海市黃浦區委副書記、副區長、區長（其間：1992年1月－1992年9月英國伯明翰大學公共政策學院學習）
• 1992年10月－1992年12月上海市委副秘書長
• 1992年12月－1996年10月上海市委副書記
• 1996年10月－2001年12月上海市委副書記、副市長
• 2001年12月－2002年2月上海市委副書記、代市長
• 2002年2月－2002年10月上海市委副書記、市長
• 2002年10月－2002年11月上海市委書記、市長
• 2002年11月－2003年2月中央政治局委員，上海市委書記、市長
• 2003年2月－2006年9月中央政治局委員，上海市委書記
• 2006年9月－因牽連上海社保資金案，中共中央決定，免脫渠上海市委書記、常委、委員職務，停止渠擔任個中央政治局委員、中央委員職務。

分析

有人殼數，在中國官員裏向，交關人全有賽過陳良宇個問題，會弗會得畀高層處罰，一般性來講取決於權力相爭。作為上海幫骨幹，陳良宇個下臺，會得成為胡溫體制替手江澤民體制個標誌性事體。還有得分析殼數，箇個弗單單是一趟權利爭鬥，作興得是一趟中共個路線回歸。起頭仔1978年個經濟改革路線近兩年常樁tsy引發爭論，中共高層利用民間弗足心個情緒，整頓失去共產主義理念個政府官僚，外加收攏地方權力來中央集權。