佘山進敎之佑聖母大殿

佘山进敎之佑圣母大殿是勒拉上海市松江区佘山山顶浪向个大型天主敎堂，是天主敎乙级宗座圣殿搭东亚天主敎著名个圣母朝圣地。

佘山进敎之佑圣母大殿

历史

起源

佘山附近个松江、青浦一带天主敎传入邪气早，勒长达100多年个禁敎辰光，横塘、张朴桥等村庄个天主敎徒一直勒地下状态保持着自家个信仰。1844年，天主敎勒清帝国恢复合法地位后，江南代牧区个法籍耶稣会会长南格禄来到佘山，认为个𡍲满山竹林，环境幽静，可以勒迭𡍲块为传敎区年老体弱个传敎士建造一座祈祷所。南格禄于1856年去世。1863年，继任个法籍耶稣会会长鄂尔璧从徐家汇来到佘山，勒半山建造了五间供神父休养个平房，内设小堂。1864年，松江总铎杜若兰神父勒山顶建造六角亭，供奉圣母像。山下头张朴桥咾啥户荡个敎友开始上佘山朝圣。^[1]

1868年3月1日，江南代牧区主敎郎怀仁祝圣仔小堂搭圣母像。迭尊圣母像是由一位中国辅理修士陆省三模仿巴黎“胜利之后圣母像”而绘制个，改称为“进敎之佑圣母”。1868年5月24日（圣母进敎之佑瞻礼日），佘山来了数百名朝圣个敎徒。当时小堂无法容纳，只好搭起帐篷举行弥撒。^[2]

兴建大敎堂

1868年，安徽、江苏2省多处地方发生敎案（参见扬州敎案），神父搭敎堂遭到袭击。甚至勒中外关系一向较为和睦个上海街浪也出现仇视外国人个揭帖。耶稣会个法国传敎士淘深感弗安，江南代牧区耶稣会会长谷振声神父赶到佘山，跪勒六角亭个圣母像前许愿：江南代牧区如能平安度过危难，化险为夷，将勒山上建造一座大敎堂。9月，谷振声向各位本堂神父发出公告，要求伊拉发动敎徒捐资，早日建成大敎堂，以感谢圣母个庇护。^[3]

佘山大敎堂由耶稣会个马历耀辅理修士负责建筑设计，1871年5月24日（圣母进敎之佑瞻礼日）举行奠基典礼，郎怀仁代牧主敎举行仔有6000名敎徒参加个露天大礼弥撒。众多朝圣个敎徒参与义务劳动，担笨重个建筑材料从平地搬到山顶高头。到1873年4月15日，希腊式个山顶大堂建成，郎怀仁前来祝圣敎堂，同时从半山腰到山顶修筑了一条“之”字形个苦路，勒每只拐弯处共树立了14个苦路亭。当年5月1日交24日，郎怀仁又前往佘山，主持朝圣仪式。当时约有得一万到一万五千人前来朝圣。朝后起佘山圣母成为江南代牧区个特别主保，当年五月称为佘山历史浪第一个圣母月。^[4]

1894年，半山又翻建了可容500余人个、中国传统风格个中山圣母堂。中堂正门两侧刻有一副对联：上联“小堂筑山腰，且憩片刻休孝子礼”，下联“大殿临峰顶，再登几级求慈母恩”。门前有可容千人个广场，设有栏杆、石凳，供敎徒们休息、观景，西面建有三圣亭（耶稣圣心亭、圣母亭、若瑟亭）。

重建新堂

敎堂远观

圣母托起小耶稣

1924年,首任宗座代表刚恒毅总主敎勒上海召开全体中国主敎会议，6月12日，即会议闭幕日，刚恒毅率领全体中国主敎举行担中国奉献拨圣母个隆重典礼；次日,又率领15位主敎赴佘山，再次奉献中华于圣母。

加冕个神像

受到中国第一次天主敎公会议个推动,1925年4月24日，佘山山顶大堂开始拆除重建，由葡萄牙籍神父叶肇昌负责设计施工，由姚宗李主敎祝圣了基地。修建工程历时十年之久，到1935年11月16日才峻工，由当时个主敎惠济良主持祝圣弥撒。叶肇昌对工程管理邪气严格，桩基一直打到岩石浪，施工时弗符合规定即要返工；砖砌定质定量，弗符合要求板定推倒重砌。

敎宗封圣

1942年9月12日，正勒拉中国处于抗日战争个艰难时期，罗马敎宗庇护十二世册封佘山敎堂为乙级宗座圣殿（minor Basilica），个是远东第一座受到敎宗敕封个圣殿。

1946年5月8日，罗马敎廷又加拨佘山一页特恩，准许拨佘山圣母（Our Lady of Zose）行加冕礼。南京总主敎于斌搭上海主敎惠济良为进敎之佑圣母托小耶稣像举行加冕典礼，参加个敎徒达1万余人。^[5]1947年5月18日，敎廷新任驻华公使黎培理又代表全体中国天主敎徒举行了复献礼，朗诵《奉献中国于圣母诵》。^[6]

破坏

1966年“文革”中，大殿受到严重破坏，钟楼顶上个圣母托小耶稣铜像、彩色玻璃窗以及经折路浪个十四次苦路像搭耶稣山园祈祷像侪作为“四旧”敲脱。

恢复

“文革”结束后，中国大陆个宗敎活动得以恢复。1981年3月，佘山天主堂归还拨上海敎区。1981年5月24日，山顶大殿举行有5000人参加个复殿大礼弥撒，开始大修，至1984年结束，1985年举行复祝圣典礼。

复殿之初，由于原钟楼顶浪个圣母托小耶稣铜像已染弗知去向，临时用铁制十字架安装在勒钟楼上。2000年，上海敎区发动信徒奉献，又恢复了顶部个“进敎之佑圣母托小耶稣”铜像。4月18日，金鲁贤主敎祝圣了佘山山顶圣母像。5月1日举行了隆重个迎圣母仪式，并勒山顶圣母大殿举行感恩祭。

1982年，勒佘山南麓创办了一所培养天主敎神职人员个大修院——佘山修院。每年5月朝圣期间，修士们勒中山堂设立服务处，讲解敎理、敎唱圣歌拨敎徒。

建筑

内部结构

1935年完工个大堂造勒佘山山顶浪，建筑风格为罗马式，建筑平面呈拉丁十字形，东西长56米，南北宽25米（最宽处35米）。红砖外墙，正门设勒西南面。敎堂西南角个方形钟楼高38米，钟楼顶部为16根柱子支撑个橄榄形穹顶，上立一尊高4.8米、1.8吨重个“进敎之佑圣母托小耶稣”个铜像。敎堂立面四周红砖墙上尖拱形彩色玻璃窗，顶屋脊则铺以碧绿色琉璃瓦。大堂内部设有3000只座位，尽端个大祭台用镶金嵌玉个大理石雕成，祭台搭座堂间用低矮个汉白玉栏杆分隔，花瓷砖铺地。^[7]

由于佘山大敎堂建造勒海拔98米个山顶上，工程相当艰巨，其中顶大个困难是拿石头等建筑材料靠人抬肩扛从平地运到山顶。所用石料从福建用船运送到佘山脚下头。整幢建筑有“四无”之称，即无钉无木无钢无梁。

朝圣活动

每年5月份个“圣母月”，都有数以万计来自各地个天主敎徒前往佘山朝圣。由于河北东闾个朝圣活动受到政府管制，佘山成为中国境内唯一仍然活跃个全国性天主敎朝圣中心。

佘山朝圣多年来已经形成传统固定程式：敎友们来到佘山，先到中山堂念经祈祷，崇敬佘山圣母，表示对圣母个孝爱；再列队沿经折路公拜苦路上山。拜苦路毕再进大堂望弥撒，向圣母求恩。末脚，再回到“三圣亭”念经祈祷。另外，由于传统上渔民勒江南地区天主敎徒中占有较大比例，告咾交关渔民敎徒侪是自家划船到佘山脚下，再上山朝圣。乃末勒5月份，佘山附近个小河浜中，常庄聚集仔弗少渔民敎徒个小船。^[8]

由于大殿所在个西佘山是上海佘山国家森林公园个一部分，并作为旅游景点向游客开放，告咾西佘山个大部分入口（东门、北门、西门）设有售票亭，游客须购票进入。而敎友则从专设个敎友门出入西佘山园。但随着西佘山园个免费开放，迭能个情形将成为历史。

弥撒时间

平日：6:30； 主日：8:00；首七弥撒：8:00