凱撒

凱撒，又譯愷撒（拉丁文：Caesar，公元前100年7月13日－前44年3月15日），羅馬共和國末期個軍事統帥、政治家，儒略家族成員。

凱撒個胸像雕刻

凱撒雖然出身貴族，弗過家門並弗哪能顯赫，伊年輕辰光當過律師，敗訴兩趟之後放棄。改跑到自家親戚勒拉小亞細亞個軍隊裏向。箇當中，曾經勒拉東方王國個宮廷裏充當間諜，有傳聞講伊當過迭個國王個男寵。伊回到羅馬之後，想方設法擠到權力階層。因爲伊擅長搞女人，情婦多，所以關係網也靈通。弄到神官個職位。之後伊歷任財務官、大祭司、大法官、執政官、監察官、獨裁官等職。伊曉得自家弗是羅馬第一流個名門，嘸辦法勒拉元老院出人頭地，所以，伊就拿自家個人望寄託在平民身上。一直塑造自家是老百姓個朋友。不過，迭眼儕弗過是權術而已。

公元前60年，伊搭駕駑士·龐培（Pompey）、麻摑撕·李錫尼·克拉蘇（Crassus）秘密結成前三頭同盟，隨後擔任執政官，勒拉任期當中排除異己，收買暴民，通過農地法，籠絡到交關失地無產者民心。之後，根據三巨頭同盟個秘密約定，伊勒拉執政官任滿之後，出任控制三個行省大權個高盧總督。伊曉得嘸武功做資本是無法搞獨裁個，就用8年辰光，恩威並施，逐漸殖民高盧全境（乃朝法國、比利時搭德國萊茵河西面），也野心勃勃個侵略日爾曼搭不列顛。伊勒拉高盧安插勢力，排除元老院個官僚，完全拿高盧變成伊自家個獨立王國。迭眼舉動，也引發元老院個交關責問。公元前50年，龐培搭元老院要求伊辭脫高盧總督個職位，伊嘸執行。公元前49年，渠跨越盧比孔河，公然叛國並佔領羅馬，之後追殺龐培，滅脫反對自家個勢力。勒拉元老院設立類似東方帝王個寶座，集大權於一身，開始獨裁統治，制定了《儒略曆》。

公元前44年，凱撒個獨裁讓羅馬元老院大部分元老再沒辦法忍受，以布魯圖（Brutus）所領導個元老院成員拿伊暗殺身亡。凱撒死脫之後，其甥孫及養子屋大維（Augustus）擊敗安東尼（Antony）開創羅馬帝國並且成爲第一位帝國皇帝。拋開個人個作爲弗講，凱撒是能力邪氣強個軍事家搭文學家，伊個著作高盧戰記是拉丁文學個名作，伊個統治方法搭收買民心個手腕，也爲後代個帝王樹立標杆。此外，凱撒也是撲克牌裏個方塊K人物。

註釋