力学
From Wikipedia, the free encyclopedia
Remove ads
力學是物理學個一隻分支，俚主要研究物體受到外力或者勒拉變形辰光個行為，搭仔俚反過來引起個對環境個影響。
研究該星規律個人呢，就叫俚力學家。
意義搭仔重要性
力學是物理學裡向頂頂根本個規律。俚主要處理人覺着個該個宏觀世界，為之講是關於自然世界個一個交關大個知識實體。宇宙當中個所有物質勒拉四個基本相互作用（或者講「力」），也就是重力、強相互作用、弱相互作用搭仔電磁相互作用下底個運動，儕撥拉力學包含勒許。
力學也是所謂技術個核心之一。技術呢，也就是拿物理知識用到人類社會個發展浪。勒拉該個層面浪個規律，一般性叫俚工科或者應用力學。勒拉搿個層面浪，力學就好拿得來設計搭仔分析結構、機制搭機器個行為。搿個領域裡向個重要個分支，像機械工程、航天工程、土木工程搭仔生物力學儕是力學裡向衍生出來個。
經典力學 vs. 量子力學
從歷史浪來講，經典力學先產生，而量子力學是只相對晏到個發明。經典力學比有文字記載個歷史還要來得早，而量子力學一腳要到1900年再出世。普遍浪認為，俚篤組成着現有個對物理本原頂頂靠得住個認識。經典力學外加撥看成是別個所謂嚴格科學個樣板。勒拉該個方面，理論當中數學浪個嚴格推導，搭仔勒拉產生搭驗證搿星理論辰光實驗勒許扮演個決定性個角色，是弗可或缺個。
量子力學呢，勒拉頂頂闊個範疇浪，勒拉俚個形式浪，好看成是拿經典力學作為一隻子規律包括勒許；該只子規律呢，只好勒拉一定個限制條件下頭成立。根據相似性原理，俚篤內部並嘸撥啥矛盾，只勿過各自勒拉特定個條件下頭成立。雖然講歷史浪量子力學撥人認為是對經典力學個取代，實際浪，只好勒拉假設搭仔理論基礎層面浪再好實梗講法。勒拉一般性個實際問題當中，歸星量子力學解決起來殺雞用牛刀繁難到要命個問題，經典力學就好解決，為之講，經典力學還是派得上用場個，外加還用得蠻靈。
Remove ads
愛因斯坦力學 vs. 牛頓力學
搭仔量子力學搭經典力學個關係差弗多，愛因斯坦個廣義相對論搭仔狹義相對論勒拉牛頓力學搭仔伽利略力學個基礎浪擴展仔力學個範疇，並且對俚篤個理論做着眼小訂正。量子力學也要相對論個訂正，雖然講相對論撥歸到經典力學裡向。
只要當心特定個邊界條件，搿個兩家頭之間就嘸撥啥矛盾或者講衝突。就像勒拉頂頂寬鬆個意義浪，好拿經典力學搭仔量子力學分別描寫成功是處理「大」實體（像引擎部件咾啥）搭仔處理「小」實體（像微粒咾啥），個末也好實梗講法，相對論力學搭仔非相對論力學是分別用得來處理「快」實體搭仔「慢」實體個。必過，該答個「快」搭仔「慢」儕是相對個概念，決定於觀察者個運動狀態。搿個也就是講，所有個力學，弗管俚是經典還是量子，描寫起來儕要用着相對論個觀點。必過勒拉另外一個方面，作為觀察者，俚可以適當個頻繁改變俚個位置，實梗呢搿個相對論個考慮也是弗一定必要個。
主要分支學科
專業組織
- 應用力學部, 美國機械工程師協會
- 流體動力學部, 美國物理協會
Wikiwand - on
Seamless Wikipedia browsing. On steroids.
Remove ads