北極圈

北極圈是緯度數值是北緯66.5°個一隻假想圈，是北寒帶搭北溫帶個分界線，搭黃赤交角（南北回歸線個緯度數值）互餘。北極圈北面個地區叫「北極圈內」。一般性北極圈裏向個地區叫北極地區，由北冰洋搭周邊陸地組成，陸地包括仔格陵蘭、北歐三國、俄羅斯北部、美國阿拉斯加北部搭仔加拿大北部。北極圈裏向個島窮多，頂大個是格陵蘭島。因為交關瀴，北極圈裏個生物種類窮少。植物以地衣、苔蘚為主，動物有北極熊、海豹、鯨等等。

藍顏色虛線個圓圈就是北極圈

北極圈也是極晝搭極夜現象開始出現個界線，北極圈北面個場化勒夏天會出現極晝，冬天會出現極夜。